La Usc di Ladins

Se la squadra maora di Falcons la no é stata bona de se vadagnèr l'azess diret ai playoff e ades la cognarà venjer n nef giron de calificazion per seghitèr la sajon, tel setor di joegn la no ge é jita miec ai fascegn te la pruma partides del meis de firé. Anter sabeda e domenia defat duta la categorìes da l'U.11 en sù les é jites su la giacia, no se vadagnan aboncont nesciuna venta. Na pievia de gol à ciastià i falchec fascegn, adertura 25, te n fin de setemèna che à vedù ence doi neves infortunies.
No dut l'é aboncont negatif, al Scola se à vedù ence vèlch da bon e la voa de levèr sù endò da nef per verejèr te la proscima partides la é grana, coscita descheche farà i Falcons gregn te l'AHL.
Per chel che vèrda i più picoi, chesta setemèna à jià i bec de l'U.11, se fajan fora n tornoi a 4 squadres a l'Alvise De Toni de Alleghe dessema ai patrons de cèsa, Cortina e Zoldo.

I resultac de la desvaliva squadres é da poder veder su La Usc stampèda de vender ai 7 de firé 2020.    (Daniele Verra)