Manifestazions atuales

Data

16 de setember 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 16 de setember 2022
Dotours
Dutor Gherdëina
L dutor de servisc da n sada ai 17.09. dala 08:00 daduman nchin la 08:00 daduman de n lunesc ai 19.09. ie l dutor ie l dutor Simon Kostner de Sëlva, stre­ da Nives 2, tel. 347 2297492.
Doturs Val Badia
I doturs en sorvisc tla Val Badia, tla fin dl’edema di 17 y 18 de setëmber é ai 17.09. la doturia Margarete Mahl­knecht, La Val, tel. 349 0667034 o 0474 523018 y ai 18.09. le dotur Vincenzo Santocito, Al Plan, tel. 351 9208697.

Apoteches

Apoteca Gherdëina
L’apoteca che ie de servisc ora dl orar ordiner de giaurida, da n vënderdi ai 16.09. nchin n vënderdi ai 23.09. ie chëla de Sëlva, tel. 0471/795142 o 333/1776615, (davierta dala 08:30–12:30).
Apoteca Val Badia
L’apoteca en sorvisc fora dl orar ordinar, dal vëndres ai 16 de setëmber dales 19:00 al vëndres ai 23 de setëmber ales 19:00, é chëra da Corvara, tel. 0471 830237.

Mostres y Ert  

Atualmenter
»Enrosadira« te Museo Ladin
Te la sala Heilmann del Museo Ladin de Fascia se pel veder la mostra »Enrosadira« con la operes de Bepin Soraperra. L’entrèda é debant e la espo­sizion resta fora enscin ai 11 de otober. Dapò la vegnarà tramudèda te la senta del Liceo Artistich de la Scola Ladina de Fascia.
Atualmënter
Mostra »Scuvrì«– scuvierta fotogrametrica de Gherdëina
Mostra tla sala dla Lia Mostra d’Ert/Circolo a Urtijëi. La scultures dla seria »Scuvrì« ie dedichedes al’azions y tradi­zions tipiches de Gherdëina. La mostra resterà davierta nchin ai 25.09., uni di dala 09:00 nchin la 12:00 y dala 16:00 nchin la 19:00.
Atualmënter
Mostra de Egon Dejori – Limit
Tl Tublà da Nives ie da udëi videos, renderings tridimen­sciunei, fotografies y nstala­zion, nes prejentan na critica soziela n pue desferënta. Davierta nchin ai 25.09., uni di ora che de lunesc, dala 16:00 nchin la 19:00. De vënderdi nce da sëira, dala 20:30 nchin la 22:00.
Atualmënter
Mostra tla Galaria Doris Ghetta
Mostra culetiva »Erosive Forces Shape (Inner) Land­scape« cun lëures de Francesco Bertelé, Milena Bonilla, Arturo Hernández Alcázar, Arnold Holzknecht, Alexandra Kadzevich, Vibeke Mascini y Finbar Ward. Nchin ai 25.09., da merdi nchin de vënderdi dala 15:00-18:00 o cherdan su l numer 366 1500243.
Atualmënter
»Danter se paré y azeté« de Josef Kostner
Te sies sales dla Hofburg a Persenon, iel da udëi var per var l svilup artistich de Josef Kostner de Urtijëi (1933–2017). La mostra ie davierta nchin ai 06.11. uni di dala 10:00-18:30 (da utober inant nchin la 17:00).
Atualmënter
»Amor, mort y malan. Teater tl Tirol«
L Museum de Ciastel Tirol sëura Maran y l scultëur Wil­helm Senoner de Urtijëi nvieia ala mostra »Amor, mort y malan. Teater tl Tirol« tl »Ritter­saal«. La mostra sarà da udëi nchin ai 20.11.

