LA USC: La sozieté dles munts é passada fora por n svilup asvelt y drastich. Ci él pa resté dl ladin da inlaota y ci loces linguistiches él pa gnü a s’al dé, che se damanass da gní curides por garantí
(Chiara Folchi) Vigni lingaz é sotmetü a mudamënc tl decurs dl tëmp y sënt l’influs di cambiamënc soziai, che vëgn a s’al dé te n raiun spezifich. En particolar, le svilup dla sozieté ladina tla Val Badia é sté flinch y gran te n tëmp cört. Le lingaz che gnô tut ca ti tëmps de Antone Pizzinini é ma plü conesciü da na pert dla popolaziun, chëra dles generaziuns plü inant cun l’eté. Tratan le laur d’analisa ái constaté che dantadöt i plü jogn ne conesciô nia plü chëstes espresciuns. Dessigü é n valgönes de chëstes jüdes a perde tl ladin d’aldedaincö, ajache certes ativités ne s’á nia mantigní tl tëmp y ne vëgn aldedaincö nia plü praticades. Porimpó él ince normal ne conësce nia dötes les parores de n lingaz y te chësc caje, se trátera de n lessich dër lié a n setur spezifich y porchël ri da recuperé.
Liede inant tl'ediziun nöia da incö, vëndres 4 de messé!
