La Usc di Ladins

Rué deretorn a scola do la vacanzes de Pèsca se aon troà de colp dedant a na realtà che zachei aea entravedù sui social, ma che per la maor pèrt de nos l é stat na neva che ne à metù sotessora. Endèna che noscia vita va inant te na routine sorida, dut n popul, pech dalonc da nos, vegn massacrà. 
Ai 9 de oril nos studenc de la classes terza e quarta di Licees de la Scola Ladina aon podù scutèr Gennaro Giudetti, operator umanitarie che dal 2024 l à coordenà la logistica di didamenc te la Striscia de Gaza. Chela de operator umanitarie l é na fegura fondamentala: l entervegn olache la degnità umana vegn pesticèda, l dèsc fora magnadiva, èga, medejines e l met a la leta refuges e sostegn psicologich. Ma l à ence n'autra encèria fondamentala: la testimonianza. 
Giudetti l é do a uzèr fora adaut tel mond l'ingiustizia che vegn portèda inant da l'autra man del Mediteran. Travers i social (su Instagram l à passa 142.000 follower) l denunzia vigni dì chel che i media nazionai de spes no i pel o no i vel contèr. Poder scutèr dal vif sia testimonianza - scrita ence te sie liber »Con i miei occhi: Quello che ho visto a Gaza« (Piemme) - l é stat n privilege braus, ma che ge volea. 
Giudetti ne à contà l infern de la logistica de vera, i delic de vera, la fam durèda desche èrma de vera e l ne à ence dit che vigniun de nos pel fèr zeche de contret...

Podede lejer dut su La Usc dai 24 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)

 (I studenc de IV LLL)