La Usc di Ladins

I picoi schiadores fascegn se à endesfidà en domenia ai 26 de firé sul portoi Ski Cross de le Fede te na garejèda de skicross de la zircoscrizion B endrezèda da la Monti Pallidi che aea valuta per l Trofeo Alpe Lusia. Beleche doicent schiadores se à troà bel bonora sun Lujia, dant i à fat la proes e da mesa les unesc l é tacà ite la garejèda de gra a n endrez ezelent de la sozietà e de duc si volontadives. La premiazions con na cornisc de festa e de legreza é states sobito do al Chalet Valbona.

Anter la sozietèdes fascènes chest’outa l é la Monti Pallidi che é ruèda sul podie, al 3° post con 478 ponc, sobito tedò l é l FassActive con 446 ponc e al 5° post l Ski Team Fascia con 408 ponc.

De più su La Usc stampèda de vender ai 3 de mèrz.  (MCI)