La Usc di Ladins

N spiné sann y sterch
A Badia él d’aurí cater sëres cun Albina Pescoller, por renforzé le spiné
Le Consëi de formaziun de Badia mët a jí 4 incun­tades por mioré la forza, la sta­bilité y la flessibilité dl spi­né. Les incuntades vëgn ti­gnides vigni mercui, dai 8 ai 29 d’aurí, dagnora dales 20:00, tla palestra dla scora ele­men­tara da Badia. 
Referënta é Albina Pes­coller. Al é da se tó para n tepih y na peza da mans. Le cost dl curs é de 25,00 euro a porsona. Por infor­maziuns plü menüdes y iscriziuns pón cherdé sö Margit al numer de telefon 340 3438709.

Sas che devënta
Tla

• 
•  

View the embedded image gallery online at:
https://www.lausc.it/manifestazions-y-evenc/31565-manifestazions-atuales-speziales#sigProIdfde447cc88

galaria Vijion a Puntives vëniel giaurì n vënderdi ai 10 de auril dala 18:00 na mostra dedicheda a opres d’ert fates cun sas y tl sas
Nce al didancuei pieta chësc material for inò pusciblteies nueves d’esprescion artistica: l sas ie n material artistich dassënn prijà. 
Tla storia dla persona ie l sas dessegur l material tëut ca l plu per crië opres d’ert coche scultures, mo­numënc y strutures architetoniches. Scebën che l mond d’al didancuei pieta for materiai y mesuns tecnologics o digitei nueves, ne n’à l sas mo giut de no perdù si faszinazion y belëza. La mostra coletiva »sas che devënta« uel mustré su ce marueies artistiches che n possa fé cun l sas, mustran opres de artisć de trëi generazions. I artisć che mët ora ie Markus Gasser, Flavio Senoner, Bruno Vallazza, Otto Piazza, Arianna Moroder, Thaddäus Salcher y Michael Höllrigl.
La mostra resterà da udëi nchin ai 5 de mei. Orar: lun – sad dala 16:00–19:00, o cherdan su l 3382098697.

Cunzert da d’ansciuda
La Mujiga de Urtijëi à l plajëi de nvië a si cunzert da d’ansciuda n dumënia ai 12 de auril dala 10:30 tla Cësa di Cungresc a Urtijëi
Cun chësc cunzert scumëncia la Mujiga de Urtijëi si atività mujighela per l ann 2026. 
L dirighënt Egon Lard­schnei­­der à cris ora nce chëst ann n prugram drët nte­ressant. 
Tla prima pert dl cunzert saràl da audì cumposizions tlassi­ches coche »Weites Land« de Thomas Greiner, la ouverture »Banditen­streiche« de Franz von Suppè y la »Carmen Suite« de Geor­ges Bizet.
Tla segonda pert jiràla inant cun mujiga plu moderna. I musicontri à mparà ite »Perspe­ktiven« de Tobias Psaier, »The Saint and the City« de Jacob De Haan y »Andres Contra­bandista« de Oscar Navarro. Per stlù jù uniràl sunà »Freikugeln« de Johann Strauss Sohn. 
La Mujiga de Urtijëi se ncunforta sun vosc unì y mbincia n bon scuté su.

Curs da stampé inzijiuns
L’EPL–Ert por i Ladins inviëia a n curs de cin’ sabedes a Badia cun la insegnanta y artista Lilli Cristofolini d’Al Plan de Mareo
Le curs gnará tigní tra­tan chisc dis: 25 d’aurí, 9 de ma, 16 de ma, 30 de ma y 13 de jügn 2026 dales 9:00 ales 13:00 tl Studio Zona a Pedaraces/Ba­dia. 
Le cost por le curs é de 300,00 euro (250,00 euro por por­so­nes che vá a scora y stüdia), tl prisc él döt le material che an adora. 
Les prenota­ziuns vëgn tutes sö al numer 329 2597048.

Iö me ó bun
Simon Kostner é da odëi sön paladina dl zënter cultural UFO a Bornech cun le monologh nü »Ich liebe mich... oder vom (Un-)Glück, ein Gutmensch zu sein«
Diesc agn do »Badiotten« y »Über Unver­träglichkeiten und andere Haustiere« se con­düj Simon Kostner indô te so monn de­morvëia – n post plëgn de ironia y intuiziuns fines, da olache an vëgn fora madër cun na bona porziun de amur por se instësc. 
Le toch nü de Simon Kostner, cun regia de Dietmar Gamper, sará da odëi ai 17 y ai 22 d’aurí, tres dales 20:00, sön paladina dl zënter dla jonëza y cultura Ufo a Bornech. Les prenotaziuns pó gní fates online tres la plata internet dl zënter o por telefon al numer 0474 555770.

Garejedes sozieles te Val
Schi alpin, pudejé y cumbinazion: l Schi Club Gherdëina nvieia duc i apascionei dl sport, atlec, genitores y simpatisanc a fé pea chësta garejedes, n Lunesc de Pasca ai 6 de auril te Val
La garejeda de slalom lerch scumëncia dala 9:00 sun l purtoi Cir. L sarà truepa categuries y l unirà nce chëst ann fat na categuria a pert per families. La garejeda de pudejé ie dala 9:30 inant te Val.
Per tramedoi garejedes iel da se scrì ite nchin a n vënderdi ai 3 de auril dala 14:00, mé tres email a info@sciclubgardena.info.
L priesc de iscrizion ala garejedes ie de 10€ a atlet y de 25 € per la families (da paië ilò).
La premiazion sarà pona ntëur la 13:00 dlongia la utia Ciampac, ulache n puderà vëncer de biei pesć. Una na familia che fej pea à l mesun de vëncer n schipass per la sajon che vën, che unirà trat ora ala busca.
Duc canc ie nviei de cuer a fé pea. L ie na blòta ucajion per sté deberieda, sla ciaculé y fé festa.