La Usc di Ladins

L é na bela neva chela ruèda enstadì da Novara, olache ai 25 e 26 de jené l é stat metù a jir i campionac taliegn para Archery. Christian Seneca, che l fèsc pèrt de la A.P.D. Kosmos de Rorei ma l é enciasà te Fascia, olache l ge stèsc ence do a n grop de joegn tiradores fascegn, l se à vadagnà l titol talian de trata con l archet 2025 te la categoria compound para Archery open. N gran resultat, arjont con na proa de perfezion e con la gran determinazion che ge à permetù a Seneca de ciutèr fora anter i miores atlec del panoram nazional, e de arjonjer ence si record personal de 583 ponts sun 600: n ejit che ge à permetù de aer la soramessa sul campion en cèria da Bergamo Gianpaolo Cancelli, che à serà su sia garejèda a 577 ponts.

De più su La Usc stampèda de en vender ai 7 de firé.

 (LG)