La Usc di Ladins

42 chilometres e 195 metres che ponta demez da Staten Island e rua a Central Park, traversan Brooklyn, Queens, Bronx e Manhattan. L é la Maratona de New York, la più cognosciuda e dejidrèda del mond: 60.000 runners, più che 2 milions de spetadores sul percors, na garejèda da no desmentièr.

L é chel che à proà l grop de fascegn che à tout pèrt ai 3 de november a la 53^ edizion de chesta garejèda de nonzech mondièl. Rejonon de Ennio Dantone e si doi fies Lodovico e Raffaele, Andreas Pellegrin e Silvano Iori. Ic cinch i à garejà ma i é jic a New York ensema a duta sia families, n bel grop fascian de 16 persones.

Co éla che ve aede metù ensema per jir a fèr la Maratona de New York?
Ennio L’idea la é stata mia, canche é compì 70 egn me é pissà che mia quarta maratona aesse volù la fèr con mi fies e me fèr chest don. Gé son semper jit demò coi schi e con la pouses, a ic ge pièsc ence corer e i à dit sobito de scì. Dapò ajache i é amisc con Andreas e Silvano i ge à domanà se i fossa vegnui ence ic. Chesta per me l era la quarta outa che jie a New York, l’ultima l’aee fata del 2018, l lurier più gran l é se n enjignèr, chesta outa me é alenà mingol de più percheche no son più tan joen. 

Podede lejer duta l'intervista su La Usc stampèda de en vender ai 6 de dezember.  (Monica Cigolla)