La Usc di Ladins

Dotours
Dutor Gherdëina
L dutor de servisc da n sada ai 21.06. dala 08:00 daduman nchin la 08:00 daduman de n lunesc ai 23.06. ie l dutor Michael Trocker de Urtijëi, streda Promeneda, tel. 388 2580002. 
Doturs Val Badia 
Ti cin’ comuns dla Val Badia él en sorvisc tla fin dl’edema di 21 y 22 de jügn, le dotur Alberto Caretta, Badia, tel. 0471 839706 y 380 3161999.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 20.06. nchin n vënderdi ai 27.06. ie chëla de Sëlva, tel. 0471/795142 o 333/1776615, (davierta dala 8.30 - 12.30).
Apoteca Val Badia
L’apoteca en sorvisc fora dl orar ordinar, dal vëndres ai 20 de jügn dales 19:00 al vëndres ai 27 de jügn ales 19:00, é chëra da Corvara, tel. 0471 830237.

Mostres y Ert
Atualmenter
Alcide De Gasperi en mostra a Cianacei
Te Cèsa de Comun de Ciana­cei se pel veder la esposizion »Alcide De Gasperi. Album di casa« per endrez del Comun e de la Majon di Fascegn. Se pel jir a la veder debant fin ai 7 de messèl duc i dis da les 8.30 a les 12.30 e da les 15.00 a les 19.00 e dai 30 de jugn fora e fora da les 8.30 a les 19.00.
Atualmenter
Insec africhegn en mostra al MUSE
Fin ai 3 de aost al MUSE de Trent te la ‘Foresta tropicale montana’ se pel veder ence la mostra »Bugs’ life« te su la marevees di invertebré de l’Africa. I insec con formes e colores da marevea é metui fora respetan sie esser e la segureza di vijitadores. L MUSE é avert dal mèrtesc al vender da les 10:00 fin les 18:00 e de sabeda, domenia e festes fin les 19:00.
Atualmenter
Operes de Matthias Sieff a Limone
L’à inom »Presenze« l’esposi­zion che l cognosciù artist da Ciampedel Matthias Sieff met fora tel Parco Villa Borghi a Limone sul Garda. Sia cara­teriestiches gran operes restarà fora da poder veder per dut istà, enscin al meis de otober.
Atualmënter
Hubert Kostner – LACORDA02
L Tublà da Nives te Sëlva nvieia a unì a ti cialé ala mo­stra LaCorda02 de Hubert Kostner, che resterà davierta nchin ai 29 de juni, uni di ora che l lunesc, dala 16.00 nchin la 19.00.
Atualmënter
Transfiguration:

• 
•  

View the embedded image gallery online at:
https://www.lausc.it/manifestazions-y-evenc/29760-manifestazions-atuales#sigProId034809f76b

Matter, Identity, Mutation
Tla Galaria Doris Ghetta iel da udëi nchin ai 21 de juni na mostra coletiva Michael Fliri, Judith Neunhäuserer y Oliver Laric.
Atualmënter
Mostra: »Countdown to mass extinction?«
Cina al 31 d’agost él ciamó da odëi tl Museum Ladin Ciastel de Tor la mostra spe­ziala »Countdown to mass ex­tinction?«, da odëi tl Mu­seum Ciastel de Tor. La mo­stra se dá jö cun la plü gran estinziun de massa tla storia dla tera, en relaziun cun la crisa climatica d’aldedaincö.
Atualmënter
Mostra de Lois Anvidalfarei
»Cina ai 16 d’agost él da odëi tl Musum dla cité de Tlüses, str. Frag 1, la mostra »Corpus meum« de Lois Anvidalfarei. La mostra é daverta dal mertesc ala sabeda dales 9:30 ales 12:00 y dales 15:30 ales 18:00. Domënia y lönesc ésera stlüta.

Mujiga
Uni vënderdi
L sona i corni da mont
Te Val puderàn scuté su uni vënderdi (dai 27 de juni inant) for dala 16:30 inant, n cunzert de corni da mont.
21.06.
N nef CD per i Popcorner
La band fascèna Popcorner à enjignà l nef CD. L vegn prejentà doman sabeda ai 21 de jugn da les 21:00 al Music Club La Grenz de Moena (Strada Saslonch 64). Entrèda debant con tessera ARCI. No mencià!
22.06.
Cianté y soné sön munt
Tla cornisc dl »Cianté y soné sön munt« tl’Alta Badia, él da aldí en domënia ai 22 de jügn dales 13:30 inant tla ütia »Club Moritzino« le »Conturines Echo«.
25.06.
Cunzert dla Mujiga de Perbian
La Mujiga de Perbian sunerà ai 25 de juni dala 20:30 inant tl zënter Iman a Santa Cri­stina.
26.06.
Cunzert dla Mujiga de Tluses
La Mujiga de Tluses sunerà ai 26 de juni dala 21:00 inant sun Plaza de Chemun te Sëlva.

