La Usc di Ladins

Transdolomites seghita a esser protagonista sui maores desć de discuscion su la mobilità a livel local, nazional e adertura internazional. Ai 20 de mé la sociazion à endrezà n gran convegn a Bruxelles olache l’à portà l projet de la ferata de la valèdes de la Veisc ma soraldut l’à metù al luster l ruol de l’Union Europeana per l potenziament de la rei de ferates ti raions alpins per permeter l svilup sostegnibol.

»L é stat na scontrada che à domanà n empegn de meisc e soraldut con la endesfida de contatar e enviar le persone competente te chest setor – ne à contà l president de Transdolomites Massimo Girardi. Con la fin del firé del 2025 à scomenzà a ruar le responete e donca se à podù tacar a confermar l program con la sodesfazion de aer troà la jent che ne à dat credit sul program e sul tem che se volea portar dant. Te chesta ocajion se à ciolà ensema nosc pojet sul teritorie con le politiche europeane su la mobilità. Chest percors à ciapà na soa strutura de gra a l’adejion de la Division Generala de la Comiscion Europea de le politiche regionale, la DG Move che l’à la responsabilità di coridores europeans e chiò l é ruà l segnal positif che cheste ferate, chela de la Veisc, del Garda o de la Pustra, le é part de n projet più gran.

Se pel lejer dut su La Usc nr 23 dai 20 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.



 (Monica Cigolla)