Sport

Atualmenter
Corsc de aviament al hochey
L Hockey Club Fascia Falcons met a jir corsc de aviament al hockey debant per bec dai 5 ai 12 egn. I corsc vegn endre­zé te stadie da les 18:15 a les 19:00. Per info e iscrizions: info@fassafalcons.com o 0462 602499.
17.09.
Gara dla roda »Crono Fanes«
En sabeda ai 17.09. él la gara cun roda da munt o E-Bike, da Pederü cina sön Fanes. La gara mët man dales 11:00, cun start dlungia la ütia Pederü. Infos y iscriziuns danfora sön www.eventsdolo mites.org o al 327 3698176. L’iscriziun costa 18,00€ danfora, 20,00€ al start. Lapró él ince na pasta.
22.09.
HC Gherdëina tla AHL
Partida dl HC Gherdëina n cësa tl stadio Pranives te Sëlva contra i Unterland Cavaliers, n juebia ai 22.09. dala 20:30.
24.09.
Delicious Trail
Ai 24.09 vëgnel organisé na gara de trail running che combinëia le salté sö por munt cun la gastronomia. Por le pröm iade vëgnel en chësc ann organisé n percurs mesan de 33km y 1890m de dislivel che pëia ia dal’Alta Badia y röia a Cortina d’Ampëz. Informaziuns y iscriziuns online sot a www.delicious trail.it.

Sozial

Atualmenter
Teater e scontrèdes su la demenzes
Ai 21 de setember da les 20:30 te chino de Pardac »Vago oltre« teater de e con Loredana Cont. Ai 30 de setember te Comun de Moena da les 16:00 scontrèda co la d.res Simona Gardini e Martina Cavada e da les 20:30 laboratorie col architet Alessandro Fran­ceschini. Al prum de otober da les 14:00 inant, domesdì al Zenter del saut Stalimen de Pardac.
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da damané do contribuc finan­ziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
20.09.
La Grupa de sport per l cuer scumëncia
Prima ancunteda dla grupa per chëst ann de scola ai 20.09. tla palestra dl ITE Raetia a Urtijëi. Cun l susteni de n fisioterapist y na duturëssa se ancuntons uni merdi dala 18:45 per fé sport cardio, de cuordinazion y devertimënt. Nfurmazions plu avisa tres e-mail a guido.tinderla@gmail.com o diretamënter unian te palestra pra n’ancun­teda. Duta la jënt che à abu vel’ malatia al cuer ie nvieda a fé pea nchin che l ie mo lerch.
Uni merdi
Marënda per over 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).

Referac

21.09.
A Cianacei Campo Base
En mercol ai 21 de setember te chino Marmolèda de Cia­nacei da les 21:00 scontrèda con Michil Costa per rejonèr de »Futurism«.
22.09.
Se tò la vita zënza n ultimo salut
L KVW de S.Cristina nvieia ala sëira de descuscion dal titul cun l primar dutor Roger Pycha. Co ti vester al duel, ai sentimënc de gauja, ala dumandes restedes daviertes? Na sëira da scuté su, da pensé y rujené pea, n juebia ai 22.09. tla sala Raiffeisen tla Cësa de Chemun de Santa Cristina
Segres y Festes
17.09.
Festa dla castanies
L VKE nvieia duta la mutans y i duc mutons ala festa dla castanies cun juesc y deverti­mënt. N sada domesdì ai 17.09. sun la plaza dai juesc dan la scola elementera de Urtijëi.
17.09.
Festa te plaza
En sabeda ai 17.09 mët da jí i Stödafüch y la Müjiga da San Ciascian na festa te plaza tl zënter dl paisc dales 15:00 cina les 23:00. Al gnará dé fora de vigni sort de spezialités da mangé y al ne manciará sambëgn nia musiga dal ví.
18.09.
Segra de Badia y gní de munt cun Matteo
Ai 18.09, por l’iniziativa Nos Ladins, pon tó pert a n’espe­riënza speziala y passé n valgönes ores cun Matteo, che gnará de munt cun sü tiers rovan a Badia olaché al gnará tigní la segra dl paisc. La defilada cun i tiers che vëgn de munt é preodüda por les 15:00.

Religion

18.09.
La Crousc de Pizac
Domënia 18 de otobre, da le 11:30 sun Pizac, vignarà dit na S.Mëssa, acompagnada dal Coro Fodom, per benedì la val contra ogni calamité. Se podarà su e ju debann fin le 11:30 co la cabinovia »Arabba – Forcella Europa«. En cajo de burt temp la Mëssa vignarà dita al Rif.Gorza.


