La Usc di Ladins

Ades la sajon di Falcons se à serà su dalbon. Con la venta de la Copa Tèlia U.14 che à portà gran legreza te dut l setor mender fascian e che ve aon jà contà su La Usc, i campionac de la formazions joenes era fenii. Ampò la sajon é jita inant amò mingol per i falchec, che demò tel ultim fin de setemèna i à serà su deldut l’atività con i ultimes tornoes straordenères, che é stac cernui fora dai arcedadores per fèr vèlch ultima esperienza de fora dai calandères programé de sajon.

La pruma categoria en orden de temp a jièr sie tornoi de fin sajon l é stat l’U.12, che ai 29 e 30 de mèrz l’à tout pèrt al 26° Torneo Internazionale Città di Varese. Per U.11 e U.9 l é stat endrezà enveze i doi tornoes Spring Cup Merano. N tornoi de trei dis à enveze empegnà l’U.10, per l Torneo Internazionale Città di Trento.

Se pel lejer dut, e veder ence la fotografies, su La Usc nr 15 dai 18 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Daniele Verra)