La Usc di Ladins

Religion
29.06.
Sacro Cuer de Gejù a Urtijëi
La Santa Mëssa n ucajion dl Sacro Cuer de Gejù sarà n dumënia ai 29 de juni dala 09:00 tla dlieja de Urtijëi. Daldò saràl na marcia dla cumpanìa di Scizeri, che meterà ju nce na gherlanda dan la capela di morc. Da sëira uniràl sambën mpià su vel’ fuech, coche da tradizion.
29.06.
Sacro Cuer de Gejù – S. Cristina
La Santa Mëssa n ucajion dl Sacro Cuer de Gejù sarà n dumënia ai 29 de juni dala 09:30 tla dlieja de S. Cristina, ulache l sunerà l urchestra y l cianterà l cor dl luech. Daldò saràl la pruzescion tradiziunela cun la trohtes dala Gherdëina.

Televijiun
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
01.07.
Cult – la crusc: significat de n simbol
Dales 20:50 ca. N program de Giulia Tasser, produziun Karbonvideo, a cura de Ales­sandro Dapunt.
02.07.
Taxi Gherdëina
Dales 20:50 ca. N program de Simon Moroder y Eugen Cela. A cura de Leo Senoner.
03.07.
Eie e Speie – cultura: cost o investimënt
Dales 20:50 ca. Program de Cinzia Pistoia, produziun Pennpro, a cura de Alessandro Dapunt.
Informazions plu menudes sun i programs de RAI Ladi­­nia pón giaté sun www.raibz.rai.it – Sun l medem sit sarà i pro­grams TV da vedei sot a »Mediateca« y les trasmi­scions radio sot a »Podcast«.

Radio
27.06.
La consulta per la ntegrazion te Gherdëina
Truepa jënt che vën a sté o a lauré te Gherdëina se stënta a se ntegré te nosta sozietà. Per ti unì ancontra iel unì metù su la Consulta per la Ntegrazion a livel de valeda che mët a jì cursc de rujeneda, jites sa mont, cëines y truep deplù. Tla ntervista conta la respunsabla dl servisc soziel de Gherdëina y assessëura per l soziel tl Chemun de Urtijëi Martina Comploi de chësta scumenciadiva unica te Südtirol. Trasmiscion de Sofia Stuflesser.
29.06.
Auteresc y scultures de marueia tl’Argentina
Tl’America dl Sud iel da udëi truep lëures ziplei da scul­tëures de Gherdëina, che à fat auteres y statutues y chël te truepa dliejes. Albert Moro­der y Roland Moroder à fat da permò n viac tl’Argentina per jì a ti cialé a chisc lëures, danterauter l gran autere de 23 metri a Còrdoba. Per cajo iesi nce ruvei tl luech Salta pra la fòssa dl preve cunesciù Chifri Moroder, che ie descen­dënza de Gherdëina. Trasmi­scion de Simon Moroder.

Sozial
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Chino
Atualmenter
Al chino de Pardac
Insnet, vender ai 27, domenia ai 29 e mèrtesc al prum de messèl da les 21:15 se pel veder »F1«, sabeda ai 28 enveze da les 17:15 e da les 21:15 l é »Dra­gon Trainer«, jebia ai 3 de messè da les 21:15 l é »Fino alle montagne«. Info su www.cinemapredazzo.it
Atualmenter
Al chino de Tieser
Insnet vender ai 27 de jugn da les 17:30, sabeda ai 28 da les 21:15 e domenia ai 29 da les 17:30 l é »Elio«, domenia ai 29 enveze da les 21:15 l é »Ballerina« che vegn moscià ence en lunesc ai 30 da les 21:15; jebia ai 3 da les 21:15 l é »F1« e sabeda ai 5 da les 17:30 l é »Lilo & Stitch«. Info su www.cinematesero.com
03.07.
Proieziun dl documentar dla Supermaratona
L’alpinist Hervé Barmasse á l’ann passé fat sciöche pröm la »Supermaratona«, jon cun la roda sön i percursc storics dla Maratona dles Dolomites, por n total de 285 km y 8.500 metri de deslivel. En jöbia ai 3 de messé dales 18:00 vëgnel mostré n documentar sön chësta esperiënza, tl salf dles manifestaziuns a Corvara. Al sará ince l’alpinist.