Radio

LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
17.09.
Momënc de vita: intervista a Rosmarie Sorarù Castlunger
Dales 19:05. Rosmarie Sorarú Castlunger é nasciüda a La Ila, olache ala vir ciamó aldedancö. Ara é jüda a fá la scora mesana a Bornech y spo ára fat la scora alta a Balsan. Atira do la matura éra jüda a insigné tla scora mesana a La Ila y canche al é gnü metü sö la scora alta a La Ila éra stada üna dles prömes insegnantes.  Rosmarie Castlunger nes cunta de süa esperiënza tla scora, sides sciöche studënta che sciöche insegnanta. N program de Erika Castlunger.
21.09.
Do l vièl del saer – P.Frumenzio vel te dir vèlch
Dales 19:05. Per recorder la fegura de Père Frumenzio Ghetta l’Istitut e l Museo Ladin de Fascia à endrezà na vijita teatralisèda da marevèa. Te chesta pruma pèrt P.Frumenzio Ghetta se prejenta e conta mingol de si enrescides te la bilioteca de l’Istitut e dapò l ne mena a descuerjer l museo olache per l’ocajion la fegures se viventarà sosce­dan gaissa e marevèa. L toch de teater é nasciù da na idea de David Dorich che desc ousc a Pare Frumenzio Ghetta, l test e la regia é de Ilaria Chiocchetti. Program de Anna Mazzel.
22.09.
Do l vièl del saer – P.Frumenzio vel te dir vèlch (2.pèrt)
Dales 19:05. Te chesta seconda pèrt la fegures del museo se viventèa per conter la vita da zacan da bachegn con si stru­scies e fadies per ruèr dapò a spiegher l valor e l’importanza de la storia e identità ladina. L toch de teater é nasciù da na idea de David Dorich che desc ousc a Pare Frumenzio Ghetta, l test e la regia é de Ilaria Chiocchetti. Al spetacol à tout pèrt  ence Alberta Rossi, Roberto Florian, Maura Chiocchetti, Ivano Favè, Ro­mana Canal, Günther Pezzè, Manuela Rasom, Massimo Dondio, Letizia Pezzei e Martina Chiocchetti. Program de Anna Mazzel.

Televijion

20.09.
Arpejuns – monumënc de ert y cultura. La dlijia de Suel y la capela de Cianpo
Dales 20:50 ca. La dlijia de Śuel é dedicada a San Roco y a San Bastian, ala é gnüda consacrada tl 1604 y ala é gnüda fata sö por orenté de n valgünes families de Suel. La dlijia é gnüda restaurada y depënta fora da nür dal artist de Badia Jan Mati Pescoller. La capela de Cianpo de sura é dedicada a San Candido y a Sant Ujöp y ala é gnüda fata sö tl 1735. Tla capela él da odëi n valgünes operes d’ert sacrala, sciöche le alté a ares de Michale Parth. N program de Erika Castlunger, camera y tai de Hans Peter Karbon, a cura de Alessandro Dapunt.
21.09.
Trail spezial
Dales 20:50 ca. A cura de Alexia Grossi.
22.09.
Df dut feminin: L nutriment, na forma de amor
Dales 20:50 ca. La femena, da semper, l’é chela che per pruma se cruzia de alimen­tazion te cèsa. N tem che pel averjer ujes su argoments desferenc e che, tras na giusta sort de informazion, l pel portèr a tor en consciderazion neve maniere de magnèr. Da la valuta che à l portèr inant la tradizion te cèsa da fech, a la possibilità de tor cà atra idees e ponts de veduda en cont de coche vegn enjignèda la magnadiva, se rua prest a entener che l nutriment, per na ela, no l’é auter che na forma de amor. Program de Cinzia Pistoia, a cura de Anna Mazzel.
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.

