La Usc di Ladins

Ai 17 de juni iesen julei sun Mont de Sëura, ulache n’ëila dl’Australia fova sbrisceda ju dal troi per feter cin’ metri y se ova fat mel a na sciabla y a na giama. Deberieda ai Judacrëp de Gherdëina l’àn ciarieda tl joler y meneda a Persenon te spedel.
Ai 18 de juni à la zentrela de Bulsan cherdà per na emergënza sanitera: n jëunn dl Pakistan ova granfs. Do la prima cures àn menà l pazient a Bulsan.
Ai 19 de juni iel stat n ntervënt sun Col de Flam a Urtijëi, ulache n’ëila fova tumeda y se ova fat mel al os dla cuessa. N judacrëp fova jit sun l post per judé a la ciarië tl joler, che à menà l’ëila de 65 ani tl spedel de Persenon.
Domesdì iesen julei sëura Ar­mentarola, ulache n ël polach fova tumà cun la roda sun na streda furestela. L se ova fat mel mpue’ dlonch y nscila l àn stabilisà y menà a Burnech te spedel.

De plu tla edizion stampeda de La Usc di Ladins o sun l e-paper a paiament www.lausc.it/e-paper