En domenia ai 26 de setember con la Val di Non Bike, 4^ e ultima tapa del zircuit, se à serà su a Cavareno l campionat trentin MTB. Grana l é stat la sodesfazion per l Fascia Bike Racing Team, che per la quarta outa l à podù portèr a cèsa na venta emportanta.
L suzess l é stat arjon amò na outa de gra a la proa ezelenta de Manuel Verra. L atlet del 1988 da Penia l é stat bon de serèr su i 45 chilometres de percors col temp de 01:48:11.82, al 8° post assolut e secondo de sia categoria. Con chest resultat l se à vadagnà l prum post te la categoria M1 de la classifica generèla e l à arjont ence l prum post anter i amatores e l 3° assolut.
De più, coi piazamenc de etres atlec fascegn, su La Usc stampèda de vender prum de otober. (Lucia Gross)
Manuel Verra campion trentin
L atlet da Penia che cor per l Fascia Bike Racing Team à confermà l resultat ezelent jà arjont te la edizion passèda del Zircuit Trentin MTB.
Galaria retrac
View the embedded image gallery online at:
https://www.lausc.it/sport/17275-manuel-verra-campion-trentin#sigProId3bd155180a
https://www.lausc.it/sport/17275-manuel-verra-campion-trentin#sigProId3bd155180a