La Usc di Ladins

Chest an de scola à portà na bela neva per la scola populèra de Poza: na fradaa ofizièla co la Volksschule Mariahilf de Dispruch.

Chest bel travert l é l resultat de n percors scomenzà acà doi egn, canche l’ensegnanta Fernanda Favè, maestra de todesch te noscia scola de Fascia, à tout pèrt per la pruma outa al projet de scambie anter ensegnanc trentins e del Tirol, endrezà e portà dant da l’Euregio.
Chest program de fradaa l perveit che ensegnanc de todesch trentins posse jir per vèlch dì al an, de zenza na setemèna, te na scola del Tirol per veder coche vegn ensegnà aló, e se meter en jech con l ensegnament del todesch te na neva realtà.
L é stat pissà de fèr partir la fradaa anter la clas II de la Volksschule de Dispruch e la clas II de Poza. I bec à podù scomenzèr a se scriver de picola letres, sessaben no demò per todesch, ma ence per talian e fascian, per ge moscèr ai amisc tiroleisc che che vegn rejonà chiò da nos e ge fèr cognoscer nosc esser ladins.

Podede lejer dut su La Usc dai 3 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Fernanda Favè)