Al via la sajon de Snowboard Cross!

Data

23 de jené 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La fascèna Caterina Carpano à coret la pruma a Colere, en vista de la Copa del Mond en program ai 23 e 24 de jené
Dò la longia paussa a cajon de la pandemìa, l fin de setemèna passà à portà endò da nef la brees del Snowboard Cross su la neives de la Tèlia. En sabeda ai 16 de jené defat se à avert la pruma garejèda internazionèla bona per la Copa Tèlia de spezialità a Colere, con la repetizion de la proa en domenia ai 17.
La garejèda di 16 à vedù la pruma sajonèla de la campiona talièna Michela Moioli dò l lonch stop e la batalia col Coronavirus che ge à tout trop: se recorda la letra d’amor scrita da la campiona olimpica al giaf malà te ospedèl e la mort de la giava padida apontin dò la venta de la terza Copa del Mond de SBX.
L’atleta de Alzano Lombardo à enaudà sia sajon con n suzess, se vadagnan la venta su la joena clasc 2002 Sara Strnadova e su la compagna de squadra Sofia Belingheri. »Pruma gara e zacan se scomenza endò a sentir la gaissa per la neva sajon – à dit Michela Moioli – con la Copa del Mond che sarà la setemèna che vegn. L’é da chest uton che se arcedon e la squadra talièna é vertia per ge fèr front a chest 2021 che arà Copa del Mond e Mondièl a Ampez. Faron i conts a fin sajon«.

De più sun La Usc 03 di 22 de jené

 (Daniele Verra)