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698 343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le pro­scim termin é ai 3 de messé. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
20.06.
Deberieda – Sa Bula cun vijita al verzon dala rojules
N se anconta n vënderdi ai 20 de juni dala 14:00 dan la Cësa de Paussa a Urtijëi, per jì deberieda sa Bula a ti cialé al verzon dala rojules. »Debe­rieda« ie na grupa che mët a jì ancuntedes danter ulenteres y persones che à problems psichics o de sozialisazion.

Temp Lede
Atualmënter
Iscrizions: Viac de 5 dis tl Saarland
La grupa KVW de S. Cristina mët inò a jì n viac da d’autonn, chëst iede tl Saarland cun la Region dla Mosel y Luxem­burg, dai 1. al 5 de utober. Per plu nfurmazions y iscri­zions: Emmerich Senoner, 335 5713575.
21.06.
Dolomites Bike Day
En doman sabeda ai 21 de jügn vëgnel tigní le Dolomites Bike Day. L’evënt dla roda nia competitif se desfira sön n percurs de 51 km fora por i jus de Ciaulunch, Falzares y Arparora. Les strades anter La Ila, Corvara, Reba, Falza­res y San Ciascian gnará stlü­tes al trafich dales 8:30 ales 14:30.
25.06.
Nos Ladins cun Fabian
Cun »Nos Ladins« án la po­scibilité da descurí deplü sön le monn ladin y i mistiers de nosta jënt. En mercui ai 25 de jügn él na incuntada cun Fabian dl Lüch »Chi Pra« a Badia, che cunta sön la pro­duziun de ciajó. Iscriziuns y informaziuns online o ti ofizi turistics dl’Alta Badia.
25.06.
Sëira de juesc cun la lia Trix
La lia Trix nvieia a na sëira de juesc da mëisa n mierculdi ai 25 de juni dala 20:00 tl local dl Circolo a Urtijëi. L sarà da abiné velch per uniun:a!
26.06.
Jita da San Ciascian a Santa Crëusc
La grupa »Nëus jon pa bel plan« mët a jì chësta jita n juebia ai 26 de juni. L sarà da jì feter 4,5 ëura, cun n deslivel de 450 metri. N peia via dala 7:15 da Sëlva demez. La iscrizions vën tëutes su nchin ai 24.06. da Ciofs Inge a Urtijëi, 0471 796691; Mal­siner Soriva a S. Cristina, 792349; Sport Bruno Riffeser te Sëlva, 795141. Per plu nfur­mazions: 328 914 6844 (Ar­thur), 334 720 1650 (Paola), 338 836 2004 (Valentin), 320 045 4724 (Helmuth).
27.-28.06.
Gherdëina Craft Beer Festival
Sun Plaza de Chemun de Sël­va uniràl inò a se l dé l Gher­­dëina Craft Beer Festival, che mët man n vënderdi ai 27 de juni dala 16:00 inant y jirà inant n sada ai 28 dala 11:00 inant. N puderà ciarcë truep de bon piers d’uni sort.
27.06.
Cumpré ite da sëira a Urtijëi
La butëighes de Urtijëi sarà daviertes n vënderdi sëira ai 27 de juni, dala 21:00 nchin la 22:30.
27.06.
Sparkling Summer Nights a Urtijëi
N vënderdi ai 27 de juni dala 21:00 inant puderàn se la lascé ji bona ntan la »Gin Night« tl raion da jì a pe de Urtijëi: la butëighes sarà da­viertes nchin la 22:30, i locai dajerà ora da bever y l sarà de bela mujiga.
29.06.
Marcia de Gherdëina
La Lia di Ciambonfs mët a jì la Marcia de Gherdëina te Sëlva n dumënia ai 29 de juni, dala 08:00 inant. N se anconta sun Plaza de Chemun. N puderà crì ora danter doi trasses: una de cin’ chilometri, l’autra de 10 chilometri. La grupes possa se scrì ite nchin ai 27 de juni. Deplù nfurma­zions giàpen da Oswin Seno­ner, oswin.senoner@gmail.com.
Uni juebia
»Flying Aperitivo«
La manifestazion unirà fata da juni nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif. Da bur’ tëmp vën la manife­stazion spënta. L ie da se scrì ite nchin al di dant pra la Lia dl Turism de Santa Cristina o diretamënter pra l mplant dla Mont Sëura.

