La Usc di Ladins

Bun de, poste te presenté en cört?
»Bun de, i sun Tone Piccolruaz, i á 63 agn y i viri sön le lüch da Alfarëi a Badia.«

Él sfadius le laur da paur sëgn d'invern?
»Le laur da paur é mudé dassënn respet a inlaota. Ince sce chi che vá sön n laur, l'á en pü' plü döra. An mëss ojoré da doman y da sëra y ciamó arjigné ca fëgn te majun, impó él aldedaincö n gröm de injins y ala vá n pü' plü saurí. Plüdadî d'invern ê le gran laur chël da mené le fëgn da munt jö y la lëgna adalerch. Sce al novô dër, spo êl da jí cun la cadrëia, trata dal ciaval, mo al ne gnô nia desparé a tarëgn deache an adorâ la nëi da mené le patüc incërch y da se fá n bel rait a scora cun la liösa.«

Endechëltan gnôl spo l'aisciöda?
»Plan plan... De merz fora êl da sié sö lëgna cun le sigun y la sfëne cun la manara, chësc se sparagnun döt sëgn: al é mascins che fej le laur plü saurí y zënza fadia.«

Deplù te la edizion dl 13 de merz