La Usc di Ladins

Religion
23.08.
La Val: Mëssa de dilan a siur Degan
En domënia ai 23 d’agost dales 9:30 él a La Val la santa mëssa de ren­gra­ziamënt por ci che siur Iaco Willeit á fat por la Unité Pastorala Val Badia sciöche degan y por döt ci che al é sté por nos. Düc é bel inviá ala mëssa. De­­­dô él la poscibilité da sté adöm cun siur degan y chi che ó, pó ince avëi val’ da ma­­rëna, che i stödafüch arjigna ca.

Dotours
Dutor Gherdëina
L dutor de servisc dala 08:00 de n sada ai 22.08. nchin la 08:00 daduman de n lunesc ai 24.08. ie l dutor Valentin Tröbinger de Sëlva, tel. 0471 773073 o l 335 6844944.
Doturs Val Badia
Tla fin dl’edema di 22 y 23 d’agost él en sorvisc ti comuns de Mareo y San Martin le dotur Eduard Agreiter, San Martin de Tor, tel. 0474 523 315 o 333 1380852. Ti comuns de Badia, Corvara y La Val él en sorvisc la doturia Jas­mine Gabrieli, La Ila, tel. 371 7515275.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 21.08. nchin n vënderdi ai 28.08. ie chëla de Sëuc, tel. 0471/708970 (orar de giaurida lu-ve 8:30-12:30/15:00-19:00, sada 8:30/12:30. Turnus: 9:00-12:00).
Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 21 d’agost dales 19:00 al vëndres ai 28 d’agost ales 19:00, é chëra da La Ila, tel. 0471 847152.

Mostres y Ert
Atualmenter
Imprescions de Fernando Brunel
Fin ai 23 de aost te Tobià de Val a Vich se pel veder la mo­stra Imprescions de Fernando Brunel con l’Union di Ladins de Fascia con orarie da les 16:00 a les 19:00.
Atualmenter
Mostra de èrt te Museo Ladin
Fin ai 27 de aost te Museo Ladin a Sèn Jan se pel veder la mostra ‘Melaures de la mendranzes’, n viac anter l’èrt de la comunanzes ladina, mo­chena e zimbra. Orarie: da domenia a vender da les 10 a les 12 e da les 16 a les 19.
Atualmenter
Operes de Sieff a Soave e Lana
L artist da Ciampedel Mat­thias Sieff met fora sia scultu­res maestouses per dut istà tel zenter storich de Soave (VR), che con la mostra »Guar­diani della storia« do­venta n museo a ciel avert. Sieff met fora sia operes ence te la esposizion »Frauen/Donne« per endrez del Kultur­verein K.art che restarà fora ti vidores de Lana fin ai 8 de november.
Atualmënter
»Varieté« de Guido Tavella
Tl salf dles manifestaziuns da La Val él da odëi cina ai 29 d’agost la mostra »Varieté« cun operes de Guido Tavella. La mostra é daverta vigni de dales 16:00 ales 19:00.
Atualmënter
Mostra de Silvia Nava
Tl salf dles manifestaziuns a Corvara él da odëi vigni sëra, cina ai 20 d’agost, la mostra »Infiniti spazi, infiniti silenzi« de Silvia Nava.
Atualmënter
Mostra »Grafika« a Bornech
Tla galaria Raiffeisen a Bor­nech, él da odëi cina ai 2 d’oto­ber la mostra »Grafika«, cun laurs de Christian Piffra­der, Elisa Alberti, Emily Ober­schmied, Gino Alberti, Karl Egger, Karl Theo Stam­mer, Kuno Mayr, Linda Wolfs­gruber, Lois Anvidalfarei, Mar­kus Moling, Roberto Palle­­strong y Thomas Walder. Orars: lönesc cina mercui 8:00 – 12:30 y 14:30 – 16:30; jöbia 8:00 – 12:30 y 17:00 – 18:30; vëndres 8:00 – 12:30.
