I joegn fèsc l sCOOP, con INOUT

Data

28 de setember 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Cognoscer e valorisèr la cooperazion l é l zil de la neva scomenzadva de la Coprativa sozièla fascèna.


I dis de »full immersion« te la caserma di studafech de Vac per fèr esperienzes educatives sun temes desvalives no l é na novità per i joegn che se met en jech con la Coprativa sozièla fascèna INOUT. 

L’ultima outa l é stat l fin de setemèna passà, ai 17 e 18 de setember. Chsci doi dis ge à permetù ai partezipanc de se cognoscer e crescer, de strenjer leames anter ic e col teritorie, e soraldut i à segnà l scomenz de n nef projet, pissà e metù a jir da la feruscola Coprativa sozièla vidèda da Thomas Zulian che ti egn l à fat crescer n bel staff de joegn engaissé. 

Chest projet, metù a jir col sostegn del Pian di Joegn de val La Risola e del Comun General de Fascia, l à inom »sCOOP« e, descheche se pel entener dal titol, va envers la descorida del mond de la Cooperazion, che da egn con sia realtèdes locales l é vejin ai joegn de noscia val te desvalives projec de la Scola de Fascia (a chestes ge era stat dedicà gran lèrga ence te un di numeres de la rivista Filoreflex) e de INOUT con Cistà.

De più su La Usc stampèda de vender ai 23 de setember.  (lg)