La Usc di Ladins

Che él tedò na chiamèda de emergenza? Co él miec se enjignèr per na raida sa mont? E co jir en segureza con la roda sui troes da bosch? La segureza e la responsabilità sa mont l é argomenc che ge stèsc a cher a l’ApT de Fascia. La se cruzia defat che vegne enjignà coche carenea i troes, de meter fora la tabeles per fèr cognoscer i vièi a mesa val e dintorn paisc percheche i ghesć posse jir a veder e aprijièr la belezes de nosc teritorie. Ma percheche l ghest posse jir segur l é emportant che l vegne informà e educà e per fèr chest tant ge vel che dant da dut noscia jent sie informèda e educhèda. L grop de l’area Svilup del Prodot de l’ApT de Fascia à pissà coscita che fossa stat de utol ge sporjer a la comunanza n percors de formazion con na neva edizion de Fassa Academy, chest’outa con argoment ‘Noscia Mont’. Via per l meis de mé l é stat endrezà desvaliva scontrèdes, spartides per argoment ‘Tedò na chiamèda de emergenza: l socors da mont’; ‘Jir a pe: co se enjignèr a jir sa mont’; ‘Raida formativa ensema ai menacrepes’; ‘Segureza sun doi rodes’, la pruma does les é avertes a duta la comunanza e l’autra does é resservèdes ai sozi de l’ApT.

Se pel lejer dut su La Usc nr 16 dai 2 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (Monica Cigolla)