Atualmënter
Mostra »Prospective«
L Tublà da Nives nvieia de cuer ala mostra »Prospective«, de Christine Runggaldier, Valeria Stuflesser, Damian Piazza y Thomas Delazer. La mostra sarà da udëi nchin ai 27 de agost. Orars: me-du, 16:00–19:00; de merdi, mier­culdi y vënderdi nce dala 20:00–22:00.
Atualmënter
La lerch danterite
L artist de Urtijëi Hermann Josef Runggaldier mët ora tla Hofburg de Persenon. La mostra ie davierta ntan i orars de giaurida dl museum dla Hofburg de Persenon, uni di dala 10:00 ala 18:30, y ie da udëi nchin ai 15 de nuvëmber.
Atualmënter
Mostra: Mumënc tla Dolomites
La mostra de fotografies de Gabriel Demetz tla biblioteca Tresl Gruber a S. Cristina resterà da udëi nchin ai 31 de agost ntan i orars de giaurida dla biblioteca.
Atualmënter
Mostra »Mumënc«
L Café Surëdl a Urtijëi nvieia de cuer ala mostra dal titul »Momente – momenti – mu­mënc«, che resterà davierta ntan l orar de giaurida (lu–vë, 09:00–19:00) nchin ai 11 de setëmber. Artisć:tes che mët ora: Sabine Brugger, Sieg­fried Stauder, Anneliese Hofer Heiss.
Atualmënter
»Corpi Santi« & »Gli eredi della solitudine«
Tla galaria Doris Ghetta a Puntives iel metù ora la mostra »Corpi Santi« de Pietro Mo­retti y »Gli eredi della solitu­dine« de Alessandro Twombly, che sarà davierta nchin ai 12.09.
Atualmënter
(Future) Paradise Gardens
A Urtijëi, ma nce ti autri doi luesc dla valeda, iel da udëi nchin ai 13 de setëmber la nstalazions d’ert dla Bienela Gherdëina. Plu nfurmazions sot a www.biennalegherdeina.org
Mierculdi y dumënia
Vijites menedestres la Bienela
La vijites menedes tla rujeneda tudëscia, taliana y nglëija vën fates uni mierculdi y dumënia dala 10:00 nchin la 13:00. N se anconta dan l Info Point tl self Trenker a Urtijëi. Priesc: 10,00€ + ntreda. N possa se nuté su nchin la 18:00 dl di dant sun la plata dl Val Gar­dena Active.
21.08.
Mostra »con.tain #4«
L Circolo – Lia Mostra d’Ert nvieia de cuer ala mostra con.tain #4. La giaurida ie ai 21 de agost dala 20:00. Artisć che mët ora: Alan Biehlig, Clara Pötsch, Nele Hendrikje Sandner, Katharina Schreiter y Teresa Szepes. La mostra resterà da udëi nchin ai 13 de setëmber, ti orars de giauri­da: merdi – dumënia, 16:00 – 19:00 y de sada y dumënia nce danmesdì, dala 10:00–12:00.
21.08.
Preghiera…
L Tublà da Nives nvieia a n cun­zert de armonica cun poe­jia, n vënderdi ai 21 de agost dala 18:00. La paroles scrites de Lino Pasquale Cacciapaglia an­conta cumposizions cunes­ciudes per armonica, sunedes dal Maestro Matteo Facchin.
21.–28.08.
Mostra »Furceles de Gherdëina«
La mostra cun la vint fotogra­fies plu beles ora dl cuncors foto­grafich »Furceles de Gher­dëina«, vën metuda ora dai 21 nchin ai 28 de agost te Sël­va, sun plaza Nives y tla streda Mëisules. Tres i social o nce tla lueges dla mostra puderà l publich lité la foto­grafia che ti plej l plu. La pre­mia­zion sarà ai 28 de agost.
28.08.
Mostra de Vespes
Sun Plaza Nives te Sëlva mët l Vespa Club Gherdëina a jì na mostra de vespes, n vën­derdi ai 28 de agost dala 19:00 inant.

