La Usc di Ladins

I pontarà via de setember i lurieres per meter a post l Pont de Lejia. En mercol ai 25 de jugn l é ruà a Sèn Jan l president de la Provinzia de Trent Maurizio Fugatti con l enjegner del Servije Operes stradèles e feroviaries Alessandro Pinamonti per ge consegnèr ofizialmenter l cantier al ombolt Giulio Florian, al procurador Edoardo Felicetti e al projetist enjegner Fabio Ganz. 
I lurieres, dal valor complessif de 1.348.627 euro, a chi che va jontà apede i oneres de segureza de 42.973 euro, ge é stac dac su a la firma Bruno Cunaccia de Strembo che à temp 300 dis per i portèr a compiment.
Endèna, ajache l é jà tacà ite la sajon, vegnarà demò fat lurieres per endrezèr l cantier per chest uton e se spera che i tache ite e i vae inant desche emprometù ajache se trata de n’opera provinzièla che era jà stata metuda ite tel program 2020-2022, dapò sperlongèda al 2024 e ades uton 2025.

Se pel lejer dut su La Usc nr 25 dai 4 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.




 (Monica Cigolla)