Ne à lascià don Carlo Crepaz

Data

23 de jugn 2026

Galaria retrac

Grandeza scritura

Social

L se à sentù mèl anché domesdì endèna che l jia con la roda anter Pinzolo e Carisolo. Nia à joà i socorsc rué sul post.

La se à slarià fora en prescia la burta neva ence te Fascia e soraldut anter sia jent a Cianacei. Anché domesdì ne à lascià don Carlo Crepaz. L se à sentù mèl endèna che l jia con la roda, nia à joà i socorsc rué en prescia sul post, anter Pinzolo e Carisolo.
Don Carlo, nasciù al prum de jené del 1965, l era stat ordenà preve a Trent ai 26 de jugn del 1990. Do i prumes egn desche vicarie pastoral a Perjen dal 1990 al 1996, l é jit en miscion tel Ciad dal 1996 al 2008, na esperienza che lo aea segnà debel. L é stat dapò preve te Fiem, decan a Ciavaleis e dal 2016 al 2017 l é stat ence delegat vescovil per la Zona pastorala de Fiem e Fascia. Do esser stat per 6 egn te l'auta Val de Non, del 2023 l era stat nominà paroch te la Val Rendena.
La Diozesa de Trent e duta sia jent se strenc dintorn a chi de cèsa. Che l pausse te la Pèsc del Segnoredio.