La Usc di Ladins

Rua na gran venta per l Fascia Balon che en domenia sul ciamp de ciasa l à batù l’Azzurra per 5 a 0. Na gran venta per i joegn fascegn che à fat devertir l gran publich che era al Cotura, ajache en domenia l é stat festejà i 45 egn del Fascia Balon. En domenia che vegn sarà l’ultima partida de campionat: i fascegn sarà endò al Cotura da le 4 e contra l Perjen i proarà a serar la sajon te la vida miora e arjonjer i play off.

Suzes ence per i Arlieves: la formazion alenada da Paolo Mancini ensema con Mariano Rasom e Pietro Bernard con la venta en domenia a Caldonazzo contra l’Audace per 3 a 2 l'à arjont l prum post te so campionat, l giron C provinzial e la se à coscì vadagnà l derit a tor part a le semifinale per passar a la finala regionala. Chesta domenia ai 28 de mé i jiarà l’ultima de campionat da le 10:30 da doman al Cotura e dapò ai 4 de jugn sara la pruma partida de semifinala, e se la va ben i jirà inant.

De più su La Usc stampèda de vender ai 26 de mé.  (PR/LG)