La Usc di Ladins

Fin de setemèna spezièl per l sport mondièl ai 28 e 29 de jugn a Cianacei, olache l é stat metù a jir la 5^ tapa del zircuit de Copa del Mond UCI Enduro 2025. 
L ambient da marevea e l endrez perfet à confermà Fascia desche teater de valuta ezelent a livel internazionèl per l mond del enduro: n recognosciment ruà tel diejem an da canche, del 2015 col prum campionat talian, Fascia à scomenzà sie percors per ruèr a se fèr valer te la organisazion de competizions sportives de roda da mont de aut livel internazionèl.
L Comitat de endrez te chesta ocajion l à tout ite al miec 500 riders anter i scric ite a la World Cup e chi de la Open Race, con 33 nazions raprejentèdes. L’organisazion de la garejèdes, spartides te doi giornèdes, à permetù de valorisèr i aspec più sćiantives del enduro, che l domana preparazion, vijion de la garejèda e gestion de la energies.
»N event de chest livel - à dit l diretor de gara William Basilico - domana n gran sforz ence do via. Dut l é jit al miec, de gra a n staff oramai colaudà e a l’energia de 160 volontères, veri protagonisć de l’organisazion. Aer de bie monts no l é assà per sporjer n event segur e atratif, ge vel standard n muie auc e gran motivazion.Te nosc comitat l é jent che laora dut l an tel Fassa Bike District per i percors... 

Se pel lejer dut su La Usc nr 25 dai 4 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Lucia Gross)