Sport
Atualmenter
Tornoi de tennis
Fin ai 23 de aost sui ciampes de tennis de Moena l zircol tennis Moena ASD endreza l tornoi Cassa Rurala dedicà a la memoria de Ezio Damolin con presciapech 70 tenisć.
Atualmënter
Curs de sauté
I Gherdëina Runners mët a jì n curs cun l alenadëur Diego Soppelsa. L curs sun l ciamp dal sport Mulin da Coi ie uni merdi dala 19:00 per dut l instà. Duc ie de cuer nviei, nce de tei che scumëncia permò.
27.08.
Juesc dl HC Gherdëina
L HC Gherdëina se njenia ca per la proscima sajon. N chësta ucajion fajerài plu partides tl stadium Pranives te Sëlva: la proscima sarà ai 27 de agost dala 20:30 contra i Rittner Buam.

Cursc
Atualmënter
Mparé a cunëscer l Line Dance
La lia ASD BaL Beat and Line mët a jì n curs de Line Dance per duc chëi che ulëssa scumencé a balé chësta sort de bal. N se anconta uni mier­culdi dala 19:30 tla palestra dlongia la sënta di Destuda­fuech a Runcadic. Dai 16 de setëmber inant scumëncia nce l curs per mutans y mutons dai 7 ani insù, recunesciù co­che materia de nseniamënt facultativa dala scola elemen­tera de Urtijëi.

Temp Lede
Uni lunesc
Kids Night – juesc y devertimënt per mutons y mutans
La Lia dl Turism de Sëlva nvieia a chësta manifesta­zion, che vën a s’l dé sun Plaza Ni­ves te Sëlva dala 20:30 inant uni lunesc nchin ai 24 de agost.
Uni merdi
Pastelné cun materiai naturei
Sun pitla plaza de Sant Antone a Urtijëi puderà i mëndri y la mëndres pastelné cun materiai naturei (puc, rames, pleces, ciofs, y n.i.): uni merdi dala 14:30 nchin la 18:00. Priesc: 15,00–20,00€. Duc ie nviei de cuer.
Uni mierculdi
Marcià de prudoc dl luech
L pitl marcià de prudoc dl luech sun pitla plaza de Sant Antone a Urtijëi sarà inò daviert uni mierculdi dala 15:00 nchin la 19:00.
Vigni mercui
Al Plan: laboratore de Daksy
Vigni mercui dales dales 10:00 ales 11:30 él te Ciasa dl parch a Al Plan le »Laboratore natöra de Daksy«, por mitans y mi­tuns da 6 a 12 agn. Ai 26 d’agost nen jarára dl tema »Ma­gma sö pro – Le super­vulcan da Balsan«, cun n iade plëgn de esperimënc fora por magma, flocores de gas, cën­der vulcanich y d’ater. Al é debann, mo da s’anunzié anter le mertesc al 0474 506120 o ala mail info.fsp@provinz.bz.it – posć limitá.
Uni juebia
»Flying Aperitivo«
La manifestazion unirà fata nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif. Da bur’ tëmp vën la manifesta­zion spënta. L ie da se scrì ite nchin al di dant pra la Lia dl Turism de Santa Cristina o diretamënter pra l mplant dla Mont de Sëura.
Uni vënderdi
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, for de vënderdi dai 3 de lugio inant (ora che ai 31.07., 21.08.). Sambën ne manceràl nia de bela mujiga.
21.08.
Domisdé a Pidrô
En vëndres ai 21 d’agost é les botëghes da Pidrô davertes cina ales 20:00. Bele dales 17:00 inant él les Patrones che dá fora spezialités arestides y la Jonëza da paur sorvësc val’ da bëre.
21.08.
Sparkling Summer Nights a Urtijëi
N vënderdi ai 21 de agost dala 21:00 inant puderàn se la lascé jì bona ntan la »Sparkling Wine Night« tl raion da jì a pe de Urtijëi: i locai dajerà ora da bever y l sarà de bela mujiga.
22.08.
La net di musical a Poza
Sabeda 22 de aost da les 21:15 te tendon de la manifestazions a Poza l é l musical de la com­pagnia de bal Des Etoiles da Trent. Chel che vegn tout su va ai Studafech da Poza.
