La Usc di Ladins

Se l é n temp de or per la squadra maora di Falcons che l’à portà a cèsa 4 ventes te la ultima 5 partides, medemo no se pel dir per l setor mender, che tel fin de setemèna passà à dassen stentà a troèr legreza. Ence la formazions joenes di falchec vegnia a la dir duta da na lingia de resultac dassen positives, ma anter i 25 e 26 de november la tendenza é mudèda. Recordon semper che no l é la venta l fin ultim di più joegn, ma zenz’auter vèlch indicazion se pel la troèr ence te la classifiches.

Su la Usc stampèda de vender prum de dezember se pel lejer l ejit de duta la partides jièdes dai falchec, pean via da l'U 10, olache i goi no se i conta nience. I falchec de chesta categoria en domenia ai 26 de november é jic a Lago forin Fiem per jièr n tornoi da peconc con Trent, Piné e apontin Fiem.  (Daniele Verra)