La Usc di Ladins

L Lions Club de Fiem e Fascia ge à domanà al Servije sozio-assistenzièl del Comun General de Fascia de colaborèr per endrezèr la vijites ai eies e per l control del zucher tel sanch per i joegn e per la jent de età che é do a viver na situazion senestra. L servije l perveit che te Fascia sie n meso con èrc spezièi e n dotor spezialisà te la diagnosa che podarà tor dant presciapech 40 persones al dì, dadoman les 9 fin la una e domesdì da la does fin mesa les 6, e l sarà ai 13 de mé a Moena te Navalge, ai 14 a Sèn Jan ló dal Comun General de Fascia e ai 15 ta Cianacei te Piaz de Comun.