La Usc di Ladins

Radio
Atualmënter
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
11.03.
Auuuuuu…
Dales 13:45. Le lu lascia sües mersces y se fej spié tres indô danü. Cotanc dij che ai ne se infida nia plü da jí da susc fora por bosch. É pa chësta tëma legitima o zënza funda­mënta? Le verdaciacia Hubert Tschaffert da La Val respogn te chësc program a deplü che­stiuns che reverda le lu. N program de Sara Frenner.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
08.03.
Tëmp de Carsëma, tëmp da jiné
Dales 19:05. Nia ma la religiun cristiana dá dant le jiné, mo te tröpes cultures dl monn él da ciafé tëmps spezifics olache al vëgn renunzié a val’ spëisa. Tratan la trasmisciun gnaral fat n iade tl passé, olache po­dares ascuté sö deplö informa­ziuns sura les origines y l’evo­luziun dl jaiun. Program de Iris Del Valle.
09.03
I fredesc Schenk - Manejé n lift portamont
Dales 19:05. Pudëi furné su bel saurì cun n lift per pona jì cun i schi o jì a spaz semea zeche de normal, ma per garantì chësc trasport y pur­toies anjiniei ca a puntin iel dovia di per di n gran lëur. I fredesc Gabriel y Philipp Schenk conta de si mplant portamont de Col Raiser, dl lëur che ëi fej y de si funzion tla mpreja. Trasmiscion de Alex Runggaldier
12.03.
Persones e curiositèdes: Giusep Brunel de Zepon
Dales 19:05. Giusep Brunel de Zepon é nasciù del 1826 a Soraga e l é mort del 1892 a Urtijëi, l era n preve ma en­­ce autor de scric e comedies per fascian. L saea delvers talian, todesch, fascian e gher­dener. L lejea tant la Bibia che Dante che fosc ge à ispirà ence vèlch perdicia o comedia. Sebenche si scric abie finali­tèdes moralistiches l ne à lascià tesc de gran valor linguistich per l enrescida del ladin, de la cultura e usanzes che é ve­­­­­­gnu­des toutes su e publi­chèdes ence da Hugo de Rossi. Program de Anna Mazzel e Anelise Vian.
13.03.
La polizia de raiun
Dales 19:05. Amesa strada cun i brac aspaná, insciö únse porleplü te nosc imaginar le polizist o la polizista de raiun, mo cotan deplü é sües compe­tënzes. Deboriada cun Oliver Kostner, comandant dla poli­zia de raiun de Urtijëi, baiunse te chësc program dl laur y dles sfides tl mantigní la segu­rëza y le ordin te comun. N pro­gram de Sara Frenner.
Informaziuns plü menüdes sön i programs radio y tele­vijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Media­teca« y les trasmiscions radio sota »Podcast«.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
11.03.
Sport Ladin
Dales 20:50 ca. Program de Diego Clara y Hartmann Mair­­hofer, a cura de Leo Se­noner.
12.03.
Merch Dapunt - stimé o reagí?
Da les 20:50 ca. Program de Daria Valentin y Hans Peter Karbon, a cura de Alessandro Dapunt.
13.03.
Atualità dala scoles dla valedes ladines
Dales 20:20 ca. Tl’edizion de merz sons jic a ti cialé ala tlasses daviertes, n proiet dla terza tlasses dla scola mesana de Sëlva. Tla rubrica sota l udlon udons te chësta edizion l diretëur dla Ntendënza y Cultura ladina, André Com­ploi, che nes conta de si ncëria nueva y si vijons per l daunì dla scola ladina. Sëuraprò ons cumpanià i clowns dla lia Comedicus pra si vijita ai sculeies dla cuarta tlas dla scola elementera de La Pli de Mareo. Tesc’ y cunzec de Le­na Mulser, camera y tai de Hans Peter Karbon, a cura de Alessandro Dapunt.