Temp Lede

Atualmenter
Escape Room a Dèlba
Via per dut istà l é avert Fora!, la pruma Escape Room de Fascia, te la veia scoles mesè­nes de Dèlba, per endrez de la Coprativa sozièla INOUT col sostegn del Museo Ladin. Info e prenotazions al 336 4246874 o escape@inoutfassa.com.
Atualmenter
Oraries Museo Ladin de Fascia
L Museo Ladin de Fascia a Sèn Jan resta avert al publich enscin ai 11 de otober da les 15:00 a les 19:00.
16-18.09.
Festival del Puzzone e Desmonteada
Dai 16 ai 18 de setember a Soraga e Moena na lingia de scomenzadives leèdes al jir sa mont col bestiam e ai pro­doc dal lat. En sabeda da les 10:30 a les 15:00 Desmon­teada a Soraga, en domenia ai 18 da les 11:45 Desmonteada a Moena. De più su www.visitmoena.it.
19.09.
Eco-hiker
En lönesc ai 19.09 vëgnel or­ganisé l’escurjiun Eco-Hiker, n’iniziativa liada al’eco-so­stenibilité de nostes munts. Dales 09:30 pó i partezipanc, tratan na escurjiun acompa­gnada da Badia cina ai Pra de Armentara, dé n contribut ala natöra romenan sö i trus. Iscriziuns sön la plata internet www.altabadia.org o ti ofizi turistics.
20.09.
Yoga tl cör dles Dolomites:
Ai 20 de setëmber dales 16:30 sarál Alexandra, insegnanta de IYENGAR® YOGA, che ves mostra sciöche le Yoga pó cherié usanzes nöies y aumenté le bëgnester de mënt y corp al Sass Dlacia a San Ciascian. Iscriziuns sön la plata internet www.altabadia.org o ti ofizi turistics.
21.09.
Marcià de San Matie
N mierculdi dala 08:00 inant tl raion da jì a pe a Urtijëi.

Iadi y Jites

17.09.
Escurjiun: les eghes de Fanes
En sabeda ai 17 de setëmber él la Ciasa dl Parch Natural Fanes – Senes – Braies che inviëia a na escurjiun acompa­gnada dal tema »Les eghes de Fanes«. An s’incunta dales 9:00 a Pederü, por jí cina tla munt de Fanes a descurí la morvëia dles eghes. An röia zoruch incër les 17:00. Al é da s’anunzié anter i 16.09. dales 18:00 al 0474 506120. La partezipaziun é debann.
18.09.
Jita sun l Kortscher Schafberg
La Lia da Mont de Gherdëina mët a jì, n dumënia ai 18.09. na jita sun l Kortscher Schaf­berg te Schnals. L sarà da fé n deslivel de 1.100 metri y da jì zirca sies ëura. Da se nuté su iel tla butëighes Ciofs Inge, Sport Malsiner y Sport Bruno Riffeser. Per plu nfurmazions cherdé su Philipp al numer 334 3338903.
22.10.-29.10
N’ena de cures y aurela curta
L KVW de Sëlva pieta da sa­da ai 22.10 nchin sada ai 29.10. inò n’ena de cures y aurela curta a Montegrotto Terme tl Hotel Antoniano****. L unirà furnà da Sëlva demez cun la curiera. Per se lascé nuté iel da cherdé su Rudolf Mussner, al numer 335 6380 973. L possa nce unì pea chi che ne n’ie nia cumëm­ber:ra dl KVW de duta Gher­dëina.
24.09.
Viac tl Sarntal
La grupa dl KVW de Gher­dëina mët a jì n viac tl Sarntal n sada ai 24 de setëmber. L unirà furnà a Sarnthein, ulache n jirà a ti cialé al Rohrer­haus, na vedla cësa da paur. Do na  bona marënda al lech de Durnholz uniràl furnà sun l Penserjoch y fermà a Sterzing. La iscrizions vën tëutes su nchin merdi ai 20.09. tla Cassa Raiffeisen de Santa Cristina, ulache l ie nce da giapé n program, o per tele­fonn pra Emmerich Senoner al 335 57 13 575.