Avisc
Atualmënter
Nrescida per l plan dl tlima
L Chemun de Urtijëi mët a jì na nrescida anonima per abiné soluzions che porta pro a n svilup sustenibl dl chemun. La cumenanza ie de cuer nvie­da a fé pea pra la nrescida, che n abina online (https://de.surveymonkey.com/r/5Z8D WZL) o sun papier te Che­mun.
Atualmënter
Mpresté trohtes a Urtijëi
Dai 4 de juni inant pòssen uni mierculdi dala 20:00–21:30, mpresté ora trohtes pra la Lia Guant dala Gher­dëina de Urtijëi, tl self dla lies tla Cësa di Cungresc suaut. La trohtes per mutans y mu­tons vën mprestedes ora do­mesdì, cher­­dan su danora l numer de Nadja Moroder 334 5266 014.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Tel bosch co la jent de età
La sociazion Rencureme e Spazio Argento del Comun General de Fascia endreza spazirèdes te la natura per persones dai 65 egn en su, con Katiuscia Rasom e Ta­tiana Tulini espertes de Bagn de Bosch (Forest Bathing). De jebia da les 14:00 ai 26 de jugn e ai 3, 10 e 17 de messèl. Ge vel se enscinuèr chiaman Katiuscia al 393 3377940 o Tatiana al 349 5455352.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cu­mëmbri dla Lia Gaia.
Uni mierculdi
Marcià

• 
•  

View the embedded image gallery online at:
https://www.lausc.it/manifestazions-y-evenc/29760-manifestazions-atuales#sigProId034809f76b

de sëures y de tradizions
Uni mierculdi nchin ai 6 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradi­ziunel y maië velch de bon dl raion.
20.06.
Scontrèda con l alpinist Simone Moro
En ocajion de la Copa Europa Senior Lead de rampinèda che sarà ai 21 e 22 de jugn a la palestra ADEL de Ciampe­del vegn endrezà na scontrèda con l alpinist Simone Moro, en vender ai 20 da les 21:00, en colaborazion con La Spor­tiva. L contarà de sia spedi­zions più emportantes travers retrac, paroles e filmac.
24.06.
Marcià tradiziunel di paures y di artejans
Uni merdi, dai 24 de juni inant, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena unirà pre­jentà n mestier da artejan y l ne mancerà nia ntrateni­mënt de mujiga.
24.06.
Balé fej bon – lauratuere de bal
L Circolo – Lia Mostra d’Ert à l plajëi de nvië al lauratuere »Doi poejies de muvimënt» cun Anastasia Kostner y Riccardo Meneghini, n merdi ai 24 de juni dala 20:00, tla Cësa di Cungresc a Urtijëi. Per plu nfurmazions: Circolo-Lia Mostra d’Ert, 377-5936 350
24.06.
Sègra de Sèn Jan
En mèrtesc ai 24 de jugn l é la festa de Sèn Jan, patron de la Pieif de Fascia. Da les 20:00 ponta via la procescion da la Capela de Vich fin a la Pieif olache da les 20:30 vegn dit messa e sobito do l é n moment convivial con la Musega da Vich.
25.06
Cianta Ciancoai
En mercol ai 25 de jugn da les 21:15 te la piana di Cian­coai anter Poza e Pera, spazi­rada sot la steiles enlongia Veisc compagné da la musega.
26.06.
Sègra de Sèn Vile
En jebia ai 26 de jugn vegn fat festa per l patron de Mo­ena, Sèn Vile. Da les 6 da doman i otons de la Musega desceida fora l paisc, da les 9:45 procescion da la Calonia, da les 10:00 messa grana e da les 11:30 conzert de la Musega da Moena te Piaz de Ramon. Via per l dì musega, animazion e jeghes per bec.
04.07.
San Martin: udiënza dla defensuria popolara
La defensuria popolara o süa sostituta tëgn udiënza a San Martin de Tor, tl salf di stöda­füch, en vëndres ai 4 de messé dales 14:00 ales 17:00. Por prenotaziuns cherdé sö le 0471 946020. Les proscimes udiënzes é ai 5 de setëmber y ai 7 de novëmber.

