La Usc di Ladins

Les temperatöres bele scialdi da d’invern y la pröma nëi tomada sön les pizes di crëps á cherié n contest particolar por le torné dediché propi ai amanc dla nëi.
La partezipaziun é stada grana, sciöche l’impëgn di sogadus sön les 18 büjes. Le torné preodô na classifica singola, daverta a düc i amanc dl golf y öna a scuadres por le titul provinzial dles scores de schi, olache al gnô compedé adöm i 3 mius maestri dla medema scora, sön la classifica dl “lordo”. La Scora de Schi da Calfosch é deventada campionëssa provinziala de golf dles scores de schi dl Südtirol.

Les classifiches
Campionat provinzial dles scores de schi: 1. Scora de Schi da Calfosch, cun i maestri Christian Alton, Peter Pescollderung y Nicoló Camurri: 65 punc. 2. Scora de Schi da Corvara, cun i maestri Claudio Tiezza, Nora Planatscher y Mattia Davare: 53 punc. Lordo: 1. Christian Alton - 33punc, 2. Claudio Tiezza - 26punc, 3. Peter Pescollderung - 25 punc. Netto, 1. categoria: 1. A Christian Alton - 38 punc, 2. Elvis Pinter - 36 punc, 3. Silvio Miribung - 34 punc. Netto, 2. categoria: 1. Mattia Davare - 36 punc, 2. Nicoló Camurri - 32 punc, 3. David Comploi, Arnold Senoner y Stefan Zingerle - 29 punc.

Le Golf Club Alta Badia se arjigna ca por l'ultim apuntamënt dla sajun, en domënia ai 25 de setëmber, cun le torné “Tra le putt” metü a jí dala Uniun di Jogn da Calfosch-Corvara: n torné a copies, metüdes adöm da n golfist cun un che ne sá nia da soghé a golf.   (md)