Dotours
Dutor Gherdëina
L dutor de servisc da n sada ai 28.06. dala 08:00 daduman nchin la 08:00 daduman de n lunesc ai 30.06. ie l dutor Valentin Tröbinger de Sëlva, tel. 0471/773073 o l 335 6844944.
Doturs Val Badia
Ti cin’ comuns dla Val Badia él en sorvisc tla fin dl’edema di 28 y 29 de jügn, le dotur Eduard Agreiter, San Martin de Tor, tel. 0474 523355 o 333 1380852.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 27.06. nchin n vënderdi ai 4.07. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/12.30. Turnus: 9.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 27 de jügn dales 19:00 al vëndres ai 4 de messé ales 19:00, é chëra da La Ila, tel. 0471 847152.

Temp Lede
Atualmënter
Iscrizions: Viac de 5 dis tl Saarland
La grupa KVW de S.Cristina mët inò a jì n viac da d’autonn, chëst iede tl Saarland cun la Region dla Mosel y Luxem­burg, dai 1. al 5 de utober. Per plu nfurmazions y iscri­zions: Emmerich Senoner, 335 5713575.
Uni juebia
»Flying Aperitivo«
La manifestazion unirà fata da juni nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif. Da bur’ tëmp vën la manife­stazion spënta. L ie dase scrì ite nchin al di dant pra la Lia dl Turism de Santa Cristina o diretamënter pra l mplant dla Mont Sëura.
Uni vënderdi
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, for de vënderdi (ora che ai 25.07., 15.08. y 29.08.). Sam­bën ne manceràl nia de bela mujiga.
27.06.
Cumpré ite da sëira a Urtijëi
La butëighes de Urtijëi sarà daviertes n vënderdi sëira ai 27 de juni, dala 21:00 nchin la 22:30.
27.06.
Sparkling Summer Nights a Urtijëi
N vënderdi ai 27 de juni dala 21:00 inant puderàn se la la­scé ji bona ntan la »Gin Night« tl raion da jì a pe de Urtijëi: la butëighes sarà daviertes nchin la 22:30, i locai dajerà ora da bever y l sarà de bela mujiga.
27.-28.06.
Gherdëina Craft Beer Festival
Sun Plaza de Chemun de Sël­va uniràl inò a se l dé l Gher­­dëina Craft Beer Festival, che mët man n vënderdi ai 27 de juni dala 16:00 inant y jirà inant sada ai 28 dala 11:00 inant. N puderà ciarcë truep de bon piers d’uni sort.
28.06.
»Oakley Community Days«
Dai 28 ai 29 de jügn él Movi­mënt che mët a jí na manife­staziun liada ales rodes da munt, mo ince a d’atres ativités alaleria, sön Piz La Ila y fora por i trus dala roda. Por le program y les iscriziuns él da jí sön www.moviment.it
29.06.
Marcia de Gherdëina
La Lia di Ciambonfs mët a jì la Marcia de Gherdëina te Sëlva n dumënia ai 29 de juni, dala 08:00 inant. N se anconta sun Plaza de Chemun. N pu­derà crì ora danter doi trasses: una de cin’ chilometri, l’autra de 10 chilometri. La grupes possa se scrì ite nchin ai 27 de juni. Deplù nfurma­zions giàpen da Oswin Seno­ner, oswin.senoner@gmail.com.
30.06.
Pastelné cun materiai naturei
Sun Pitla Plaza de Sant An­tone a Urtijëi puderà i mëndri y la mëndres pastelné cun materiai naturei (puc, rames, pleces, ciofs, y n.i.): ai 30 de juni dala 14:30 nchin la 18:00.
01. y 03.07.
Kidshour – devertimënt por mituns sö alalt
Pro le parch »Movimënt« sön Piz La Ila vëgnel metü a jí al 1. y ai 3 de messé jüc, anima­ziun y devertimënt por mituns da 5 a 10 agn, dales 13:30 ales 17:00.
03. – 05.07.
Le paisc dla Maratona
A San Linert gnarál metü sö le paisc dla Maratona, en gaujiun dla Maratona dles Dolomites. Al vëgn daurí en jöbia ai 3 de messé dales 20:00 ales 22:30 y é ince davert le vëndres dales 10:00 ales 19:00 y la sabeda dales 10:00 ales 18:00. An pó ciafé de vigni sort de atrezadöra por la roda y ince ciarcé val’ da mangé.
05.07.
Maratona for Kids
En sabeda ai 5 de messé pó i mëndri tó pert ala Maratona for kids, dales 10:30 tl raiun dl travert dla Maratona, sot l’implant dl Boé a Corvara. Dales 9:00 inant pón se scrí ite söl post; le cost dl’iscri­ziun i vá ala »Fondazione Michele Scar­poni«.
10.07.
Sëira de juesc cun la lia Trix
La lia Trix nvieia a na sëira de juesc da mëisa n mierculdi ai 10 de lugio dala 20:00 tl local dl Circolo a Urtijëi. L sarà da abiné velch per uniun:a!
11.–12.07.
Jita sun la Weißseespitze tla Ötztaler Alpen
La Lia da Mont Gherdëina nvieia a chësta jita dai 11 y 12 de lugio. N peierà via dal Hotel Oswald te Sëlva demez cun auti privac. Da Melag (Langtaufers) jiràn su per l »Panoramaweg« nchin pra la utia Weißkugel, ulache n se fermerà sëura nuet. L dì do jiràn inant ite per l »Richter­weg« nchin sun l’ëur dl dlacier. Per se nuté su: dai 30.06. inant tres Whatsapp da Ivan, al 348/78 03 397 – scrijan l inuem, ulache n sënta su y sce l mancia velch da massaria. Per plu nfurmazions: Valentin 338/83 62 004, Georg 335/78 85 710, Theo 338/33 40 111, Ivan 348/78 03 397.

