La Usc di Ladins

L’ena passeda, n merdi ai 10 de juni, ie l Aiut Alpin Doloites unì cherdà a Pruca ulache n pop ova na gran prëscia de unì al mond y nscila àn menà si oma riesc tl spedel cun l joler. Chësc ie suzedù do la cater domesdì, dala sies fòvel inò da muever per la proscima emergënza: na jëuna da tlo ova scialdi mel per gauja de coliches. 
Do che la ie unida meneda ada­lerch cun la ambulanza, l’à l dutor vijiteda y dopro l’àn meneda tl spedel de Persenon cun la ambu­lanza. Puech do pona inò na cher­deda: n’ëila dai Paejes Tudësc ie unida piceda da n’eva sun Pana. L joler dl Aiut Alpin ie furnà su cun l dutor a la tò y do la prima cures iesen julei limpea tl spedel de Persenon.
N mierculdi ai 11 de juni iel puech do la nuef stat la prima cher­deda per i uemes dl Aiut Alpin. L’ambulanza à menà adalerch tla sënta ora Puntives n ël cun problems al cuer. Ël ie unì vijità y menà cun l joler tl spedel de Persenon.

De plu tla edizion stampeda de La Usc di Ladins o sun l e-paper a paiament www.lausc.it/e-paper