La Usc di Ladins

Ai 18 de merz à l Aiut Alpin abù cater ntervënc, trëi de chisc tla valedes ladines. I primes doi fova emergënzes saniteres: n ël che n’ambulanza ova menà a Puntives tla sënta, l segondo ie stat sun Ciaulonch sun purtoi. Tramedoi iedesc iesen julei cun i pazienc tl spedel de Bulsan. Dala cater domesdì iesen mo julei sa Sochers, ulache na turista de Praga fova tumeda cun i schi y se ova rot l os dla cuessa. Deberieda ai uemes dl servisc sun i purtoies l’ àn stabiliseda, ciarieda tl joler y meneda tl spedel de Bulsan.
Ai 19 de merz ie l Aiut Alpin julà sun l jëuf de Frea, per purté aiut a n’ëila che fova tumeda cun i schi se rumpian l os dla cuessa. N la à meneda tl spedel de Burnech.
Ai 21 de merz àn cherdà l joler per n’emergënza sanitera a Colfosch - la pazienta ie unida meneda tl spedel de Burnech.
Ai 22 de merz à la zentrela cherdà per n ntervënt a San Ciascian, ulache n ël de Cesena fova unit stlet sun na plaza dai auti. L ie unì rianimà y menà cun l joler tl spedel de Bulsan. Daldò iesen julei sun Ciampinëi, ulache n ël tudësch se ova rot la giama y ova n drë’mel. N ie julei limpea tl spedel de Persenon.

De plu tla edizion stampeda de La Usc di Ladins o sun l e-paper a paiament www.lausc.it/e-paper