22.08.
Ueia de nëif a Urtijëi
La Scola de schi y snowboard de Urtijëi mët a jì na sëira de nëif y devertimënt d’instà, tl raion da jì a pe de Urtijëi dala 20:00 inant.
22.08.
Ispirazions a Cianacei
Tel chèder di evenc de ‘Ispira­zions d’istà’ sabeda 22 de aost da les 21:00 te piaz Mar­coni a Cianacei, se l é catitemp te chino Marmolada, se rejona de ‘Colpa artifizièla’ con dom Giorgio Bonaccorso e Litizia Mingardo enrescidora de filosofia del derit.
22-23.08.
Festa per la Pasc e Battiato
‘Evento ColombIa’: condi­vijion e musega con Opera­zione Colomba, corp noviolent de pasc de la Comunità Papa Giovanni XXIII. Sabeda 22 a Pardac al Chino da les 20:45 testimonianza de azions novio­lentes e tribut a Franco Bat­tiato con ‘Le meccaniche celesti quintet’. Domenia 23 a Juan a Villa Flora da les 12:30 marena colombiana, da les 16:00 testimonianza e da les 17:30 conzert.
23.08.
De dl Movimënt
En domënia ai 23 d’agost dales 10:30 inant él tl parch de Piz La Ila le De dl Movi­mënt: n de particolar por gragn y pici, cun esperiënzes dedicades al movimënt, ai jüc y ala descurida dles munts, cun tröpa animaziun.
23.08.
Dialogh con l estrem a Poza
En domenia ai 23 de aost da les 21:15 te piaz de Comun de Poza, per la rassegna ‘Ad alta voce’ con Virna Pierobon, l é na scontrèda con i alpinisć Angelika Rainer e Florian Riegler en dialogh con l estrem.
23., 25. y 27.08.
Kidshour – devertimënt por mituns sö alalt
Pro le parch »Movimënt« sön Piz La Ila él vigni domënia, mertesc y jöbia jüc, animaziun y devertimënt por mituns da 5 a 10 agn, dales 13:30 inant. Prenota­ziuns ti ofizi turistics dl’Alta Badia.
24.08.
‘L’ultima sonata’ de Marika Bernard
Lunesc 24 de aost da les 21:15 a La Gran Ciasa a Soraga vegn prejentà l ultim liber de Marika Bernard e Barbara Bolzan dal titol »L’ultima so­nata«.
25. y 27.08.
Nos Ladins cun Daniel y Davide
Tres l’iniziativa »Nos Ladins« pón descurí la vita y val’mistier dla jënt dla valada. Ai 25 d’agost pón passé n de cun le famëi Daniel y sü tiers a Cal­fosch, ai 27 d’agost él söl pro­gram n curs da cujiné cun Da­vide, do na picia escurjiun a San Ciascian. Infos y pre­notaziuns pro i ofizi turistics dl’Alta Badia.
26.08.
I mudamenc climatics a Cianacei
Tel chèder de la rassegna ‘Cia­nacei Campo Base’ mercol 26 de aost da les 21:00 te piaz Mar­coni (se l é catitemp te chi­­no Marmolada), l é na scon­­trèda con Dino Zardi cli­matologh e Andrea Gallo gestor de la utia sun Ponta Pe­nia che rejonarà di muda­menc climatics su la Dolo­mites.
27.08.
Giacomo Panozzo a Moena
En jebia ai 27 de aost, tel chè­der de la rassegna ‘Moena Incontri’ te piaz Perle Alpine da les 17:30 l é la scontrèda con l joen Giacomo Panozzo che prejenta sie nef liber »Per­ché succederà ieri?«.
26.08.
Guanc dala gherdëina
Ntan la defileda che jirà dala Plaza de Chemun a Santa Cristina nchin pra l Zënter Iman puderàn ti cialé a nosc biei guanc dala gherdëina, che ie pra i plu biei te dut l raion dla Elpes. Tl Zënter da Iman uniràl pona mo spiegà la trohtes.