Dotours
Dutor Gherdëina
L dutor de servisc da n sada ai 08.03. dala 08:00 daduman nchin la 08:00 daduman de n lunesc ai 10.03. ie l dutor Giuliano Piccoliori de S. Cri­stina, tel. 0471 792282 o 348 3301004.
Doturs Val Badia
Tla fin dl’edema di 8 y 9 de merz él en sorvisc ti comuns de Mareo y San Martin la doturia Stefania Febbraro, Al Plan, tel. 377 3288595. Ti comuns de Badia, Corvara y La Val él en sorvisc le dotur Alberto Caretta, Badia, tel. 0471 839706 o 380 3161999.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 07.03. nchin n vënderdi ai 14.03. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 7 de merz dales 19:00 al vën­dres ai 14 de merz ales 19:00, é chëra da La Ila, tel. 0471 847152.

Mostres y Ert
Atualmënter
Crëps
La mostra de Riccarda de Eccher, che mostra acuarei dla Elpes y particularmënter dla Dolomites che devënta prutagonistes de si lëures, ie da udëi nchin ai 29 de merz tl Tublà da Nives te Sëlva. Orar: Uni di ora dl lunesc, 15:00–18:00.
Atualmënter
Ziclus – ert cun la natura
Per »Kunst im Gang[e]« à l artist Jan Langer crià ert cun materiai y culëures dla natura, deventan un cun l ziclus che fej ora la cuntredes de Süd­tirol. La mostra resterà da udëi nchin ai 2 de mei tla Cësa de Chemun de Laion, lunesc–vënderdi 08:00–12:00 y de juebia domesdi, dala 16:00–18:30. Nfurmazions plu avisa: Elisabeth Frei, 333 455 62 36.
01.03.
Mostra »Mëter mans«
Tl self dla mostres tla Cësa di Cungresc a Urtijëi saràl da udëi la mostra »Mëter mans – artejanes de Gherdëina conta«, che lieia opres de 25 artistes. La mostra resterà da udëi nchin ai 16 de merz, uni di dala 10:30–12:30 y dala 16:00–18:00.

Teater
07.03.
Sajon teatrala de Fiem
Per la sajon teatrala de Fiem, insnet, vender ai 7 de mèrz da les 20:45 te teater de Tieser, Onda Larsen Teatro met dant l spetacol »Delitto imperfetto« scrit da Claudio Insegno con Riccardo De Leo, Gianluca Guastella e Lia Tomatis.
07.03.
Spetacol musical su la eles a Cianacei
Insnet, vender ai 7 de mèrz da les 20:45 te chino Marmo­lèda l Comun de Cianacei, Ensema per Cianacei, la so­ciazion Antermoia e La Voce delle Donne endreza l spetacol musical »I feel like a woman« sul esser femenes ai tempes de internet con Eleo­nora Mazzotti. Chel che vegn tirà su va a la sociazion La Voce delle Donne.

