La Usc di Ladins

Religion
12.07.
Preparaziun dl Bato
La Uniun dles Ëres Catoliches de nosc decanat inviëia düc i geniturs che á n viadú da batié, pers che aspeta, toc y totes de nosc decanat ala preparaziun dl Bato, en sabeda ai 12 de messé dales 15:00 ales 17:00, te salf de calonia a Corvara. Deboriada orunse aprofondí l’importanza de chësc sacramënt, presenté le ritus y splighé i simboi. Se prenoté pro Lucia al 334 3200396.

Temp Lede
Uni lunesc
Kids Night – juesc y deverti­mënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Ni­ves te Sëlva dala 20:30 inant uni lunesc nchin ai 25 de agost.
Uni juebia
»Flying Aperitivo«
La manifestazion unirà fata da juni nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif. Da bur’ tëmp vën la manife­stazion spënta. L ie da se scrì ite nchin al di dant pra la Lia dl Turism de Santa Cristina o diretamënter pra l mplant dla Mont Sëura.
Uni vënderdi
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, for de vënderdi (ora che ai 25.07., 15.08. y 29.08.). Sam­bën ne manceràl nia de bela mujiga.
04. y 05.07.
Le paisc dla Maratona
A San Linert él gnü metü sö le paisc dla Maratona, en gaujiun dla Maratona dles Dolomites. Al é davert incö vëndres dales 10:00 ales 19:00 y la sabeda dales 10:00 ales 18:00. An pó ciafé de vigni sort de atrezadöra por la roda y ince ciarcé val’ da mangé.
05.07.
Maratona for Kids
En doman sabeda ai 5 de messé pó i mituns tó pert ala Maratona for kids, dales 10:30 tl raiun dl travert dla Mara­tona, sot l’implant dl Boé a Corvara. Dales 9:00 inant pón se scrí ite sön le post; le cost dl’iscriziun vá a fin de bëgn por la »Fondazione Michele Scarponi«.
06., 08. y 10.07.
Kidshour – devertimënt por mituns sö alalt
Pro le parch »Movimënt« sön Piz La Ila vëgnel metü a jí vigni mertesc, jöbia y domënia jüc, animaziun y devertimënt por mituns da 5 a 10 agn, dales 13:30 ales 17:00.
07.07.
Pastelné cun materiai naturei
Sun Pitla Plaza de Sant An­tone a Urtijëi puderà i mëndri y la mëndres pastelné cun materiai naturei (putes, rames, pleces, ciofes, y n.i.), dala 14:30 nchin la 18:00.
07.07.
Marcià dla Segra a Urtijëi
N lunesc ai 7 de lugio dala 8:00 inant, saràl tres l raion da jì a pe de Urtijëi l marcià tradiziunel dla segra.
09.07.
Liejer y pastelné te biblioteca
La biblioteca publica de Sëlva, deberieda cun l Istitut Ladin Micurà de Rü, nvieia a n dan­mesdì ntan chël che l unirà liet dant na storia y daldò pa­stelnà, n mierculdi ai 9 de lugio dala 09:30 inant. La ma­nifestazion ie adateda per mutons y mutans dai 6 ai 10 ani.
09. y 10.07.
Nos Ladins cun David y Gabriel
Tres l’iniziativa »Nos Ladins« pón descurí deplü sön le monn ladin y sön i mistiers de nosta jënt. En mercui ai 9 de messé él le cogo David che tëgn n curs da cujiné sön munt a San Ciascian; ai 10 de messé pón fá na escurjiun al florí dl sorëdl cun Gabriel, che mostra co fá fotos. Iscriziuns online o ti ofizi turistics dl’Alta Badia.
10.07.
Sëira de juesc cun la lia Trix
La lia Trix nvieia a na sëira de juesc da mëisa n mierculdi ai 10 de lugio dala 20:00 tl local dl Circolo a Urtijëi. L sarà da abiné velch per uniun:a!
10.07.
Geologia e paesaje uman te la Dolomites Unesco
La Biblioteca de Sèn Jan, la Fondazion Dolomites Unesco, l MUSE de Trent/Pardac e TSM-STEP endreza en jebia ai 10 de messèl da les 18:00 te Biblioteca a Vich la scon­trèda: Dolomites anter feno­mens geologics e paesajes umans; col antropologh Anni­bale Salsa, l geologh del Muse Riccardo Tomasoni, Angelo Lon­go de TSM e Mara Ne­mela de Fondazion Dolomites Unesco.
10.07.
La Ila: domisdé cun jüc da mësa
Le pulmin di jüc dl »Spiele­verein Dinx« storj pro en jöbia ai 10 de messé dales 15:30 ales 17:30 a La Ila. Te biblio­teca pó pici y gragn passé n domisdé cun na gran cerna de jüc da mësa. N espert dá consëis y spliga les regoles. Al é ince la poscibilité da s’impresté fora jüc.
10.07.
Calfosch: devertimënt por mituns
En jöbia ai 10 de messé dales 15:00 pó mitans y mituns da 3 a 12 agn tó pert a n domisdé cun Nikolas, che ti mostra co che al vëgn fat le pan, tl parch dai tiers a Calfosch. Iscriziuns online o ti ofizi turistics dl’Alta Badia.
11.07.
Corvara: »Eco – hiker«
Tla cornisc dla iniziativa »Atira« vëgnel tigní en vëndres ai 11 de messé na escurjiun olache an pó dé n contribut a nosta contrada, jon fora por i trus a chëie sö le ciomënt. An pëia ia dales 9:30 pro l’implant Boé a Corvara. Iscri­ziuns online o ti ofizi turistics dl’Alta Badia.
11. y 12.07.
»FFL On Tour« cun Federica Costantini
Ai 11 y 12 de messé mët a jí Movimënt dui dis dedicá al fitness y al yoga, cun FEderica Costantini. La sabeda ai 11 dales 18:30 él n referat sön la prevenziun, tl salf dles manife­staziuns a Corvara, cun doturs y alenadus dla Federica Fit­ness Library. La sabeda ai 12 él deplü leziuns de fitness sön Piz La Ila. Informaziuns y iscri­ziuns sön: moviment.it