Avisc
Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena unirà prejentà n mestier da artejan y l ne mancerà nia ntratenimënt de mujiga.
Uni mierculdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi sarà inò da­viert dai 2 de lugio inant, uni muerculdi dala 15:00 nchin la 19:00.
Uni mierculdi
Marcià de sëures y de tradizions
Uni mierculdi nchin ai 6 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradi­ziunel y maië velch de bon dl raion.
29.06.
Sègra di Sènc Piere e Paul
En domenia ai 29 de jugn a Soraga l é la sègra de paisc. Da les 10:15 ponta via la pro­cescion da la scolina, da les 10:30 messa grana e sobito do mingol de mezmesdì en­drezà dal Comitat Manife­stazions.
30.06.
La Gran Vera su la Marmolèda
En lunesc ai 30 de jug da les 21:00 te sala Rovisi a Moena Gabriele Valentini Mambo porta dant sia chèrtes de posta e l spiega i avenimenc te Fascia e su la Marmolèda endèna la Gran Vera.
04.07.
San Martin: udiënza dla defensuria popolara
La defensuria popolara o süa sostituta tëgn udiënza a San Martin de Tor, tl salf di stöda­füch, en vëndres ai 4 de messé dales 14:00 ales 17:00. Por pre­notaziuns cherdé sö le 0471 946020.
07.07.
Lia di Filatelisć – ancuntedes
La Lia di Filatelisć, Numis­matics y Vedla Chertes de Gherdëina se anconta uni prim lunesc dl mëns dala 20:00 tl Bar 2000 a S. Cris­tina, per s’la ciaculé y fé vel’ barat. La proscima ancunteda sarà ai 7 de lugio.

Referac
04.07.
N ann plëgn de vita
I Jogn y le Consëi de formaziun da Rina inviëia al referat »N ann plëgn de vita«, olache Klaus Promberger cunta de süa esperiënza da rodé fora por deplü stac dl monn. Al á fat 47.000 km, »dassú, mo mai solitar«, sciöche al dij. L’apuntamënt é por en vëndres ai 4 de messé dales 19:30, tla plaza sot scora da Rina.