26.08.
Liejer y pastelné te biblioteca
La biblioteca publica de Sëlva, deberieda cun l Istitut Ladin Micurá de Rü, nvieia a n danmesdì ntan chël che l unirà liet dant na storia y daldò pastelnà, n mierculdi ai 26 de agost dala 09:30 inant. La manifestazion ie adateda per mutons y mutans dai 6 ai 10 ani. Iscrizions danora te bi­blioteca (max 20 mutons:ans).
27.08.
Devertimënt por mituns
En jöbia ai 27 d’agost dales 15:00 pó düc i mituns da 7 a 12 agn tó pert a n domisdé cun Matteo Rubatscher dl parch natural. An s’incunta a La Ila, por fá na picia roda y descurí deplü sön les munts, la flora y la fauna dles Dolo­mites. Iscriziuns ti ofizi turi­stics dl’Alta Badia.
27.08.
Na sëra cun l’Aiüt Alpinisć Alta Badia
La linia de incuntades »Atira« se stlüj jö ai 27 d’agost dales 21:00, tl salf dles manifesta­ziuns da Corvara. Al sará n referat sön la segurté tles munts, adöm al Aiüt Alpinisć Alta Badia y n mënacrëp.
28.08.
Vins alaleria
En vëndres ai 28 d’agost dales 14:30 vëgnel tigní na degusta­ziun de vins de Südtirol, cun le sommelier André Senoner, pro le Lech dla Lé a Badia. Prenotaziuns ti ofizi turistics dl’Alta Badia.
01.09.
KFB de Santa Cristina
La KFB de Santa Cristina furnea chëst ann tla valeda de Villgraten tl Osttirol. Do na mëssa tla dlieja de pele­grinaje Maria Schnee jiràn a marënda te ustaria. Dopro puderàn jì a ti cialé a na firma che lëura la lana de biescia. N muev dala 7:30 dal Dosses, ma n puderà senté su damprò ora sce n se l damanda. L priesc ie de 72€ per la curiera y la marënda (zënza buandes). N possa se lascé scrì su tla Cassa Raiffeisen de S. Cristi­na. Per nfurmazions: tel. 339 6783073
12.09.
Viac culturel tla val Venuesta
L Kvw de Urtijëi/Runcadic nviëia ite duc i cumëmbri a na jita tla val Venuesta. N sada ai 12 de setëmber furne­ràn a Laas a ti cialé ala caves dl marmor. Do na bona ma­rënda jiràn mo a Plaus a ti cialé ala dlieja de santa Monica y al Plauser Totentanz. N muev dala 6:30 da Plaza de Sant Antone demez. Per jì pea iel da paië 50€. Tl priesc iel laite la curiera, la vijites y la marënda. N possa se nuté su nchin ai 9 de setëmber tla butëiga La Flaura.
29.11.-30.11.
Viac de doi dis a Salzburg
L Kvw de Sëlva mët a jì n viac a Salzburg al marcià da Nadel, al cunesciù »Salzburger Ad­vents­ingen« y a ti cialé ala »Salz­­welten« a Hallstatt. L ie bele śën mesun resservé l post cherdan su Rudolf al 335 6380973. L priesc ie de 400€ per persona (per la majon singula 485€). I posć ie dant resservei ai cumëmbri dl Kvw y da dedò permò ai autri nte­ressei.

Leteratura
21. - 25.08.
Summer School Südtirol
La SAAV (lia di autores y dla autëures de Südtirol) mët a jì nce chëst ann la Summer School Südtirol tl ciastel a Feld­­thurns. L argumënt de chëst ann ie l’amezizia. Ncuei, vënderdi ai 21 de agost dala 18:00 inant uniràl rujenà de amezizies che forma cultura, ulache l sarà nce n cuntribut/ntervënt de Rut Bernardi.

Televijion
25.08.
Eie e spieie – clima: i segnei de nesc monts
Dales 20:50 ca. Test y conzet Cinzia Pistoia, produziun Pennpro, a cura de Alessandro Dapunt.