Mujiga
Uni vënderdi
L sona i corni da mont
Te Val puderàn scuté su uni vënderdi (dai 27 de juni inant) for dala 16:30 inant, n cunzert de corni da mont.
05.07.
Ntratenimënt cun meludies dl Cor Raetia
L Cor di ëi Raetia cianterà de bela cianties pra la capela de Resciesa, n sada ai 5 de lugio dala 10:30.
06.07.
Conzert di Pëufla sun Pecol
Tel chèder del Val de Fascia Panorama Music en domenia ai 6 de messèl da les 11:30 lo dal Hotel Bellavista sun Pecol l é l conzert del grop Pëufla da Gherdena.
07.07.
Al Plan: baroch y »belcanto«
En lönesc ai 7 de messé dales 21:00 él te dlijia d’Al Plan n conzert cun le tenor Renzo Huber y l’orghelist Franz Com­ploi. Ai portará dant operes di componisć dl baroch Alessandro Scarlatti, Friedrich Böddecker, Natale Mon­ferrato, Johann Kaspar von Kerll, Stefano Bernardi, sciö­che ince de Vincenzo Belli­ni y Gaetano Donizetti, cone­sciüs por le stil dl »belcanto«.
08.07.
Bal populer a Urtijëi
I balarins y la balarines dla Grupa Bal Populer de Urtijëi balerà ai 8 de lugio dala 21:00 tl zënter de Urtijëi.
08.07.
Cunzert da d’instà cun saxofon y tlavir
Sun Plaza de Chemun de Sëlva uniràl a se l dé ai 8 de lugio dala 21:00 n bel cunzert da d’instà, cun Alex Designori al saxofon y Alessandro Soc­corsi al tlavir.
09.07.
Mujiga y tradizion da viver
L Cor Sasslong, la Grupa Bal Populer Sëlva/S. Cristina y l trio »Danter nëus« nvieia a na bela sëira de mujiga y tra­dizion. ai 9 de lugio dala 21:00 inant tl Zënter Iman a S. Cristina.
10.07.
Cunzert dla Mujiga de Sëlva
La Mujiga de Sëlva sunerà ai 10 de lugio dala 21:00 inant sun Plaza de Chemun te Sëlva.
10.07.
Cunzert dla Mujiga da Bula
La Mujiga da Bula sunerà ai 10 de lugio dala 21:00 inant tl pavillon sun Plaza de dlieja sa Bula.
11. y 12.07.
Badia Music Days
En vëndres ai 11 y en sabeda ai 12 de messé dales 18:00 inant vëgnel tigní pro paiun de Badia i »Badia Music Days«, cun deplü grups che sona musiga pop, blues y rock.

Referac
04.07.
N ann plëgn de vita
L’Uniun di Jogn y le Consëi de formaziun da Rina inviëia al referat »N ann plëgn de vita«, olache Klaus Prom­ber­ger cunta de süa esperiënza olache al é rodé fora por deplü stac dl monn. Al fat 47.000 km, »dassú, mo mai solitar«, sciö­che al dij. L’apuntamënt é por en vëndres ai 4 de messé dales 19:30, tla plaza sot scora da Rina.

