La Usc di Ladins

I zircuic Fisi del Trentin é do a ruèr bel pian pian a piz. L fin de setemèna passà l é stat i campionac trentins ence per i Ragazzi e Allievi de la zircoscrizions A, B e C del zircuit Oros e Itas Mutua. 

En sabeda ai 11 de mèrz i schiadores fascegn é stac a Madonna de Campiglio per tor pèrt a la garejèda de skicross per endrez de la sozietà Sporting Club Madonna de Campiglio sul ursus snowpark. 

L era na dì de vent fort ma i atlec no se à lascià destrameter. Dant l é stat la garejèdes per la califiches individuèles e dapò la semifinèles e finèles con endesfides a trei concorenc ensema sul stil de la garejèdes de Copa del Mond.

I atlec de la sozietèdes fascènes é stac bogn de arjonjer de bela posizions. Anter i Ragazzi Under 14 de eles l é l bel prum post de Meryem Volcan de la Monti Pallidi e l secondo post de Mayra Zanvettor del FassActive. Al 8° post se à classificà Sandy Soraperra del Ski Team Fascia.

De più su La Usc stampèda de vender ai 17 de mèrz.  (MCI)