Cursc

Atualmënter
Curs de tudësch per chi che sà bele mpue
Metù a jì dala Consulta per la Ntegrazion de Gherdëina. L curs sarà dai 27.09. nchin ai 06.12., for de merdi y juebia dala 09:00-11:00 tla biblioteca San Durich a Urtijëi. L priesc de iscrizion ie de 50€, y l ie da se scrì ite nchin al plu tert ai 20.09.: 0471 773225, 333 7564531 o furmazion.gh@micura.it.
Atualmënter
Multiski á davert les iscriziuns
Le Ski Team Alta Badia orga­nisëia ince en chësc invern »Multiski« por mituns y mitans dai 6 cina ai 9 agn. Al ne vëgn nia ma pité schi, mo ince ativités sportives alternatives sciöche snowboard, jadiné, hockey, paslunch, freestyle y telemark. Infos y iscriziuns: info@skiteamaltabadia.it.
19.09.
Curs de Streetstyle y Modern Dance
La U.S. La Ila, adöm cun la scora de balé »Shabba Crew«, mët da jí n curs por mituns y mitans dla scora mesana. Le curs vëgn tigní vigni lönesc dales 16:00 ales 17:00 y mët man ai 19.09. Infos y iscri­ziuns: www.uslaila.it.
20.09.
La Ila: Curs de »Ashtanga yoga«
Curs de »Ashtanga yoga« cun Maria della Venezia, tl salf panoramich dla Ciasa dla Cultura a La Ila. Le curs mët man cun na leziun de proa ai 20 de setëmber dales 19:30, vá inant por 5 iadi y costa 75,00€ por düc i iscric ala Uniun Giulan. Iscriziuns tres e–mail a book@altabadia balance.com o tres SMS al 340 8279116.
21.09.
Curs de ginastica 50+
Vigni mertesc dales 16.30 ales 17.30 tla palestra dla scora mesana da La Ila cun Sofia Granruaz. Le curs mët man ai 21.09. Organisaziun: U.S. La Ila. Infos y iscriziuns: www.uslaila.it.
22.10
Curs de Ultimo Aiüt
Les infermieres dl Raiun Sanitar Val Badia mët a jí n curs, olach’an impara da socodí y da ti sté dlungia tla dërta manira a porsones che é tl morí. Le curs vëgn tigní anter 2 iadi: – A Badia, Ciasa Runcher, ai 22.10., dales 8:00 ales 12:00; prenotaziuns cina ai 21.10. al nr. 0474/586155, 8:00 – 9:30. – A San Martin, Istitut Ladin, ai 19.11., dales 8:00 ales 12.00; prenotaziuns cina ai 18.11., al nr. 0474 586128, dales 8:00 ales 9:30.
22.09.
Jüc de scuadra
Adöm cun Emanuel Gravino organisëia la U.S. La Ila jüc de scuadra por partazipanc:tes sura i 16 agn. An se incunta vigni jöbia, dai 22.09 inant, dales 20:00 ales 21:30. Infos y iscriziuns: www.uslaila.it.
23.09.
Bai de grup y Total Body Workout
I cursc vëgn organisá dala U.S. La Ila y vëgn tignis da Elena Masutti vigni vëndres dales 19:00 ales 20:00 y dales 20:00 ales 21 tla palestra dla scora mesana da La Ila. Infos y iscri­ziuns: www.uslaila.it.
23.09.
Curs da nodé por elementara y scolina
Le curs por mituns y mitans dla scolina y dla elementara vá inant por indöt 8 iadi. Infos y iscriziuns: www.uslaila.it.
27.09.
Curs de ingleje
Le KVW de Badia organisëia dui cursc de ingleje cun la prof. Lalena Stull te biblioteca a Pedraces: »Everyday English« a livel elementar/progrediënt vigni mertesc, English Con­versation« a livel intermesan vigni jöbia. I cursc mët man ai 27 de setëmber y sará de 10 sëres (19:45–21:45) al prisc de 100 €. Infos y prenotaziuns: pro Cristina al nr. 333 159 1599.
30.09.
Curs de balé por mituns y mitans
La U.S. La Ila mët da jí adöm cun Jana Pallestrongg n curs da balé por mituns y mitans dla scolina y dla elementara vigni vëndres domisdé. Infos y iscriziuns: www.uslaila.it.

