La Usc di Ladins

Max Perathoner de Sëlva à venciù l Super-G cun n tëmp de 1.20,38. Nce l segondo post ie de n atlet de Südtirol: Maximilian Ranzi de Lana à abù 0,21 secunc deplù. Terzo l austriach Matthias Fernsebner, che ie ruvà te traver mé 0,01 secunc do l segondo tlassificà. Cuinto post per Mattia Cason, che sta a Laion ma ie chersciù su te Gherdëina.
Pra l'ëiles ie la plu asvelta stata la svizra Elena Sanna Stucki, cun 1.20,38. Si cunnanziunela nce la bedaia d'arjënt, Nina Lehmann, che à abù 0,96 secunc deplù. L podest vën cumpletà dala jëuna de Gherdëina Sara Thaler, che à finà via cun n tëmp de 1.24,85.

Bruno Maruca