La Usc di Ladins

L’ultima fin dl’edema é stada caraterisada dal sport y dal palé a La Ila, olache l’US Alta Badia á organisé, adöm cun le VSS – Verband der Sportvereine Südtirols, le torné de conclujiun dl raiun de Puster por les categories U9 y U10. La manifestaziun sportiva s’á destenü fora sön dui dis, le vëndres ai 24 y la sabeda ai 25 de ma. Indöt él rové adalerch 34 scuadres: 420 mituns y mitans cun 70 acompagnadus y alenadus. Tratan i dui dis de torné él gnü soghé 60 partides, arbitrades da 6 mandli fosc. Deplü é les scuadres ladines che á tut pert ala competiziun, se alzan fora y realisan de bugn resultac. 

Deplü ciafëise t’La Usc di Ladins dl 31 de ma  (KP)