Temp Lede
Atualmënter
Ala descurida dl paisc – Nosc paisc, le plü gran tesur
Na ciacia al tesur particolara portará fora por le paisc da La Val chëst invern. Fora por döta la sajun sarál la poscibilité da tó pert ala spazirada intera­tiva. Deplü indic y domandes daidará i partezipanc da ciafé le tesur. N’ocajiun olache an pó ince descurí tröpes curio­sités dl paisc da La Val. Dötes les informaziuns y i materiai da pié ia ciáfon tl ofize turi­stich a La Val.
Atualmënter
Lounge Bar Urtijëi
Uni juebia nchin ai 13 de merz nvieia de plu bars a Urtijëi a n aperitif cun mujiga dal vif o DJ, dala 16:30 nchin la 19:00. N juebia ai 13 de merz meterà DJ Maxi su de bela mujiga tl Caffé Haiti a Urtijëi.
Atualmënter
La Val: Ala descurida dl paisc
Na ciacia al tesur particolara condüj fora por le paisc da La Val. Tratan döt l’invern pón tó pert a na spazirada in­terativa. Deplü indic y do­manda daidará i partezipanc da ciafé le tesur. Na ocajiun olache an pó ince descurí tröpes coriosités dl paisc. Infos y materiai da pié ia ciafon tl ofize turistich a La Val.
08.03.
Dolomites Dirndl Ski Day
Gherdëina festejea l di mun­diel dl’ëila ai 08.03. cun na manifestazion sportiva sun Secëda: l Dolomites Dirndl Ski Day. L’iscrizions vën tëutes su tla Lia dl Turism de Urtijëi.
08.03.
Defileda cun chentli di Carabiniers
N sada ai 8 de merz dala 21:30 saràl sun l purtoi da Frëina na bela defileda cun i chentli, metuda a jì dai Carabiniers. Duc ie de cuer nviei.
11. y 13.03.
Al Plan: cun schi o liösa da sëra
Sön la pista »Cianross« a Al Plan pón jí cui schi o cun la liösa ince da sëra, vigni mer­tesc y jöbia dales 20:00 ales 22:00. Al ó ester le schipass, la cherta de plü dis o an pó ince cumpré na cherta por chë sëra.
12.03.
La Ila: cun i schi ince da sëra
Sön la pista »Doninz« a La Ila pón jí vigni mercui cun i schi ince da sëra. Ara é daverta dales 20:00 ales 22:00. Por tó pert ól ester na cherta di lifc che vel plü dis.
12.03.
Jí cun i schi da sëra
Sön la pista Doninz a La Ila pón jí cun i schi ince da sëra, plü avisa vigni mercui dales 20:00 ales 22:00. Por podëi tó pert bástel da avëi na cherta di lifc che vel deplü dis.
12.03.
»Nos Ladins«
Tres l’iniziativa »Nos Ladins« án la poscibilité da descurí deplü söl monn y söi mistirs di Ladins. Ai 12 de merz pón imparé da fá le strudl da pom adöm al pech Michele a La Ila. Prenotaziuns y deplü in­for­maziuns ciáfon ti ofizi tu­ristics dl’Alta Badia o sot ala plata internet altabadia.org
13.03.
»Bun de Gran Risa«
Ai 13 de merz vëgnel tigní l’ultim apuntamënt cun »Bun de Gran Risa«. Te chësta ocajiun deura l’implant de Piz La Ila bele dales 6:55. Dui maestri de schi dl’Alta Badia acompagnará i partezi­panc dui iadi jö por la pista Gran Risa. Dedô él ciamo la poscibilité da jí a gosté te na ütia. Les prenotaziuns pó gní fates ti ofizi turistics dl’Alta Badia.
14.03.
»Sellaronda Skimarathon«
En vëndres ai 14 de merz vë­gnel tigní la gara cun les pels incër le grup dl Sela. I partezipanc pëia ia da Sëlva dales 18:00 y an podará fá le tifo ince a Corvara dlungia la staziun dl implant Boé dales 18:35 ales 19:35.
14.03.
Sellaronda Skimarathon
N vënderdi ai 14 de merz dala 18:00 inant uniràl a s’l dé l Sellaronda Skimarathon, che pëia via y fina te Sëlva. Na bela ucajion per passé a cialé.
14.03.
Pudejé da luna colma
Tl zënter sun Pana puderàn ntan la sëires de luna colma de chësc inviern jì a pudejé debant. La proscima sëira sarà n vënderdi ai 14 de merz dala 20:00 inant. L mprëst dai schi ie daviert.

Cursc
Atualmënter
Iscrizions curs de tudësch
L Cumité per Ntegrazion Gher­­dëina deberieda cun i chemuns mët a jì n curs de tudësch per chëi che sa bele mpue – dai 2 de auril inant uni lunesc y mierculdi, 9:00 – 11:00. La prima ancunteda sarà tla biblioteca de San Durich, daldò for tla Cësa du Cungresc a Urtijëi. Iscrizions: nchin ai 28.03. te biblioteca. Cost (per 32 ëura): 70,00 €.
Atualmënter
Fit tl cë cun juesc y devertimënt
L KVW Urtijëi nvieia ëi y ëiles sëura i 60 ani a chësta ancuntedes per mantenì na bona riazion, memoria y cun­zentrazion, cun la referënta Isolde Senoner. La ancuntedes va inant mo cater iedesc tla Biblioteca de San Durich a Urtijëi, for de juebia dala 09:30 nchin la 10:30.
11.03.
Bal cun mujiga da dut l mond
L KVW de Sëlva mët a jì ot sëires de bal n cumpanìa cun la referënta Gabriella Senoner Verginer. N scumëncia ai 11 de merz dala 09:30–11:00 tla Pitla Sala tla Cësa de Cultura de Sëlva. La ancuntedes va inant for de merdi dala mede­ma ëura. Per nfurmazions y iscrizions: Lidia, 340 5170711.
18. y 25.03.
Curs de ginastica lisiera
Curs cun la fisioterapista Albina Pescoller por mioré la forza, la condiziun, la mobilité y la coordinaziun, i dis mertesc ai 18 y 25 de merz, ai 1 y 8 de aurí dales 19:30 ales 20:30 tla palestra da Lungiarü. Cost: 40,00 Euro por mëmbri dl KVW Lungiarü, 48,00 Euro por i atri partezipanc/tes. Iscriziuns pro Annamaria al nr. 338 7375305.

