La Usc di Ladins

Agnese Riz l é na joeneta da Moncion che fèsc la terza clas de la scola mesèna e da pech più che n an l’à scomenzà n percors sportif n muie percacent te na disciplina che no l é anter la più prateghèdes chiò da nos: la trata col archet. La é ruèda a cognoscer chest sport beleche adinfal, tel veder a Ciampedel n grop de bec che se arcedèa, l’à volù proèr e de fata la se n à adat che l é chel che più che dut ge pièsc fèr. Con de etres bec fascegn che te val i é coordené dal campion paralimpich Christian Seneca, la fèsc pèrt de la sozietà sportiva Arcieri de Piné, con chela che i pel tor pèrt a duta la competizions agonistiches. Ai 6 de mé a Piné l’à abù sie prum suzes, ruan pruma a la selezions provinzièles per l Trofeo CONI Under 14 e la se à coscita vadagnà l azes a la finèles nazionèles, che é states endrezèdes te la Basilicata, vejin a Metaponto, dai 21 ai 24 de setember.

Podede lejer de più su La Usc stampèda de vender ai 6 de otober.  (Lucia Gross)