La Usc di Ladins

Dotours
Dutor Gherdëina
L dutor de servisc dala 08.00 de n sada ai 20.06. nchin la 08:00 daduman de n lunesc ai 22.06. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Tla fin dl’edema di 20 y 21 de jügn él en sorvisc ti cin’ comuns dla Val Badia la doturia Stefania Febbraro, Al Plan, tel. 377 3288595.

Apoteches
Apoteca Gherdëina
L‘apoteca che ie de servisc ora dl orar urdiner de giaurida, da n vënderdi ai 19.06. nchin n vënderdi ai 26.06. ie chëla de S. Cristina, tel. 0471 7921 06 o 333/1776615 (orar de giaurida 8.00-12.00/15.00-19.00).
Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 19 de jügn dales 19:00 al vëndres ai 26 de jügn ales 19:00, é chëra da Corvara, tel. 0471 830237.

Mujiga
19. y 20.06.
Al Plan Festival
L’uniun Zicuta Lab organisëia chësc vëndres y sabeda ai 19 y 20 de jügn le »Al Plan Festival«, pro paiun de paisc. Al sona deplü grups musicai, al vëgn pité intratignimënt por gragn y pici. Por spëisa y boanda él fistidié.
20.06.
Conzert de la Musega da Vich
Sabeda ai 20 de jugn da les 21:00 la Musega da Vich va en defilèda fora per paisc e la fèsc conzert tel picol piaz tedant l ofize di foresć.
21.06.
Cianté y soné sön munt tl’Alta Badia
Tl’Alta Badia vëgnel pité ince chësc ann la iniziativa »Cianté y soné sön munt«. En domënia ai 21 de jügn dales 13:30 inant sona la Böhmische da La Ila, tla ütia La Tambra sön ju de Ciaulunch.
23.06.
Conzert del Cor Enrosadira
Mèrtesc 23 de jugn de les 21:15 l Comitat Manifesta­zions de Soraga endreza te La Gran Ciasa l conzert del Cor Enro­sadira de Moena.
24.06.
Trio di corni da mont »Ladinia«
L trio »Ladinia«, sunerà si corni da mont uni mierculdi dai 24 de juni inant dala 16:30 nchin la 17:30 te Val. Dai 31 de lugio nchin ai 28 de agost sunerài nce de vënderdi, for dala medema ëura te Val.
24.06.
Cunzert dla Mujiga de Frangart
La Mujiga de Frangart sunerà ai 24 de juni dala 20:30 inant tl Zënter Iman a S. Cristina.
25.06.
Cunzert dla Mujiga de Wangen (Renon)
La Mujiga de Wangen sunerà ai 26 de juni dala 21:00 inant sun Plaza de Chemun te Sëlva.
27.06.
Südtriol Jazz Festival te Val
Pra la capela de San Silvester te Val sunerà i «Supersonic Horns» dala 11:00 nchin la 12:00, n ucajion dl Südtirol Jazz Festival. Duc ie de cuer nviei.

Chino
Atualmenter
Al chino de Pardac
Doman, sabeda 20 de jugn da les 17:00 »Toy Story 5« e da les 21:00 »Tuner«, domenia 21 de jugn da les 17:00 l é »Toy Story 5« e da les 21:00 l é »Disclosure day«. Info: www.cinemapredazzo.it.
Atualmenter
Al chino de Tieser
Insnet, vender 19 de jugn e doman, sabeda 20 da les 21:00 l é »Disclosure day«, sabeda 20 da les 17:30 l é »Toy Story 5« che vegn moscià ence do­menia 21 da les 17:00, jebia 25 e vender 26 da les 21:00 l é »Supergirl«. Info: www.cinematesero.com.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
23.06.
Cult – Iaco Willeit degan
Dales 20:50. Test y conzet Daria Valentin, produziun Karbonvideo, a cura de Ales­sandro Dapunt.
24.06.
La restauradëura
Dales 20:50 ca. Test y conzet Piero Balzan, produziun Eqtel, a cura de Alessandro Dapunt.
25.06.
Arpejuns – le majogn da Fodom
Dales20:50 ca. Test y conzet Giulia Tasser, produziun Kar­bon­video, a cura de Alessan­dro Dapunt.
Informazions plu menudes sun i programs de RAI Ladi­nia pòn giaté sun www.raibz.rai.it – Sun l medem sit sarà i programs TV da vedei sot a »Mediateca« y les trasmi­scions radio sot a »Podcast«.