26.08.
Trail Spezial
Dales 20:50 ca. A cura dla redaziun ladina.
27.08.
Deboriada – fonins cun mesura
Dales 20:50 ca. Test y conzet So­fia Stuflesser, produziun Pen­npro, a cura de Leo Seno­ner.

Radio
21.08.
Manuel Bauer - L mond dl’ert danter Viena y Ghana.
»Canche son unit de reviers fovel tan chiet a Viena, zeche manciova.« Cun si 24 ani à Manuel Bauer de Sëlva stlut ju de jené l stude tl’Academia d’ert a Viena. Ntan i ani de stude àl abù l’ucajion de jì cater mënsc tl Ghana, iló àl udù na maniera de viver, de pensé, de studië y fé ert dut ntëur defrënta dala nosta. Tla ntervista contel de coche l ie ruvà pra l’ert y de si esperienzes y mprescions ntan l stude sibe a Viena che nce tl Ghana (Africa dl vest). Trasmiscion de Valeria Bernardi.
23.08.
Urban Piccolruaz fej vin sa mont
Che n pudëssa fé vin a adés 1.500 metri de autëza, avisa sa Sacun te na riva a 1.440 metri ne se ëssen dan vint ani niancanó nmaginà. Ma Urban Piccolruaz da Sacun, moster de ciulé dla Laimburg, ti l’à vagheda. Bele tl 2010 sentan la vinies, per avëi pona si pro­ma bozes tl 2015. Trasmiscion de David Lardschneider.

Chino
Atualmenter
Al chino de Cianacei
Anché, vender 21 de aost da les 21:00 l é l film »Odissea«, sabeda 22 da les 21:00 l é l film »Spider-man: Brand new Day«, mèrtesc 25 da les 17:30 per AperiKino l é musega live e aperitif con l grop »Quattro­quarti«, vender 28 da les 21:00 l é l film »The sea«. Info: @ci­ne­ma teatromarmo ladacana zei.
Atualmenter
Al chino de Pardac
Domenia 23 de aost da les 17:00 l é »Oceania« e da les 21:00 l é »La fine di Oak Street« che vegn moscià ence lunesc 24 da les 21:00; mercol 26 da les 17:00 l é »Ocenia« e da les 21:00 »Spider-Man: Brand new Day«, vender 28 da les 21:00 l é »Minions & Monsters«. Info: www.cinema predazzo.it
Atualmenter
Al chino de Tieser
Anché vender 21 de aost da les 17:00 se pel veder »Odissea« e da les 21:15 l é »Oceania« en program ence sabeda ai 22 da les 17:00; sabeda da les 21:15 l é enveze »La fine di Oak Street«. Lunesc 24 da les 17:00 e ence da les 21:15 l é endò »Oceania«. En do­menia 23 e dapò mèrtesc 25, mercol 26 e jebia 27 l é i spe­tacoi de Trentino Danza Estate. La fin de setemèna che vegn sarà amò »Odissea« e »Oceania« e ence »One night only«. Info: www.cinema tesero.com

Sozial
Atualmënter
Family Support
L servisc Family Support pieta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l da­man­dé. Per nfurmazions pòssen scrì a gherdeina@fa mily-support.it
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y ala families te situazions de duel. L vën damandà na cuota anuela de 50 euro. Per nfur­mazions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciau­zei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
28.08.
Deberieda: crië l calënder dl aniverser cun Johanna Kostner
N se anconta n vënderdi ai 28 de agost dala 14:00 dan la Cësa de Paussa. La grupa Deberieda ie na grupa cun ulenteres, per se ancunté dan­ter persones che à problems psichics o de sozialisazion.

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30; mercui ince dales 15:00 ales 17:00. Fora de chësc orar, vëgnel tut sö termins sön prenotaziun. Contac: 0474 410303 o info@frauenhelfen frauenbruneck.it
Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena uniràl prejentà n mestier da artejan y l ne mancerà nia ntratenimënt de mujiga.
