La Usc di Ladins

Damiano, peste far na toa picola prejentazion?
Ciao a duc, son Damiano Rasom e é seidesc egn. Stae a Poza e vae coi schi da paslonch dessema a la Union Sportiva Dolomitica de Pardac e me arcedee col Ski College de Fascia e col Comitat Trentin. Me sà dassen bel ence jir co la roda da mont, defat fin acà valch an jìe stroz a far garejade ence co la 3Esse de Soraga. Ajache me sà bel zipiar l legn é cernù la scola d'art a Sèn Jan.

Cala él toa più gran pascion e perché?
Mia pascion più grana l'é jir coi schi da paslonch: aee tacà da picol a jiar a hockey, ma no me saea n muie bel. Dò na dì é vedù valch mie amich che fajea l cors de schi col maester Cristiano Fanton e l me à domanà se volee proar: me à sapù sobito n gran bel, ajache se godaane dassen n muie. Da chel moment é seghità chest sport e spere de seghitar coscita per n muie de temp. Endana i egn é mudà n muie de sozietà, te anter Ski Team Fascia, Monti Pallidi e Dolomitica, ence se l grop l'é restà più o manco semper l medemo. Ruà a le scole aute son ence jit ite tel Ski College e da l'an passà me arcedee ence col Comitat Trentin, olache é cognosciù n muion de jent neva e con ic me gode n muie. Con chest an é tacà a jir stroz per la Talia a far garejade de »Coppa Italia« e me sà dassen bel, ajache posse veder n muion de lesc neves e cognoscer jent ence fora dal Trentin. (Intervista de Gloria Gabrielli)

De plu tla edizion stampeda de La Usc di Ladins o sun l e-paper a paiament www.lausc.it/e-paper