Cursc
Atualmënter
Cursc de jì a ciaval
La scola de jì a ciaval Poza­manigoni ve aspieta per cursc de raité, raides tl bosch y cun l pony per i mëndri tl »Selva pony adventure land«. Per nfurmazions cherdé su l 0471 794138.

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
Ofize »Ëres dëida Ëres«
A Bornech, str. Paul von Stern­bach nr. 6. Dal lönesc al vëndres 8:30–11:30; mercui ince 15:00–17:00. Fora dlorar, vëgnel tut sö termins al 0474 410 303 o info@frauenhelfen frauenbruneck.it
Atualmënter
Iniziativa di ëi de Puster
L’ofize dla MIP–Männer­initiative Pustertal dëida i ëi y peri pro caji de separaziun y situaziuns de dificolté. L’ofize é tla str. Dante 2m a Bornech (Stern­hof), lönesc y mercui 14:00–19:00, vëndres 8:00–12:00. Contac: 0474 555848, 340 1896431 o info@mip-pustertal.it
Atualmënter
Mpresté trohtes a Urtijëi
Dai 20 de mei inant pòssen uni mierculdi dala 20:00–21:30, mpresté ora trohtes pra la Lia Guant dala Gher­dëina de Urtijëi, tl self dla lies tla Cësa di Cungresc suaut.
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon on­line« per chi che scumëncia y chi che ulëssa miuré si ladin: uni mierculdi dala 18:00–19:00. Duc possa fé pea, l basta nstalé l prugram »TEA­MS« sun l computer y jì ite sot a chësc link: https://url-shortener.me/GIBM
21.06.
Festa de benefizenza per Fratel Elio
En domenia ai 21 de jugn ló dal Agritur El Mas de Moena, con scomenz da les 11:00, l é la festa de benefizenza per Fratel Elio Croce con magnèr e musega de Martin Klemm & Friends e l Coro Nosc. Duta la bonamans va al St. Jude Children’s Home de l’Uganda.
23.06.
Marcià tradiziunel di paures y di artejans
Uni merdi, dai 23 de juni inant, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena unirà pre­jentà n mestier da artejan y l ne mancerà nia ntratenimënt de mujiga.
24.06.
Sègra de Sèn Jan
En mercol ai 24 de jugn l é sègra de Sèn Jan. Da les 20:00 l é la la procescion dal Comun General de Fascia, da les 20:30 messa te la Pieif e do n moment convivial con la Musega da Vich.
26.06.
Sègra de Sèn Vile
En vender ai 26 de jugn l é sè­gra de Sèn Vile. Da les 10:00 messa grana, h. 14:00 te ten­don rengraziament del Comun de Moena ai atlec olimpics e conzert de la Musega; h. 17:00 la Monti Pallidi fèsc festa per i 80 egn; h. 18:15 premiazion del Sorì Event; h. 19:00 verc la cojines; h 20:30 musega con i Vollbluet.
29.06.
Sègra di Sènc Piere e Paul
En lunesc ai 29 de jugn l é sè­gra di Sènc Piere e Paul a So­raga. Da les 10:30 messa e sobito do n moment con­vivial.
02.07.
Udienza cun la defensëura zivica
La defensëura zivica (Volks­anwältin) sarà da ancunté ai 2 de lugio tla Cësa de Chemun de Urtijëi dala 14:00 nchin la 17:00. N muessa se nuté su chërdan su l 0471 946020.
03.07.
San Martin: udiënza dla defensuria popolara
La defensuria popolara o so sostitut tëgn udiënza a San Mar­tin de Tor, tl salf di stöda­füch, en vëndres ai 3 de messé dales 14:00 ales 17:00. Por prenotaziuns cherdé sö le 0471 946020. Les proscimes udiënzes é ai 4 de setëmber y ai 6 de novëmber.

