La Usc di Ladins

Ciao, bondì a duc!

Gio son Nicole Lozzer, na tousa da Vich de 17 egn.

Son al quarto an de liceo scientifich te Fascia e son na beza enamorada de mi monc, mia val e del sport: me piasc rampear, corer e jir a mont, i minerai e dut chel che revarda chisc argomenc; se ence voi siede pascioné de chest mond, podede me scutar su Radio Studio Record, olache rejonaré ensema a tenc ghesć de dut chest a »Sora i 2000«, n program per descorir neve robe e emparar semper zeche de utol!

Da picola su é semper sentù n muie forta mia identità ladina e son semper stata stolza de mie reisc; son ence muie curiousa, e me sà bel scriver, donca, no podee aer n’ocajion miora per me esprimer che scriver per nosc papier, La Usc.

Rengrazie donca la redazion per la bela oportunità, e a duc voiautres ge augure na bona letura!