La Usc di Ladins

Pudëssesa preibele te prejenté n curt a nosc letëures?
Gregor Plancker Hoila a duc, son Gregor Plancker de Sëlva, é 29 ani y lëure te n studio de aucac a Bulsan spezialisà tl ciamp dl dërt zevil y aministratif

Pudësses’a nes spieghé n curt cie che fej n aucat?
L aucat ie na figura mpurtanta a servisc dla sozietà y respunsabl per la scunanza di dërc dla per­sona. Plu avisa se tràtel de defën­der i dërc dla persona te uni sort de situazions de bujën. L lëur da aucat ne ie mei monotonn, ajache uni cajo ie defrënt y se damanda nrescides y valutazions aldò dla situazion. L se trata perchël de n lëur che se damanda lezitënza y na gran prezijion tla maniera de lauré per abiné la strategia y la soluzion adateda al cajo.
Na gran pert dl lëur da aucat ti vën dedicheda ala consulënza giuridica di tlienc che cunsultea n aucat per giapé cunsëies per co se deriejer te cërta situazions che reverda si dërc.

Co devënten pa perdrët aucat?
La basa dla furmazion de n aucat ie i studies de giurisprudënza. Per pudëi se scrí ite tla Talia al ejam de Stat da aucat iel debujën de fé n tëmp de furmazion de 18 mënsc te n studio de aucac. L fin ie chël de mparé a tò ca l dërt tla pratica, l cumpurtamënt y svilupé strategies de defendura dan sunieria. Do avëi stlut ju l tëmp de furmazion, pòssen se scrì ite al ejam de Stat da aucat, che vën fat, tla Talia, un n iede al ann. (Ntervista de Sara Senoner)

De plu tla edizion stampeda de La Usc di Ladins o sun l e-paper a paiament www.lausc.it/e-paper