La Usc di Ladins

L raion sëura la sarenea y l zënter dal refudam a Puntives ie plutosc melsegur, l manacia de unì ju smueies y purons de uni grandëza. La Che­ mun de Ciastel à perchël messù detlaré pert dl raion coche raion cueciun, chël uel dì raion de gran pericul. Davia che l raion japé dl bosch y di cherzuei, ulache l ie i frabicac, ie de puscion dl’aziënda cunsorziela, uel dì di trëi Chemuns de Gherdëina y de Ciastel, àn messù se cruzië de fé velch per mëter al segur dut l raion.

Dan n valgun ani ti à l’aziënda cunsorziela dat la ncëria a na firma de Persenon de lauré ora n pruiet y śën iela tan inant che n à pudù scumencé cun i lëures de prutezion dl raion nteressà. La Chemun de Ciastel à scrit ora y dat su la ncëria de fé lëures a na firma dla Val de Turesc.

L se trata de fé su na sort de stoa artifiziela de feter doi metri de larghëza y de plu o manco 240 metri de lunghëza. 

Per la aziënda cunsorziela, Bruno Senoner

L articul tla edizion atuela de La Usc di Ladins.