La Usc di Ladins

Bun de Maria, podes­sesste te presenté en cört a nostes leturies y nüsc leturs?
Bun de, mi inom é Maria Pizzi­nini, i á 24 agn y por le momënt viri a Lignano, olache por profe­sciun feji tatuaji.

Ci formaziun adoren pa por fá chësta profesciun?
Iö á fat la Scora d’Ert ia en Gher­dëna, por jí inant daldô tl’Acca­demia delle Belle Arti MITA a Udine. Chësta formaziun é pon­sada aposta por chi che ó fá chësta profesciun. Al é n stüde de trëi agn, te chël che al é ince dër tröpa pratica.

Co é pa sté por te da lauré le pröm iade sön la porsona ?
Pordërt meton man da dessigné sön pel sintetica y do da n ann y mez, pónse passé ala pel dles porsones. Porimpó êi bëgn grama le pröm iade y i le sun tres ciamó en pü’, ince ciamó do da trëi agn. An á tröp respet por la porsona che vëgn a se lascé dessigné sö. L’agitaziun, tla finada é pa ince n bun, ajache al é sëgn che an tól le laur sceriamënter y che an prô da arjunje le miú resultat. (MO)

De plu tla edizion stampeda de La Usc di Ladins o sun l e-paper a paiament www.lausc.it/e-paper