La Usc di Ladins

Natalie, poste te presenté en cört ai leturs?
Iö sun Natalie Lerchegger de Badia y i sun da 22 agn demez. Do avëi stlüt jö les scores altes a La Ila, ái fat na formaziun da organisadëssa de evënc y i á me­tü man da rodé le monn. Inant sun­si jüda cun i stüdi de lingac y leteratöra tl’université a De­sproch. Naota sunsi stada 6 agn a Guernsey y dl 2010 m’ái trasferí tla Svizera, olache i laori tl ciamp finanziar y viri dötaurela.

Co éra pa gnüda a s’al dé che t’as trasferí tla Svizera?
Al ê nöt y i ê sön na gran barca che i remblâ danter les Channel Islands, canche le proprietar de chësta barca m’á damané ciügn che ê mi plans por le dagní. Im­pormó do avëi stlüt jö le iade sön la barca él sté bun da me baié sö da lauré por ël te süa aziënda. I ne m’á nia lascé sciampé chësta oca­jiun y i á tut le fligher por Ge­nevra, olache i m’á presenté por n colloquium. Chësc vare á rapre­senté por me n mudamënt de cariera: i ne â ciamó degöna esperiënza tl ciamp finanziar. De chël vers êi na plata blancia. (MO)

De plu tla edizion stampeda de La Usc di Ladins o sun l e-paper a paiament www.lausc.it/e-paper