La Usc di Ladins

Le campionat provinzial de schi, »Raiffeisen Gran Prix«, s'á stlüt jö por les categories »Aliefs« y »Jonins« en jöbia santa, ai 14 d'aurí, sön le ju de Furcia, te Mareo, sön la pista Pre da Peres, olache al é gnü organisé n slalom lerch paralel. De bunes prestaziuns á porté i atlec y les atletes dl ST Alta Badia sön le scalin plü alt dl podest tla classifica dles scuadres. Al secundo post él rové le SC Plan de Corones y al terzo post s'á plazé le SC Gherdëina.
Tla categoria »Aliefs« á Mike Rifesser dl SC Gherdëina davagné la medaia de brom, batü de ma dui zentejimi da Maximilian Wolfsgruper dl SC Plan de Corones. Terzo post por l'atlet badiot David Castlunger. Sü compagns de scuadra, Alberto Davare y David Thaler, s'á plazé al 4. y 5. post. Luca Merler dl SC Gherdëina é rové al 12. post. Tla categoria feminila 4. post por Julia Franzoni dl SC Gherdëina; sües coleghes Alicia Avi y Marie Oberhofer s'á plazé al 9. y 10. post. Kristin Moling dl SC Plan de Corones é rovada 8.

Tla categoria »Jonins« medaia d'or por Luca Dal Pont dl ST Alta Badia y medaia arjënt por Christian Kostner dl SC Gherdëina. L'atlet gherdëna Manuel Senoner é rové 4., le badiot Giacomo Ploner 5. I atri atlec dl SC Gherdëina á arjunt chisc plazamënc: Matthias Mahlknecht 8., Luisi Plancker 9. y Florian Schmalzl 10. Pro les atletes dla categoria »Jonins« 4. post por Lena Sottara dl ST Alta Badia, Anna Clara y Mia Kastlunger dl SC Plan de Corones s'á plazé al 13 y 14 post.

Gherdënes d'arjënt y badioc de brom tla generala 
Bëgn döes scuadres ladines é sönsom la classifica generala di mius clubs dl Südtirol: al pröm post s'á plazé le SC da Seis cun 9004 punc, secundo plazamënt por le SC Gherdëina cun 6812 punc y terzo post por le ST Alta Badia cun 6640 punc. Al cuarto post s'á plazé le SC Plan de Corones, che á abiné adöm indöt 5246 punc. 


 (kp)