Mostres y Ert
04.07.
«Cie giapa pa l paur?» - Giaurida dla Mostra
L Museum storich-culturel dla Provinzia de Bulsan Ciastel Tirol, nvieia de cuer ala giaurida dla mostra de Elisabeth Frei «Was kriegt der Bauer» («Cie giapa pa l paur?»), n vënderdi ai 4 de lugio dala 18:00 tl Ciastel Tirol.  La mostra resterà da udëi nchin ai 9 de nuvëmber.
Atualmenter
Alcide De Gasperi en mostra a Cianacei
Te Cèsa de Comun de Ciana­cei se pel veder la esposizion »Alcide De Gasperi. Album di casa« per endrez del Comun e de la Majon di Fascegn. Se pel jir a la veder debant fin ai 7 de messèl duc i dis da les 8.30 a les 12.30 e da les 15.00 a les 19.00 e dai 30 de jugn fora e fora da les 8.30 a les 19.00.
Atualmënter
Mostra: »Countdown to mass extinction?«
Cina al 31 d’agost él ciamó da odëi tl Museum Ladin Cia­­stel de Tor la mostra spe­zia­la »Countdown to mass extinction?«, da odëi tl Muse­um Ciastel de Tor. La mostra se dá jö cun la plü gran estin­ziun de massa tla storia dla tera, en relaziun cun la crisa climatica d’aldedaincö.
Atualmënter
Mostra de Lois Anvidalfarei
»Cina ai 16 d’agost él da odëi tl Musum dla cité de Tlüses, str. Frag 1, la mostra »Corpus meum« de Lois Anvidalfarei. La mostra é daverta dal mer­tesc ala sabeda dales 9:30 ales 12:00 y dales 15:30 ales 18:00. Domënia y lönesc ésera stlüta.
Atualmënter
Hubert Kostner – LACORDA02
L Tublà da Nives te Sëlva nvie­ia a unì a ti cialé ala mo­stra LaCorda02 de Hubert Kostner, che resterà davierta nchin ai 29 de juni, uni di ora che l lunesc, dala 16.00 nchin la 19.00.
06.07.
Kulturmeile Gufidaun 2025
Ai 6 de lugio vën l luech de Gudon na paladina per ert, mujiga y culinaria. 33 artisć y artistes mustrerà dala 10:00 nchin la 19:00 si opres te verzons, plazes y ntëur la dlieja. Duc y dutes ie de cuer nviei.
11.07.
Mostra Idea UNIKA 2025
Ntan chësc instà vëniel metù ora la mostra Idea Unika tl zënter de Urtijëi, sun Pana y tl raion da jì a pe de Sëlva, ulache artisć:tes dl luech pre­jenterà si lëures nchin a mez setëmber.

Mujiga
22.06.
Cianté y soné sön munt
L’iniziativa dl »Cianté y soné sön munt« tl’Alta Badia vá inant. En domënia ai 29 de jügn dales 13:30 inant él da aldí Paul y Hilda Schuen, tla ütia »Franz Kostner« sön Vallon a Corvara.
29.06.
Conzert di Killbilly’s Band
En domenia ai 29 de jugn da les 21:00 te Piaz de Sotegrava conzert del grop Killbilly’s Band con Raffaella Cordelli (ousc), Mattia Scarabottolo (contrabas), Stefano Mosna (chitares) e Anthony Datone (bateria).
28/29.06.
Conzerc di Barcelona World’s Music Ensemble
Doman, sabeda ai 28 de jugn, taca ite i conzerc del Fascia Panorama Music. Te la senta de La Grenz a Moena, strada de Saslonch, da les 21:00 l é l Barcelona World’s Music Ensemble col spetacol »Aqua«, sons, paroles e cultures. Spe­tacol che i porta ence en do­menia ai 29 da les 13:00 ló da la Malga Peniola.
28.06.
Coro Nosc e La Mizacoles
En sabeda ai 28 de jugn da les 9 da sera a La Gran Ciasa de Soraga l Coro Nosc, per si 10 egn de atività, ensema a La Mizacoles de Ciampedel endreza ‘Dit, scrit e ciantà’ n conzert con letures.
30.06.
Südtriol Jazz Festival sa la Utia Juac
Dala 09:00 se anconten sun la plaza dai auti te Val, per pië su deberieda sa la utia Juac, cumpaniei dala bela mujiga dla grupa »Sliders«. Iscrizions: info@suedtirol jazzfestival.com
01.07.
Conzert di Kairós
En mèrtesc al prum de messèl da les 21:15 te piaz de Comun de Vich se pel scutèr l grop de musega Kairós con Alex Pederiva a la chitara, Anto­nello Salvestrini al bas, Tom­maso Dondio a la bateria e la ousc de Samantha Pederica.
01.07.
Festival del orghen da mantesc
Ence chest an rua te Fascia l Fetival del orghen da mantesc. En mèrtesc al prum de messèl da les 21:00 te Piaz de Ramon a Moena conzert del joen Andea Coruzzi.
01.07.
Bal populer a Urtijëi
I balarins y la balarines dla Grupa Bal Populer de Urtijëi balerà ai 1. de lugio dala 21:00 tl zënter de Urtijëi.
02.07.
Cunzert dla Mujiga de Perbian
La Mujiga de Villanders su­nerà ai 2 de lugio dala 21:00 inant tl zënter Iman a Santa Cristina.
02-03-07.
I furlegn Cûr di Veri en conzert
Tel chèder de la manifestazion Fascia Panorama Music en mercol ai 2 de messèl a La Grenz a Moena da les 21:30 e ai 3 da les 14:00 te Fuciada l é l conzert del grop ‘Cûr di veri’ di furlegn Leo Virgili, Nicole Coceancig, Davide Raciti e Valeria Liva.
03.07.
Südtriol Jazz Festival sun Sëurasas
Dala 09:00 se anconten a S. Cristina, per pië su deberieda sun Sëurasas, cumpaniei dala bela mujiga jazz de Dan Kinzelman y Filippo Vigna­todla. Iscrizions: info@sued tiroljazzfestival.com
03.07.
Cunzert dla Mujiga de Urtijëi
La Mujiga de Urtijëi sunerà ai 3 de lugio dala 21:00 inant sun Plaza de San Durich a Urtijëi. Sce l ëssa da vester bur’ tëmp vën l cunzert fat tla Cësa di Cungresc.
03.07.
Cunzert dla Mujiga de Sëlva
La Mujiga de Sëlva sunerà ai 3 de lugio dala 21:00 inant sun Plaza de Chemun te Sëlva.
07.07.
Baroch y »belcanto«
En lönesc ai 7 de messé dales 21:00 él te dlijia d’Al Plan n con­zert cun le tenor Renzo Hu­ber y l’orghelist Franz Com­ploi. Ai portará dant ope­­res di componisć dl baroch Alessandro Scarlatti, Friedrich Böddecker, Natale Mon­ferrato, Johann Kaspar von Kerll, Stefano Bernardi, sciö­che ince de Vincenzo Bellini y Gaetano Donizetti, cone­sciüs por le stil dl »belcanto«.
Uni vënderdi
L sona i corni da mont
Te Val puderàn scuté su uni vënderdi (dai 27 de juni inant) for dala 16:30 inant, n cunzert de corni da mont.