Referac
18.03.
Referat »Tö es ci che te manges«
Le Consëi de formaziun Badia inviëia al referat »Tö es ci che te manges«, cun la esperta de nodrimënt Sacha van Luyk. Le referat é en mertesc ai 18 de merz dales 20:00, tla Ciasa Runcher a Badia.

Sport
21.03.
Trofeo Tita e Marco
En vender a 21 de mèrz la so­ciazion Bela Ladinia endre­za l 28° Trofeo Tita e Marco, garejèda de schi alpinism de net a cobies, da piaz de Vich fin sun Ciampedie. I atlec ponta via da les 20:00 tedant a la boteiga Tony Sport. Se pel se scriver ite ence desche amatores e pontèr via da soi da les 18:00.

Sozial
Atualmënter
»Club

• 
•  

View the embedded image gallery online at:
https://www.lausc.it/manifestazions-y-evenc/29027-manifestazions-atuales#sigProId787b90a88c

Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698 343) y Methilde (tel. 335 697 7604).
Atualmënter
Bancarela dl mangé a Badia
La bancarela dl mangé é da­verta vigni secunda jöbia, dales 9:30 ales 10:30. Le pro­scim termin é ai 13 de merz. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Avisc
Atualmënter
Iscrizions Scola de Mujiga
La Scola de Mujiga de Gher­dëina fej al savëi che la iscri­zions online per l ann 2025/26 ie daviertes nchin ai 31 de merz sun my.civis.bz.it. Per la iscrizions iel debujën dl SPID. Coche uni ann puderàn crì ora danter de plu strumënc, cianté, muvimënt y bal.
Atualmenter
Grop de letura per bec
Te Biblioteca de Comun de Sèn Jan, te Strada Roma 3 a Vich, scontrèdes de letura per bec »L’isola che non c’è« con Elisabetta Vanzetta: ai 19.03, ai 30.04 e ai 28.05. Info al 389 1122243, ence whats­app, o a sangiovanni difassa@biblio.tn.it
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cu­mëmbri dla Lia Gaia.
Merz
Iscriziuns ala scora de musiga Val Badia – online
L’iscriziuns ales scores de musiga dla provinzia pón fá dal 1. ai 31 de merz, ma online tres les sorvisc dl’aministraziun provinziala »myCivis« al link https://civis.bz.it/einschreibu ng-musikschule . L’azes al sor­visc vá tres SPID o CIE (cherta d’identité eletronica). Informaziuns ciafon te secre­tariat dla scora de musiga a La Ila al 0471 847748 o sot https://deutsche-bildung.pro vinz.bz.it/de/musikschulen
07-10.03.
Cors per volontères CRI
L Comitat Crousc Checena de Fascia e Fiem prejenta sia atività e i corsc de formazion che sarà dai 13 de mèrz ai 18 de oril per volontadives dai 14 egn en su. Prejentazions ai 6 de mèrz a Vich, ai 7 a Mo­­ena e ai 10 a Ciavaleis, sem per da les 20:30. Info al 348 9318354 (ence wa) o a fassafiemme.formazione@trentino.cri.it
09.03.
Maria Piaz: femenes che à fat noscia storia
En domenia ai 9 de mèrz da les 17:00 a La Gran Ciasa a So­raga la Voce delle Donne endreza n apuntament de ‘Femenes che à fat noscia storia’ dal titol ‘Maria Piaz la Mare del Pordoi’ con Lu­ciana Palla autora del liber ‘Dal Pordoi a Katzenau’, Olim­pia Rasom e letures ani­mèdes de Ilaria Chiocchetti.
10.–13.03.
Pavël: iscrizions
L proiet per l instà Pavël, per mutons y mutans dl 2014– 2021, vën metù a ji dal VKE deberieda ai Chemuns; a Urtijëi dai 30.06. nchin ai 22.08., a S. Cristina y te Sëlva dai 07.07. nchin ai 22.08., for dala 07:30–14:30 y n vënderdi nchin la 15:30. La iscrizions possa unì fates tres l portal VKE, for dala dala 07:00 inant: Urtijëi ai 10 y 11.03.; S. Cristina ai 12 y 13.03.; Sël­va ai 10 y 11.03.
10.-14.03.
Sakl: iscrizions
L proiet per l instà Sakl, per mutons y mutans dl 2010-2013 (*n valguna enes nce per chëi dl 2008–2009), vën metù a jì dala Nëus Jëuni Gherdëina, dai 23.06. nchin ai 29.08. L orar depënd da ena a ena. La iscrizions possa unì fates tres mail a info@njg.it, a Urtijëi ai 13.03., a Run­cadic ai 14.03., a S. Cri­stina ai 11.03. y te Sëlva ai 10.03., for dala 07:00 inant. Nfurmazions plu avisa sun www.njg.it.
18.–22.03.
Iscrizions »Gaia«
La Lia Gaia mët a jì n proiet da d’instà, per mutons y mu­tans dl 2018-2020 y na segon­da grupa per i ani 2013-2017. L proiet va dai 23 de juni nchin ai 22 de agost. Orar: 07:45–14:30. La iscri­zions vën tëutes su dai 17.03. dala 08:00 inant nchin ai 21.03. tres l formular sun www.pro-gaia.net.
14.04.
Instà Vif – iscrizions
L proiet per l instà Instà Vif, per mutons y mutans dl 2012–2018, vën metù a ji dai Che­muns de Gherdëina deberieda cun lies, dai 23.06. nchin ai 15.08. dala 08:30-12:30 o dala 13:30-17:30. La iscrizions possa unì fates ai 14 de auril dala 20:00 inant tres l link o QR–code che n abina sun l julantin dat ora.