Temp Lede
Uni juebia
»Flying Aperitivo«
La manifestazion unirà fata nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif. Da bur’ tëmp vën la manifesta­zion spënta. L ie da se scrì ite nchin al di dant pra la Lia dl Turism de Santa Cristina o diretamënter pra l mplant dla Mont Sëura.
19.–21.06.
MitiBlum
Chësc festival che dura trëi dis, vën metù a jì te Sëlva, dai 19 nchin ai 21 de juni. Trëi dis dedichei al scumenciamënt dl instà, ntan chëi che n pu­derà scuvrì la ravises dl bënsté tla natura: rituei de yoga deschëuc ti bòsc o tl’ega, medi­tazions, picnic ...
20.06.
Dolomites Bike Day
En sabeda ai 20 de jügn sará i jus de Ciaulunch, Valparola y Falzares resservá ai ziclisć y gnará stlüc al trafich moto­risé, dales 9:00 ales 15:00.
24.06.
Nos Ladins cun Fabian
Tres l’iniziativa »Nos Ladins« pón descurí la vita y val’mistier dla jënt dla valada. En mercui ai 24 de jügn domisdé pón s’incunté cun Fabian dl Lüch Chi Prá a Badia. Al cunta deplü sön la produziun de ciajó. Infos y prenotaziuns pro i ofizi turistics dl’Alta Badia.
26.06.
Sparkling Summer Nights a Urtijëi
N vënderdi ai 26 de juni dala 21:00 inant puderàn se la lascé ji bona ntan la »Sparkling Wine Night« tl raion da jì a pe de Urtijëi: i locai dajerà ora da bever y l sarà de bela mujiga.

Iadi y Jites
19.06.
Jita cun la furnadoia sun Marinzen
La grupa »Deberieda«, che mët a jì ancuntedes danter ulen­teres y persones che à pro­blems psichics o de sozia­lisazion, nvieia a na jita cun la furnadoia sun Marinzen. N se anconta ncuei, vënderdi ai 19 de juni dala 14:00 dan la Cësa de Paussa a Urtijëi.
25.06.
Jita te Martell
L KVW de Sëlva mët a jì na jita dla valeda de Martell cun la curiera n juebia ai 25 de juni. L vën furnà nchin te Innermartell per jì a ti cialé ai pisciadoies dla Plima Schlucht y pona ai ciamps de freies, ala capela »Maria in der Schmelz« y al muesum dl parch naturel dl Stelvio. Per nrescì l prugram avisa y per se scrì ite pòssen cherdé su Rosmarie Ploner 333 1671486.

Mostres y Ert
Atualmënter
(Future) Paradise Gardens
A Urtijëi, ma nce ti autri doi luesc dla valeda, iel da udëi nchin ai 13 de setëmber la nstalazions d’ert dla Bienela Gherdëina. Plu nfurmazions sot a www.biennalegherdeina.org
Atualmënter
»Corpi Santi« & »Gli eredi della solitudine«
Tla galaria Doris Ghetta a Pun­tives iel metù ora la mostra »Corpi Santi« de Pietro Mo­retti y »Gli eredi della solitu­dine« de Alessandro Twombly, che sarà davierta nchin ai 12.09.
01.07.
Giaurida dla mostra »Mumënc«
L Café Surëdl a Urtijëi nvieia de cuer ala giaurida dla mostra dal titul »Momente – momenti – mumënc«, ai 1. de lugio dala 10:00. La mostra resterà da­vierta ntan l orar de giaurida (lu–vë, 09:00–19:00) nchin ai 11 de setëmber. Artisć:tes che mët ora: Sabine Brugger, Siegfried Stauder, Anneliese Hofer Heiss.