Dotours
Dutor Gherdëina
L dutor de servisc da n sada ai 05.07. dala 08:00 daduman nchin la 08:00 daduman de n lunesc ai 07.07. ie l dutor Giu­liano Piccoliori de S. Cri­stina, tel. 0471 792282 o 348 3301004. 
Doturs Val Badia 
Tla fin dl’edema di 5 y 6 de messé, él en sorvisc ti comuns de Mareo y San Martin la doturia Stefania Febbraro, Al Plan, tel. 377 3288595. Ti comuns de Badia, Corvara y La Val él en sorvisc la doturia Margherita Righini, tel. 348 6351943.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 04.07. nchin n vënderdi ai 11.07. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 4 de messé dales 19:00 al vëndres ai 11 de messé ales 19:00, é chëra da San Martin/Picolin, tel. 0474 523020.

Segres y Festes
5.- 6.07.
Segra de Urtijëi
La Mujiga de Urtijëi nvieia ala segra de Urtijëi n sada ai 5 y n dumënia ai 6 de lugio sun Plaza de Sant Antone. La segra scumëncia n sada dala 12:00 y jirà inant nchin dumënia sëira cun de bela mujiga y sambën nce velch de bon da maië y da bever. De dumënia puderà i mëndri se lascé depënjer l mus.

Avisc
Atualmenter
Jon a pe… Vegneto?
L Comun de Sèn Jan à abù na bela pissada, ajache jir a pe fasc ben a la sanità, fat de seghit l val l dopie e ensema a autra jent l é ence gustegol. Se se troa vigni mercol da le 9 dadoman te piaz dal Mal­gher, per far n troi sorì che pel far duc, compagné da n volontadif de Sèn Jan. Baste se tor do ciuzè sorii, mingol de aga e la voa de star ben.
Atualmenter
Tel bosch co la jent de età
La sociazion Rencureme e Spazio Argento del Comun General de Fascia endreza spazirèdes te la natura per persones dai 65 egn en su, con Katiuscia Rasom e Tatia­na Tulini espertes de Bagn de Bosch (Forest Bathing). Da les 14:00 ai 3, 10 e 17 de messèl. Ge vel se enscinuèr chia­man Katiuscia al 393 3377940 o Tatiana al 349 5455352.
Atualmenter
Giramuseo al Museo Ladin
Duc i lunesc con scomenz da les 10:00 l staff del Museo Ladin de Fascia endreza Gira­museo, na raida a descorir la esposizions per duta la familia.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëura­prò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cu­mëmbri dla Lia Gaia.
Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena unirà prejentà n mestier da artejan y l ne mancerà nia ntra­tenimënt de mujiga.
Uni mierculdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi sarà inò daviert dai 2 de lugio inant, uni mierculdi dala 15:00 nchin la 19:00.
Uni mierculdi
Marcià de sëures y de tradizions
Uni mierculdi nchin ai 6 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradi­ziunel y maië velch de bon dl raion.
04.07.
FassaGravity Event
Anché vender ai 4 de messèl gran festa te Fraine, anter Poza e Pera, con Inout e Fassa Freeski. Da les 16:30 consegna nef furgon a Inout, da les 17:00 esibizion acrobatica coi ghes? spezièi, i campions Flora e Miro Tabanelli, da les 18:00 spetacol de Circensema e dapò aperitif per duc.
05.07.
Biodesvalivanza e mudamenc climatics
Doman, sabeda ai 5 de messèl da les 20:30 te sala de Consei de Comun de Poza, l Cai Sat del zenter Fascia endreza na scontrèda de aprofondiment con Michele Sofisti, Giuliano Com­pagno e Alessandro Gruzza: n espert de sostegni­bilità, n scritor e n fotograf per rejonèr sul impat del om sul ambient.
5-6.07.
Festa de Ciajeole
En sabeda ai 5 e domenia ai 6 de messèl l grop de Ciajeole endreza la festa te chest cian­ton de Moena olache sarà da magnèr, douces, stonc coi me­­stieres e musega con le­greza.
06.07.
Festa di trei paijes
En domenia ai 6 de messèl l Comitat manifestazions en­dreza la sègra de Mazin, Ciam­­pestrin e Fontanac. Al Pala­Dolomites da les 9:00 la messa, do l spetacol de Circen­sema, marena, da les 14:00 spetacol de cabaret de Maria Pia Timo e musega de la Spritz Band.
07.07.
Lia di Filatelisć – ancuntedes
La Lia di Filatelisć, Numisma­tics y Vedla Chertes de Gher­dëina se anconta uni prim lunesc dl mëns dala 20:00 tl Bar 2000 a S. Cristina, per s’la ciaculé y fé vel’ barat. La proscima ancunteda sarà ai 7 de lugio.
13.07.
Südtirol cujina
La show de »Südtirol kocht« ie per l cuarto iede te Sëlva, chëst ann pra la Utia Ciampac te Val, ai 13.07. dala 11:30 inant, cun l Chef Marc Ber­nardi, l Chef Norbert Dejaco, l cuech Hanzek Boris y la paura Anna Messner Pera­thoner. Duc ie nviei a chësc evënt culinarich speziel.

