La Usc di Ladins

Le "Artist HGV dl ann" é na onoranza particolara che le HGV – Uniun di Ostis de Südtirol y le SKB – Uniun di Artisć de Südtirol surandá bele dal 2016 incá. En mercui ai 16 de setëmber ésera indô stada tan inant, y tl restorant Skybar META a Balsan él en chësc iade gnü premié n ladin: l’artist y fotograf Gustav Willeit da La Ila, cernü da na juria metüda adöm da rapresentanc dl HGV y dla Uniun di Artisć, sciöche ince na esperta d’ert.
Gustav Willeit s’á davagné la crëta dla juria cun süa opera fotografica "ERIE" y la ediziun "DOIA", tan co la parora ladina "doía", che pîta na odlada do ci che é conesciü y evidënt. I laurs fotografics de Willeit mostra sö te na manira dër tlera i intervënc dla porsona tla contrada, por ejëmpl tres na architetöra dominanta o tres i fostüs de na lerch tralasciada. "Te mi retrac m’un vara da tematisé le raport de tenjiun danter la natöra y l’opera umana, sciöche ince dl mudamënt dla contrada y dl daciasa", spliga Willeit süa opera.

Deplü ciafëise t’La Usc di Ladins di 25 de setëmber