La Usc di Ladins

Ai Opa Games, la mini olimpiade Under 17 de saut e combinazion nordica stata dai 21 ai 23 de firé a Villach te l’Austria, gran bon ejit di doi atlec del Comitat Trentin Fisi e del Ski & Ice College de la Scola de Fascia Iacopo Bortolas (Us Dolomitica) e Annika Sieff (Us Lavazé Varena), che i se à vadagnà ben trei medaes. 

Tant l joen da Tieser che la atleta de l’Us Lavazé i à otegnù l’arjent te la endesfida individuèla de combinazion nordica e Annika se à vadagnà ence la medaa de bron tel saut spezièl de eles. 

Dapodò l’é da uzèr fora ence l quinto post te la combinazion nordica e de la compagna de squadra Giada Tomaselli (Monte Giner) tel saut spezièl, ence ela atleta del Ski College.
Te la garejèdes a squadres, 4° post te la combinazion nordica de eles con Annika Sieff, Asia Marcato (Sc Gherdëina) e Greta Pinzani (Monti Lussari), competizion che à vedù sul podie Germania, Germania II e Austria I. Ence te la competizion a squadres de saut con Sieff e Tomaselli l’é da registrèr la 4^ posizion.

De più su La Usc stampèda de vender ai 6 de mèrz 2020.  (cri.m)