La Usc di Ladins

En mertesc ai 22 de aurí ne ciafân nia plü lerch da lascé l’auto tl zënter dl paisc a La Val. Le salf Domëne Moling ê implí de jënt: düc y dötes aspetâ ert le mëteman dl musical "N de a La Spona". Por le pröm iade á les assistides y i assistis dl zënter La Spona adöm ai colaboradus y ales colaboradësses y al impëgn de Marion Palfrader presenté n spetacul sön paladina.
Le toch é gnü metü adöm da Marion Palfrader, che á imparé a conësce les porsones d’La Spona tres n practicum che ara á fat tratan i agn de formaziun de terapia dla musiga. Ara á ciaré da mëte ite cianties che ti savô dër beles y á ince damané vignun ci pert dl de che ël o ëra ess orü porté ite. Le travert de chësc musical – nes spliga Marion – ê chël da ti mostré ala jënt sciöche an vir la cuotidianité tl zënter sozial "La Spona". I laurs é conesciüs lunc y lerch, mo co se passa pa ia i assistis y les assistides le tëmp canche ai ne é nia te sü laboratori a cují, zumpré o a lauré?
La resposta a chësta domanda é stada le fi cöce che á lié adöm dötes les scenes dl spetacul. Na desmostraziun dla vita da vigni de sciöche te na gran familia. (Lucia Piccolruaz)

Deplü podëise lí t’La Usc di Ladins di 9 de ma