Mujiga

16.09.
Cunzert cun Eva Vinatzer
Pitl cunzert de mujiga tlassica lesiera, ncuei vënderdi ai 16.09. dala 16:00 nchin la 18:00 sun l troi da jì a pe Luis Trenker, dan La Curta a Urtijëi.
17.09.
Ciantèr sa mont
En sabeda ai 17 de setember da les 20:50 te palestra de la scola mesènes de Poza l Cor Valfassa met a jir la 17^ edizion de la rassegna de cores da mont. Tol pèrt l Cor Valfassa, l Cor Improvviso de Rosà (VI) e l Cor Monte Vignol de Ala-Avio (TN).
17.09.
Conzert cun le »Cuintet Ladin«
Le cuintet de stromënc a fle »Cuintet Ladin«, metü adöm da Valeria Mussner, Ivan Rumerio, Thomas Piazza, Barbara Costabiei y Alexander Perathoner, tëgn ai 17 .09 n conzert tl salf dles manife­staziuns da Corvara dales 20.30 inant.
23.09.
Conzert cun i Unknown Brass y Cuartet Vocant
Godesse na bela sëra de fin dl isté cun les melodies di grups musicai Unknown Brass y Cuartet Vocant. Le conzert vëgn tigní ai 23.09, dales 20.30 tla dlijia da Corvara.

Chino

Atualmenter
Al chino de Tieser
En sabeda ai 17 e en domenia ai 18 de setember les 21:15 l é »Memory«. Dai 18 taca la azion ‘Cinema in festa’ con entrèda a 3,50 euro: en do­menia ai 18 da les 17.30 »Minions 2« en lunesc ai 19 da les 21:15 »Top Gun: Maverick«, en mèrtesc ai 20 da les 17:30 »Peter va sulla luna« e ai 20 e ai 21 da les 21:15 »È stato tutto bello«. Ai 22 da les 17:30 »DC League of Superpets« e da les 21:15 »Elvis«.
Atualmenter
Al chino de Cianacei
Anché vender ai 16 e en domenia ai 18 de setember les 17:00 l é »DC League of Superpets« e da les 21:15 en vender l é »Bullet Train«, en sabeda ai 17 e en domenia ai 18 l é »Malacarne«. Dapò l Chino de Cianacei l sera.

Avisc

Atualmënter
Picolin: portina por assistënza y cura
La Portina por l’assistënza y cura á orars nüs. Sëgn ésera daverta trëi iadi al’edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa.
Atualmënter
Raida di mejes sa Sacun
L Museum Gherdëina mët a jì uni mierculdi nchin ala fin de setëmber na vijita ai mejes de Mëune y Peza y ala dlieja da Sacun. La raida de mez n di scumëncia dala 09:00 tl Museum a Urtijëi cun na ntroduzion y fina sa Sacun dala 13:00 sa Somont pra la curiera. L vën furnà su cun l citybus. Nfurmazion y iscri­zion: tl Museum Gher­dëina a Urtijëi, tel. 0471 797554, info@museum gherdeina.it, www.museum gherdeina.it
Atualmënter
Museum Gherdëina
L Museum tla Cësa di Ladins a Urtijëi ie daviert dal lunesc nchinn vënderdi, dala 10:00-12:30 y dala 14:00-18:00. Sada danmesdì dala 10:00-12:30. Per vijites ora dl orar reguler y vijites menedes pòssen cherdé su l 0471 797554. Plu nfurmazions sot a www.museumgherdeina.it.

Sanité

06.11.
Iade a Abano Terme
Dala Val Badia demez cun coriera vëgnel metü da jí n iade de palsa y cura a Abano Terme, dai 6 de novëmber ai 13 de novëmber 2022. Infor­maziuns plü avisa pó inte­ressades y interessá pié do pro Monica, al nr. tel. 0474 590069.
Leteratura
22.09.
Balanz y bënsté
Prejentazion dl liber »Die Kunst es leichtzunehmen – Aufräu­men im Unter­bewusst­sein für ein glückliches Leben in Ba­lance« de Lisa Gamper tla bilioteca Oswald von Wolken­stein te Sëlva, dala 20:00.
22.09.
Liber de Julian Peter Messner
La prejentazion dl liber »aus­nahmsweise ohne titel« de Julian Peter Messner sarà dala 17:00 tl Café Surëdl a Urtijëi.

Galaria retrac