La Usc di Ladins

Destudafuech de Runcadic ie unic cherdei ntëur mesa la 10. I se à riesc ntendù che l se tratova de na situazion zitia y periculëusa, davia che canche l verd n silo plën de lënia ne san mei cie che l pudëssa dut suzeder. N à perchël damandà aiut ai Destudafuech de Urtijëi. De ndut cincanta uemes ie ruvei adalerch y deberieda iesen stac boni de destudé l fuech. Do n'ëura y mesa fova l ntervënt finà.
De gauja per l meldefuech fova n defet pra n motor a lectrisc, che à mpià la ziples. Per fertuna ne se à deguni fat mel, ma l fuech à fat dann ala mascins.

EK