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon on­line« per chi che scumëncia y chi che ulëssa miuré si ladin: uni mierculdi dala 18:00 – 19:00. Duc possa fé pea, l basta nstalé l prugram »TEA­MS« sun l computer y jì ite sot a chësc link: https://url-shortener.me/GIBM
24.08.
Bilioteca viva: stories de seré via zenza fereèdes
L Comun de Sèn Jan adun con »Liberi da dentro« sporc n apuntament spezièl de »Bi­blioteca vivente«. En lunesc ai 24 de aost da les 16:30 a les 18:30 te piaz de Comun a Poza (se l pief te sala del Con­sei) se podarà ‘se tor adim­­­prest n liber vif’: persones serèdes via o states te la prejon de Trent contarà sia storia te n dialogh de 20-30 menuc.
24.08.
Dèlba sot la steiles
Lunesc 24 de aost con sco­menz da les 20:30 vegn en­drezà Dèlba sot la steiles con percorsc enogastronomics e musega fora per paisc.
25.08.
Entorn Vich
En mèrtesc 25 de aost con sco­menz da les 19:30 l é »En­torn Vich« con magnèrs, mestieres, musega e jeghes fora per l paisc de Vich.
26.08.
A Spas co la Musega a Poza
Mercol 26 de aost con sco­menz da les 21:15 strada de Meida a Poza vegn serada fora al trafich per ge lascèr lèrga a la musega de desvalives gropes.
28.08.
Spetacol de Istà Algegra
Vender 28 de aost da les 20:45 te teater de Navalge a Moena i bec e i animatores de Istà Al­gegra porta dant l spetacol finèl.
03.09.
Udienza cun la defensëura zivica
La defensëura zivica (Volksan­wältin) sarà a Urtijëi ai 3 de setëmber tla Cësa de Chemun dala 14:00 nchin la 17:00. Per na udienza muessen se prenoté cherdan su l 0471 946020.
03.09.
San Martin: udiënza dla defensuria popolara
La defensuria popolara o so sostitut tëgn udiënza a San Mar­tin de Tor, tl salf di stöda­füch, en vëndres ai 3 de setëm­ber dales 14:00 ales 17:00. Por prenotaziuns cherdé sö le 0471 946020. La ultima udiën­za dl 2026 é spo ai 6 de novëmber.

Mujiga
Uni mierculdi
Trio di corni da mont »Ladinia«
L trio »Ladinia« sunerà si corni da mont uni mierculdi dala 16:30 nchin la 17:30 te Val. Dai 31 de lugio nchin ai 28 de agost sunerài nce de vën­derdi, for dala medema ëura te Val.
21.08.
Al Plan: conzert dla Musiga da San Scimun
La Musiga da San Scimun tëgn conzert incö vëndres ai 21 d’agost dales 21:00, sön paiun d’Al Plan.
21/24.08.
Conzerc del Cor Enrosadira
Insnet, vender 21 de aost da les 21:00 ló da la gejia de L Forn l é l conzert del Cor En­­rosadira, vidà da la mae­stra Barbara Pedrotti, che ciantarà ence lunesc 24 tedant la gejia de Sèn Roch de Someda.
21/27.08.
Conzerc de la Musega Auta Fascia
Insnet, vender 21 de aost da les 21:00 ló da La Gran Ciasa a Soraga l é l conzert de la Musega Auta Fascia sot la bacheta del maester Fabio Riz. Dantfora defilèda fora per paisc con l Grop Folk de Soraga. La Musega sona ence jebia 27 da les 21:00 a Cianacei te parch dai jeghes con defi­lèda da Piaz Marconi.
22.08.
Cunzert 30 ani Ensemble Gherdëina
Tla dlieja de Urtijëi iel da au­dì n sada ai 22 de agost l cun­zert de iubileum dl Ensem­ble Gherdëina sot ala bachëta de Felicitas Schweizer Kost­ner, Claudio Kerschbaumer Samuel Runggaldier y Martin Runggaldier. La ntreda ie lie­dia - na dunfierta ie bën­ududa.
