Roboc che siëia y che lava sö i func

Data

24 de jugn 2026

Galaria retrac

Grandeza scritura

Social

Te Ciasa de palsa da San Martin vá inant l’intervënt dla inteliënza artifiziala. Sëgn él ince "Pudu" che roda fora por i porti – n robot che lava sö i func – y tosc ón porvé fora n "rucsoch" che dëida alzé pëisc

Ester él bëgn na morvëia, canche i incunti "Pudu" te n repart dla Ciasa de palsa. Chësc é l’inom dla ultima novité che se sorvësc dla inteliënza artifiziala (IA). Pudu é n robot che lava sö i func. Al ciara ia y ca cun sü edli digitai; sce al ne s’un capësc nia fora ti vëgnel sö na legherma; sce i ti stá te tru vál incër me ia. Mo al é ince bun da se cherdé dassú ll’ascensur sce al mëss jí da n’alzada al’atra. "Chësc nes tol le laur", dij na colaboradëssa che passa dlungia ia y che n’é – sciöche al me pe – nia propi dër entusiasta dla cossa. Le diretur dla Ciasa de palsa Valentin Erlacher la vëiga atramënter y arata che ciamó án le luxus da chirí fora danter porsona o mascin, mo tl dagní podesson messëi chirí fora danter mascin o degügn.

T’La Usc di Ladins di 26 de jügn ciafëise na intervista cun le diretur. (Intervista: Pablo Palfrader)