La Usc di Ladins

Ai 10 de merz à na ambulanza menà adalerch tla sënta na pazienta cun n brac rot. Do che l dutor l’à medieda y dat zeche contra l mel, l’àn meneda juleda cun l joler tl spedel de Per­senon.
Ai 11 de merz ie trëi persones unides menedes tl spedel de Persenon: la prima fova n’ëila americana cun l os dla cuessa rot, che n ova ciarià tl joler sun Ciampinëi.
La segonda - n’ëila che se ova fat mel al spinel do vester frida adum cun zachei - fòven jic a tò sun Col Rodela. La terza fova n’ëila che se ova rot na giama te n nzidënt sun l purtoi de Secëda.
Domesdì iesen mo julei te Sëlva ulache n ël dl luech ova n atach de granfs; cun l aiut dla Crëusc Blancia l àn stabilisà y menà cun l joler tl spedel de Bulsan.
Ai 12 de merz iel stat n nzidënt cun i schi sun i purtoies dl Pordoi: n’ëila americana se ova rot na giama. Do la prima cures iesen julei limpea tl spedel de Burnech.

De plu tla edizion stampeda de La Usc di Ladins o sun l e-paper a paiament www.lausc.it/e-paper