Mostres y Ert
Atualmenter
Alcide De Gasperi en mostra a Cianacei
Te Cèsa de Comun de Ciana­cei se pel veder la esposizion »Alcide De Gasperi. Album di casa« per endrez del Comun e de la Majon di Fascegn. Se pel jir a la veder debant fin ai 7 de messèl duc i dis da les 8.30 a les 12.30 e da les 15.00 a les 19.00 e dai 30 de jugn fora e fora da les 8.30 a les 19.00.
Atualmenter
Mostra Genius a Vich
Fin ai 22 de aost te la scoles populères de Vich se pel veder la mostra ‘Genius–Leonardo da Vinci anter èrt e scienza’ endrezèda dai studenc del liceo scientifich e artistich de la Scola Ladina en colabora­zion con l Ecomuseo de la Roggia Mora de Vigevano: de lunesc, mercol e jebia da les 15:00 a les 19:30 e da les 20:00 a les 22:00; de mèrtesc, vender e domenia demò do­mesdì, de sabeda serà.
Atualmenter
Insec africhegn en mostra al MUSE
Fin ai 3 de aost al MUSE de Trent te la ‘Foresta tropicale montana’ se pel veder ence la mostra »Bugs’ life« te su la marevees di invertebré de l’Africa. I insec con formes e colores da marevea é metui fora respetan sie esser e la segureza di vijitadores. L MU­SE é avert dal mèrtesc al vender da les 10:00 fin les 18:00 e de sabeda, domenia e festes fin les 19:00.
Atualmenter
Operes de Matthias Sieff a Limone
L’à inom »Presenze« l’esposi­zion che l cognosciù artist da Ciampedel Matthias Sieff met fora tel Parco Villa Borghi a Limone sul Garda. Sia cara­teriestiches gran operes restarà fora da poder veder per dut istà, enscin al meis de otober.
Atualmënter
Mostra coletiva »L sonn dl cheder«
Tla galaria Vijion a Puntives ie metuda ora la mostra »L sonn dl cheder«, na mostra cole­tiva cun opres di set artisć nter­naziunei Manuela Bede­schi, Flavio Senoner, Karsten Hein, Rabeah Mashinchi, Jeremi Ca, Gerhard Hotter y Laura Pan. La mostra resterà da udëi nchin ai 19 de lugio, dal lunesc nchin sada dala 16:00–19:00, o cherdan su l 338 2098697.
04.07.
«Ristla»
L Circolo–Lia Mostra d’Ert nvieia de cuer ala giaurida dla mostra «ristla» tl self dla lia, ai 4 de lugio dala 18:00. La mostra resterà da udëi nchin ai 23 de lugio, dal merdi ala dumënia dala 16:00–19:00 y de sada y dumënia nce dan­mesdì, 10:00–12:00. N vën­derdi ai 11 de lugio saràl daviert nce dala 20:00–22:00–i artisć sarà prejënc. Ntan la finissage ai 23.07. gëura la mostra bele dala 14:00.
04.07.
«Cie giapa pa l paur?» – Giaurida dla Mostra
L Museum storich-culturel dla Provinzia de Bulsan Cia­stel Tirol, nvieia de cuer ala giaurida dla mostra de Elisa­beth Frei «Was kriegt der Bauer» («Cie giapa pa l paur?»), ncuei, vënderdi ai 4 de lugio, dala 18:00 tl Ciastel Tirol. La mostra resterà da udëi nchin ai 9 de nuvëmber.
11.07.
Mostra Idea UNIKA 2025
Ntan chësc instà vëniel metù ora la mostra Idea Unika tl zënter de Urtijëi, sun Pana y tl raion da jì a pe de Sëlva, ula­che artisć:tes dl luech pre­jenterà si lëures nchin a mez setëmber.