Iadi y Jites
08. – 10.09.
Pelegrinaje tla Slovenia
Le KVW Val Badia organisëia n pelegrinaje tla Slovenia cun siur degan Iaco Willeit, ai 8, 9 y 10 de setëmber. Prenota­ziuns y informaziuns pro Chri­­­stoph Pezzedi al 333 7219535 o ala mail crix.pezzedi@gmail.com . Al é da s’anunzié anter mez messé.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
23.06.
Eie e Speie amò 04 – eies averc envers svilup e sostenibilità
Dales 20:50 ca. N program de Cinzia Pistoia, produziun Pennpro.
24.06.
Suns 2024
Dales 20:50 ca. N program de Marco D’Agostini, a cura de Anna Mazzel.
25.05.
Pizes dla Ladinia – la Piza Cuecenes
Dales 20:50 zirca. N program de Manfred Stuffer, produziun Karbonvideo, a cura de Alessandro Dapunt.
Informazions plu menudes sun i programs de RAI Ladi­nia pòn giaté sun www.raibz.rai.it – Sun l medem sit é i pro­grams TV da vedei sot a »Mediateca« y les trasmiscions radio sot a »Podcast«.

Radio
20.06.
L zënter de mubltà te Gherdëina
L trafich ie aldidancuei n pro­­blem globel y nce te Gher­dëina vënien cunfruntei ntan dut l ann cun chësta proble­ma­tica, cis ntan la sajon turi­sti­ches. Martin Resch ie l respun­sabl dl zënter de mubltà de Gherdëina y nes stlarësc coche ie la situazion al mu­mënt, ciuna strategies y idées che n à per l daunì per miuré la cuestion dl muvimënt di auti te valeda y ti luesc. Tras­miscion de Stefano Zanotti.
22.06.
John Fogerty, 80 ani de mujiga
De mei àl destudà 80 cëiresc sun si tëurta. Rujenon de n ël che – sciche puec d’autri – ie cunesciù per si sonn grove y senzier tla usc: John Fogerty, ciantarin, chitarist, cumponist y frontman di »Creedence Clear­­water Revival« che ie mo atif tl ciamp dla mujiga, che scrij cianties y ie da udëi sun palch pra si cunzerc. Y chël che fej l plu marueia: si usc ie for mo chëla: carateri­stica, grovia y plëina de ener­gia. Trasmiscion de Georg Mussner.

Religion
22.06.
Urtijëi: pruzescion de Dumënia dai Andli
La pruzescion unirà fata n dumënia ai 22 de juni. Dala 07:35 pierà la Lia Guant dala gherdëina da Plaza de Sant Antone su tres l raion da jì a pe nchin pra dlieja, ula­che l sarà la Santa Mëssa dala 08:00. Do mëssa saràl pona la pruzescion tradiziu­nela dala streda Stufan ite nchin ju sun plaza de Urtijëi.
22.06.
S. Cristina: pruzescion de Dumënia dai Andli
N dumënia ai 22 de juni dala 9:30 saràl la Santa Mëssa tla dlieja de S. Cristina. L cian­terà y sunerà l Cor de Dlieja y l’Urchestra. Daldò saràl la pruzescion tres l luech cun la trohtes de Gherdëina.
29.06.
Sacro Cuer de Gejù a S. Cristina
La Santa Mëssa cianteda y suneda sarà tla dlieja de S. Cristina dala 09:30 y daldò saràl la pruzescion tradiziunela cun la trohtes.
29.06.
Sacro Cuer de Gejù
La Santa Mëssa n ucajion dl Sacro Cuer de Gejù sarà n du­mënia ai 29 de juni dala 09:00 tla dlieja de Urtijëi. Daldò saràl na marcia dla cum­panìa di Scizeri, che me­terà ju nce na gherlanda dan la capela di morc. Da sëira uniràl sambën mpià su vel’ fuech, coche da tradizion.

Chino
Atualmenter
Al chino de Pardac
En sabeda ai 21 de jugn da les 17:30 l é »Lilo & Stitch« e da les 21:15 l é »Ballerina« che vegn moscià ence en domenia ai 22 de jugn da les 21:15. En mercol ai 25 e en jebia ai 26 da les 21:15 e en vender ai 28 ence da les 17:15 se podarà veder »Dragon Trainer«. Info su www.cinemapredazzo.it
Atualmenter
Al chino de Tieser
Insnet vender ai 20 de jugn da les 17:15 en 2D e da les 21:15 en 3D, en sabeda ai 21 da les 21:15 en 2D e domenia ai 22 da les 17:15 en 3D vegn moscià »Dragon Trainer«, en domenia ai 22 da les 21:15 l é »Vita da grandi«, en jebia ai 26 da les 21:00 l Conzert de la Banda de Levico e en vender ai 27 da les 17:30 »Elio«, che sarà en program ence la sabeda e la domenia. Info su www.cinematesero.com