Sport
27-29-06.
Copa de Mond de enduro a Cianacei
Dai 27 ai 29 de jugn tel Fascia Bike District de Rodela, Pecol e Ciampac, la sociazion Fascia Bike col sostegn de la sozietà Gregn Evenc, endreza la gare­jèdes de WHOOP UCI En­duro World Cup e de Enduro Open.
29.06.
Cumbatimënc de Muay Thai
N dumënia ai 29 de juni dala 14:30 inant, mët la Scola de Muay Thai (n sport de cum­batimënt) a jì – tla palestra dla scola elementera de Urtijëi – cumbatimënc a livel amato­riel y prufesciunel, cun atlec dla Talia, Germania, Spania y Tailandia. L fajerà pea nce atlec:tes dla grupa de Gher­dëina. Chertes: 30€, da pudëi cumpré sun i-ticket.it. Per plu nfurmazions: 366 208 0831.
30.06.–04.07.
Hockey Camp – Powerskating
Dai 30 de juni nchin ai 4 de lugio saràl tl stadio Pranives te Sëlva na lingia de ativiteies per jugadëures de hockey per miuré si maniera de jadiné. Per iscrizions y plu nfurma­zions: info@ProHockeyEurope .com o 320 4817332.

Iadi y Jites
01. y 04.07.
Cun la roda cun i campiuns
Por s’arjigné ca ala Maratona dles Dolomites, vëgnel metü a jí döes incuntades cun la roda, deboriada cun i cam­piuns dl sport. En mertesc al 1. de messé dales 9:00 s’incun­ton dan l’ofize turistich da La Ila, por jí cun Luca Peascollderung cina a Pederü. Ai 4 de messé dales 9:00 s’incunton dan l’ofize turistich a San Ciascian por jí a fá la roda da Fodom cun l’ex ziclist Jan Ullrich.
03.07.
Escurjiun cun la roda de nöt
En jöbia ai 3 de messé án la poscibilité da fá na escurjiun cun la roda da sëra, por se gode les Dolomites tl chît dla nöt. An pëia ia dales 21:15 dal hotel Col Alto a Corvara, por jí söl ju de Frara y indô zoruch. Por tó pert mësson avëi les löms sön la roda.

Segres y Festes
28. y 29.06.
Segra da Rina
La Musiga da Rina inviëia ala segra dl paisc, ai 28 y 29 de jügn. Sabeda dales 18:00 aperitif y poscibilité da cené, spo musiga dal ví cun Laura y Hubert Dorigatti. La do­mënia santa mëssa cun proze­sciun, dedô matinée cun liagnes blances, musiga cun Dominik y Michael; domisdé sona la musiga da Gais che tëgn conzert y spo le grup »Wiu und di oane«.