Iadi y Jites
Atualmënter
Iscrizions: Viac de 5 dis tl Saarland
La grupa KVW de S.Cristina mët inò a jì n viac da d’autonn, chëst iede tl Saarland cun la Region dla Mosel y Luxem­burg, dai 1. al 5 de utober. Per plu nfurmazions y iscri­zions: Emmerich Senoner, 335 5713575.
11.–12.07.
Jita sun la Weißseespitze tla Ötztaler Alpen
La Lia da Mont Gherdëina nvieia a chësta jita dai 11 ai 12 de lugio. N peierà via dal Hotel Oswald te Sëlva demez cun auti privac. Da Melag (Langtaufers) jiràn su per l »Panoramaweg« nchin pra la utia Weißkugel, ulache n se fermerà sëura nuet. L dì do jiràn inant ite per l »Richter­weg« nchin sun l ëur dl dlacier. Per se nuté su: dai 30.06. inant tres Whatsapp da Ivan, al 348/78 03 397 – scrijan l inuem, ulache n sënta su y sce l mancia velch da massaria. Per plu nfurmazions: Valentin 338/83 62 004, Georg 335/78 85 710, Theo 338/33 40 111, Ivan 348/7803397.

Sozial
Atualmenter
Portel de scout mediazion familia
L Comun General de Fascia con ALFID Onlus à avert n portel de scout, orientament e mediazion familiara per la relazions te cèsa. L é avert a duc e debant a Sèn Jan te Stra­­da di Pré de Lejia 12 su apun­tament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
11.07.
Jon sun Secëda – grupa »Deberieda«
N vënderdi ai 11 de lugio se ancónten dala 14:00 a Urtijëi dan la Cësa de Paussa per furné sun Secëda, ulache n se fërma sa la Utia Sofie. «Deberieda« ie na grupa cun ulenteres per se ancunté dan­ter persones che à proble­ms psichics o de sozialisazion.

Chino
Atualmenter
Al chino de Pardac
Insnet, vender ai 4 de messèl e domenia ai 6 da les 21:15 l é »28 anni dopo«, mèrtesc ai 8 da les 21:15 l é »Fino alle mon­tagne«. Info su www.cinema­predazzo.it
Atualmenter
Al chino de Tieser
Doman, sabeda ai 5 de messèl da les 17:30 l é »Lilo & Stitch« e da les 21:15 »Jurassic World la rinascita« che vegn moscià ence domenia ai 6 da les 17:00 e lunesc ai 7 da les 21:15. Do­menia ai 6 e jebia ai 10 da les 21:15 l é »F1». Info su www.cinematesero.com

Televijiun
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
08.07.
Sport Ladin
Dales 20:50 ca. N program de Diego Clara, produziun ZAK Mayrhofer, a cura de Leo Senoner.
09.07.
Pizes dla Ladinia – prim ciampanil dl Sela
Dales 20:50 ca. N program de Manfred Stuffer, produziun Karbonvideo, a cura de Ales­sandro Dapunt.
10.07.
Deboriada
Dales 20:50 ca. N program de Ivan Senoner, produziun Pennpro, a cura de Leo Se­noner.
Informazions plu menudes sun i programs de RAI Ladi­nia pón giaté sun www.raibz.rai.it – Sun l medem sit sarà i pro­grams TV da vedei sot a »Mediateca« y les trasmi­scions radio sot a »Podcast«.

Radio
04.07.
Elda Ploner, mediadëura dla humanitas24
Elda Ploner à vint ani de espe­rienza tl ciamp soziel y dla secudienza. Chësc lëur ne ti à no mé cunsentì de ruvé a n cuntat strënt cun i bujëns de persones che adrova aiut ma nce mustrà su, tan mpur­tant che ie l sustëni persunel y la crëta. Ëila ie al didancuei mediatëura per la cooperativa »Humanitas 24«. Trasmiscion de David Lardschneider
06.07.
Sarah Runggaldier – n practicum te na scola dl Louisana (USA)
Sarah Runggaldier, 24 ani de Urtijëi, studieia Scienzes dla Furmazions a Persenon. L ultimo practicum de uni­versità àla ulù fé te na pitla zità dlon­gia New Orleans. Ëila nes conta de n sistem sco­la­stich desfrënt dal nost, de jënt da­vierta cun na menta­lità otimi­sta y de na cultura nia mo sensibiliseda n cont dla cuestion dl maië sann y dla spartizion dl refudam. N’espe­rienza da chëla che la se tol pea truep. Trasmiscion de Valeria Bernardi.