Sozial
Atualmënter
Family Support
L servisc Family Support pieta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l damandé. Per nfurmazions pòssen scrì a gherdeina@family-support.it
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y ala families te situazions de duel. L vën damandà na cuota anuela de 50 euro. Per nfur­mazions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Segres y Festes
27. y 28.06.
Segra da Rina
La Musiga da Rina inviëia ala festa dla segra dl paisc. An mët man la sabeda ai 27.06. dales 18:00 inant cun aperitif y cëna, lapró musiga dal ví cun i »Mawalaaa« y DJ Robby. La domënia dales 8:15 él la santa mëssa da festa; dales 10:30 matinée cun liagnes blances y musiga cun »A Watta guit«. Dales 14:00 sona la Musiga da Rasun Dessura y dales 16:00 inant musiga da bal cun »Feiwolawi«.

Sport
Atualmënter
Curs de sauté
I Gherdëina Runners mët a jì n curs cun l alenadëur Diego Soppelsa. L curs sun l ciamp dal sport Mulin da Coi, uni juebia dala 19:00 per dut l instà. Duc ie de cuer nviei, nce de tei che scumëncia permò.
18.06/04-07.
Soraga League 2026
En jebia ai 18 de jugn l é tacà ite la 5^ edizion de Soraga Laeague, l tornoi amatorial de balon che jirà inant fin ai 4 de messèl. Chest an l é doi girons con 11 squadres che se endesfida sul ciamp de balon de Soraga.
21.06.
Vertical Bufaure
La sociazion Inout, en colabo­ra­zion con la Ciadenac Bu­faure Benefit e l Comun de Sèn Jan, endreza en domenia ai 21 de jugn la 5^ edizion de la Vertical Bufaure. I conco­renc ponta via da les 10:00 ló da piaz de Comun e i rua sun Bufaure.
21-26-06.
Val de Fascia Running
Dai 21 ai 26 de jugn vegn fat la Val de Fascia Running. La garejèda de corsa a pe a tapes taca ite doman da sera, do­menia 21 de jugn a Cianacei, lunesc 22 se cor a Vich, mèrtesc 23 a Ciampedel, jebia 25 a Poza e vender 26 ultima gran tapa sun Sèn Pelegrin.
21.06.
Yoga sa Sacun
N ucajion dl di nternaziunel dl yoga uniràl a s’l dé n’ëura de yoga cun Rakesh y Karin Nanda. N se anconta sa Sacun, sëura l Jakoberhof, ai 21 de juni dala 11:00. N possa se nuté su nchin la 18:00 dl di dant cherdan su l 0471 777600.
25-28.06.
Mondièi UCI Enduro
Ai 25 de jugn rua endodanef a Cianacei i Mondièi UCI Enduro, pruma tapa talièna del calandèr. Jebia 25 e vender 26 l é la proes ledies, sabeda 27 e domenia 28 la garejèdes tel Fascia Bike District anter Ciampac, Belvedere e Rodela. Te Ciasates area expo per duc i pascioné.
26.06.
GAZZETTA TALKS – Stories de sport
Ntan l instà puderàn ancunté n valgunes dla majera persuna­liteies dl sport talian, che cun­terà de si suzesc, ndesfi­dedes y mumënc plu biei de si carieres. N se anconta for dala 17:30 sun Pra da Nives te Sëlva. Ai 26 de juni saràl prejënt Fabio Capello.
29.06.–03.07.
Hockey Camp – Powerskating
Dai 29 de juni nchin ai 3 de lugio saràl tl stadio Pranives te Sëlva na lingia de ativiteies per jugadëures de hockey per miuré si tecnica de jadiné. Per iscrizions y plu nfurma­zions: info@ProHockeyEuro pe.com o 320 4817332.