La Usc di Ladins

Ai 23 de merz ie l prim ntervënt stat riesc daduman a La Ila, per n’ëila che univa unitant da nescia. Do la prima cures iela unida meneda cun l joler tl spedel de Bulsan.
Ai 24 de merz iel stat n nzidënt sun purtoi sëura la utia Scotoni: n ël fova tumà cun i schi y se à fat scialdi mel al piet. Ël ie unì menà tl spedel de Burnech. Riesc do iesen julei sun Mont de Sëuc, plu avisa pra l lift dai schi »Sonne«, ulache n ël plu de tëmp fova tumà y se ova fat mesamënter mel. Ël ie unì menà tl spedel de Bulsan. Domesdì à i judacrëp dl’Alta Badia damandà l ntervënt dl joler tla Val de Mesdì, a Corvara. N seniëur franzëus dala peves ne fova nia plu bon de furné ju ajache la lesures de si schi se ova rot. N l à trat su tl joler cun la binda y l à pona menà a Corvara.
L ultim ntervënt ie stat te Sëlva sun l purtoi Dantercëpies, nce chësc per n nzidënt cun i schi, pra chël che n’ëila se ova rot na giama. Do la prima cures l’àn meneda tl spedel de Persenon.

De plu tla edizion stampeda de La Usc di Ladins o sun l e-paper a paiament www.lausc.it/e-paper