22.08.
Jëuni Rocking Sëlva
Nce chëst ann mët i Jëuni de Sëlva a jì l festival de mujiga, n sada ai 22 de agost dala 18:00 inant sun Plaza de Che­mun te Sëlva. L sarà na bela sëira de mujiga cun aurela curta, zeche de bon da maië y da bever.
22/23.08.
Elsa Martin a La Grenz e sun Ciampedie
Sabeda 22 de aost da les 21:30, tel chèder di evenc de Fascia Panorama Music, a La Grenz de Moena l é l conzert de la ciantarina furlèna Elsa Martin te »Vox Humana«. Domenia 23 la ciantarina se ejibirà sun Ciampedie da les 11:30 con l baterist Andrea Ruggeri da la Sardegna te ‘Mustras’.
23.08.
Cianté y soné sön munt tl’Alta Badia
Tl’Alta Badia vëgnel pité ince chësc ann la iniziativa »Cianté y soné sön munt«. En domënia ai 16 d’agost dales 13:30 inant sona tla ütia Nagler a Badia le grup »Menglstuadl Musig«.
23.08.
Conzert sacral a Corvara
En domënia ai 23 d’agost dales 21:00 él te dlijia da Cor­vara n conzert de musiga clas­sica y sacrala, cun n en­sem­ble de archëc dal Friul y dal Venet, sot la direziun de Guido Freschi.
24.08.
Defilèda e conzert de la Müjiga de Badia
Lunesc 24 de aost da les 21:00 la Müjiga de Badia va en de­filèda fora per l paisc de Vich e tegn sie conzert te piaz te­dant al ofize di foresć.
24.08.
Conzert del Cor Valfassa
Lunesc 24 de aost da les 21:00 te pavion de la manifestazions jun Ischia de Ciampedel cianta l Cor Valfassa vidà dal maester Stefano Lazzer.
24.08.
Tradizions de Gherdëina – Schuhplattler
Tl zënter de Urtijëi iel dala 21:00 nchin la 22:00 da pudëi udëi na bela prejentazion de »Schuhplattler«.
25.08.
Conzert del Coro Nosc
Mèrtesc 25 de aost da les 21:15 a La Gran Ciasa a So­raga l é l conzert del Coro Nosc vidà dal maester Peter Decrestina.
27.08.
L’èlba sun Pra Martin
Jebia 27 de aost da les 6 da do­­man sun Pra Martin sun Ciam­pedie se pel scutèr l conzert de la ciantarina Elena Favè con Alessandro Biasi e da les 7 vegn dit messa.
27.08.
Cunzert dla Mujiga de Sëlva
La Mujiga de Sëlva sunerà ai 27 de agost dala 21:00 inant sun Plaza de Chemun te Sëlva.
27.08.
Cunzert dla Mujiga da Bula
La Mujiga da Bula sunerà ai 27 de agost dala 21:00 inant tl pavillon dan la dlieja da Bula.
28.08.
Musega baroca te gejia de Sèn Vile
Vender 28 de aost da les 21:00 te gejia de Sèn Vile a Moena, tel chèder di evenc de ‘Moena In­contri’ l é l conzert ‘L’incan­to della notte’ con n ensemble strumental baroch.
28.08.
Conzert dla Musiga d’Al Plan
La Musiga d’Al Plan tëgn con­­­zert en vëndres ai 28 de agost dales 21:00, sön paiun d’Al Plan.
30.08.
Matinée cun la grupa »Cordes y butons«
N dumënia ai 30 de agost vëniel metù a ji na matinée cun la grupa »Cordes y bu­tons«, dala 11:00 nchin la 12:30 pra la dlieja da Sacun/Urtijëi.

Referac
27.08.
Na sëra cun l’Aiüt Alpinisć Alta Badia
La linia de incuntades »Atira« se stlüj jö ai 27 d’agost dales 21:00, tl salf dles manifesta­ziuns da Corvara. Al sará n referat sön la segurté tles munts, adöm al Aiüt Alpinisć Alta Badia y n mënacrëp.