Mujiga
Atualmenter
Dolomiti Ski Jazz
Dai 7 ai 16 de mèrz l’Apt de Fascia, Fiem e Cembra col diretor artistich Enrico Tom­masini endreza l Dolomiti Ski Jazz. Sabeda ai 8 da les 12:00 al Chalet Valbona sun Lujia l é l grop »Beccalossi Corini Sigurtà Trio«, da les 21:00 te teater Navalge l é l grop »Almanaque« con special guest Camille Bertault. Dome­nia ai 9 da les 17:00 al XAlp Hotel a Pera l é »Claudio & Fulvio Chiara Quintett« e da sera Jan Session a La Grenz a Moena.
20.- 29.03.
N’ena de mujiga »Rock the Dolomites«
Dai 20 de merz nchin ai 29 de merz suneràl uni di te n’autra utia o tl luech de Sëlva d’uni sort de grupes. L pro­gram plu avisa ie da abiné sun manif.it
08.03.
»Ëiles, let’s rock«
N ucajion dl Di dl’Ëila mët l Tublà da Nives a jì na sëira dedicheda ala ciantarines y musizistes de Gherdëina, n sada ai 8 de merz dala 20:00. Chertes danora pòssen apusté tres WhatsApp al numer de telefonn 333 7166471.

Chino
Atualmenter
Al chino de Pardac
Sabeda ai 8 de mèrz da les 21:00 e domenia ai 9 da les 20:30 l é »Bridget Jones-Un amore di ragazzo«, domenia ai 9 da les 16:15 l é »The bru­talist«. Info su www.cinema predazzo.it
Atualmenter
Al chino de Tieser
Sabeda ai 8 de mèrz da les 17:15 l é »Paddington in Peru«, da les 21:15 e domenia ai 9 da les 20:30 l é »Heretic-Ne­anche la fede ti salverà«, en jebia ai 13 da les 21:15 per la ras­segna »Il piacere del cine­ma« l é »L’ultima spedizione«. Info www.cinematesero.com